ಹಬ್ಬದ ಪ್ರಯುಕ್ತ ಬ್ಯಾಂಕ್ ಗಳಿಗೆ ಸಾಲು ಸಾಲು ರಜೆ, ಇಂದೇ ಎಲ್ಲಾ ವ್ಯವಹಾರ ಮುಗಿಸಿಕೊಳ್ಳಿ

ಹೊಸ ದೆಹಲಿ:ನಾಡಿನಾದ್ಯಂತ ದಸರಾ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಸೆಪ್ಟೆಂಬರ್ 29ರಿಂದ ನವರಾತ್ರಿ ಆರಂಭವಾಗಿದ್ದು, ದಸರಾ ಹಬ್ಬ ಕಳೆಯುತ್ತಿದ್ದ ಬೆನ್ನಲ್ಲೇ ಹಿಂದೂಗಳ ಪವಿತ್ರ ಹಬ್ಬಗಳಲ್ಲಿ ಒಂದಾದ ದೀಪಾವಳಿ ಶುರು ಆಗಲಿದೆ.

ದ.ಕ.: ಅ. 1ರಿಂದ 15ರವರೆಗೆ ದಸರಾ ರಜೆ

ಈ ನಡುವೆ ದಸರಾ ಮತ್ತು ದೀಪಾವಳಿ ಹಬ್ಬದ ಪ್ರಯುಕ್ತ ಭಾರತದ ಬ್ಯಾಂಕ್ ಗಳಿಗೆ ಸಾಲು ಸಾಲು ರಜೆ ಇದೆ. ಎಂದಿನಂತೆ ಭಾನುವಾರ ಹಾಗೂ ತಿಂಗಳ ಎರಡು ಮತ್ತು ನಾಲ್ಕನೇ ಶನಿವಾರ ಕೂಡ ರಜೆ ಇರಲಿದೆ. ಇದಲ್ಲದೆ ಹಬ್ಬ ಹರಿದಿನಗಳಿಗೆಂದು ರಜೆ ಇದ್ದು ಅಕ್ಟೋಬರ್ ತಿಂಗಳಿನಲ್ಲಿ ಬ್ಯಾಂಕ್ ಗೆ ಬರೋಬ್ಬರಿ 11 ದಿನ ರಜೆ ಇರಲಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ ನಿಗದಿ ಪಡಿಸಿದ ರಜಾ ಪಟ್ಟಿಯಲ್ಲೇ 11 ದಿನ ರಜೆ ದಾಖಲಿದೆ. ಇನ್ನು ಸಾಂದರ್ಭಿಕ ರಜೆ, ಬ್ಯಾಂಕ್ ಉದ್ಯೋಗಿಗಳ ರಜೆ ಅಥವಾ ಆಯಾ ರಾಜ್ಯದ ಬ್ಯಾಂಕ್ ಗಳಿಗೆ ಸಂಬಂಧಿಸಿ ಅಲ್ಲಿನ ಸರಕಾರದ ಕಡೆಯಿಂದ ರಜೆ ಇದ್ದರಂತೂ ತಿಂಗಳ 15 ದಿನ ಕೂಡ ಬ್ಯಾಂಕ್ ಗಳಿಗೆ ರಜೆ ಇರಲಿದೆ.

ಮೈಸೂರು: ಅ.3ರಿಂದ ದಸರಾ ರಜಾ

ಹೀಗಾಗಿ ಅಕ್ಟೋಬರ್ ತಿಂಗಳಿನಲ್ಲಿ ಬ್ಯಾಂಕ್ ಗೆ ಹೋಗುವ ಮುನ್ನ ಒಮ್ಮೆ ಕ್ಯಾಲೆಂಡರ್ ನೋಡಿಕೊಂಡು ಹೋಗುವುದು ಉತ್ತಮ. ಜೊತೆಗೆ ಮುಂಚಿತವಾಗಿ ಎಲ್ಲಾ ಹಣದ ವ್ಯವಹಾರವನ್ನು ಮುಗಿಸಿಕೊಂಡರೆ ಒಳ್ಳೆಯದು.

ಶಾಲಾ-ಕಾಲೇಜು ವಿದ್ಯಾರ್ಥಿಗಳಿಗೆ 15 ದಿನ ದಸರಾ ರಜೆ: ಯಾವ ದಿನಾಂಕದಿಂದ ಗೊತ್ತೇ?

ಬ್ಯಾಂಕ್ ಗೆ ರಜಾ ಇರುವ ದಿನಗಳ ಪಟ್ಟಿ:
ಅಕ್ಟೋಬರ್ 2-ಗಾಂಧಿ ಜಯಂತಿ, ಅಕ್ಟೋಬರ್ 6 (ಭಾನುವಾರ), ಅಕ್ಟೋಬರ್ 7-ಮಹಾನವಮಿ/ಆಯುಧ ಪೂಜೆ, ಅಕ್ಟೋಬರ್ 8-ವಿಜಯದಶಮಿ 3 ದಿನ ಬ್ಯಾಂಕ್ ತೆರೆದಿರುವುದಿಲ್ಲ. ಅಕ್ಟೋಬರ್ 12-ಎರಡನೇ ಶನಿವಾರ, ಅಕ್ಟೋಬರ್ 13 (ಭಾನುವಾರ), ಅಕ್ಟೋಬರ್ 20(ಭಾನುವಾರ), ಅಕ್ಟೋಬರ್ 26 ನಾಲ್ಕನೇ ಶನಿವಾರ, ಅಕ್ಟೋಬರ್ 27(ಭಾನುವಾರ) ಜೊತೆಗೆ ದೀಪಾವಳಿ ಕೂಡ ಇರಲಿದೆ. ಅಕ್ಟೋಬರ್ 28 ಗೋವರ್ಧನ ಪೂಜೆ ಇರುವುದರಿಂದ ಕೆಲ ರಾಜ್ಯಗಳಿಗೆ ರಜೆ ಇದೆ. ಅಕ್ಟೋಬರ್ 29 ರಂದು ಬಲಿಪಾಡ್ಯಮಿ ಇದೆ. ಇದರ ಜೊತೆಗೆ ನವೆಂಬರ್ 1ರಂದು ಕನ್ನಡ ರಾಜ್ಯೋತ್ಸವ ಇರುವುದರಿಂದ ಆ ದಿನ ಕೂಡ ರಜೆ ಇರಲಿದೆ.