ವೈರಸ್ ಭೀತಿಯಲ್ಲೂ ಬಂದೂಕು ಬಿಡದ ನಕ್ಸಲರು: ಗುಂಡಿನ ಕಾಳಗದಲ್ಲಿ 17 ಯೋಧರು ಹುತಾತ್ಮ!

ರಾಯ್‌ಪುರ್(ಮಾ.23): ಛತ್ತೀಸ್‌ಗಡ್‌ದ ಸುಕ್ಮಾ ಜಿಲ್ಲೆಯ ಅರಣ್ಯದಲ್ಲಿ ನಕ್ಸಲರು ಮತ್ತು ಭದ್ರತಾ ಪಡೆಗಳ ನಡುವೆ ಗುಂಡಿನ ಕಾಳಗ ನಡೆದಿದ್ದು, ದಾಳಿಯಲ್ಲಿ 17 ಯೋಧರು ಹುತಾತ್ಮರಾಗಿದ್ದಾರೆ.

ಸುಕ್ಮಾ ಜಿಲ್ಲೆಯಲ್ಲಿನ ಅರಣ್ಯ ಪ್ರದೇಶದಲ್ಲಿ ನಕ್ಸಲರು ಅಡಗಿದ್ದಾರೆ ಎಂಬ ಖಚಿತ ಮಾಹಿತಿ ಮೇರೆಗೆ, ಜಿಲ್ಲಾ ಮೀಸಲು ಪಡೆ ಹಾಗೂ ವಿಶೇಷ ಕಾರ್ಯಪಡೆಯ 600 ಸಿಬ್ಬಂದಿ ಕಾರ್ಯಾಚರಣೆಯನ್ನು ಕೈಗೊಂಡಿದ್ದರು.

ಛತ್ತೀಸ್‌ಗಢದಲ್ಲಿ ಮತ್ತೆ ನೆತ್ತರು ಹರಿಸಿದ ನಕ್ಸಲರು: ಎಸ್‌ಪಿ ಮುಖಂಡನ ಅಪಹರಣ, ಹತ್ಯೆ

ಈ ವೇಳೆ ಏಕಾಏಕಿ ಯೋಧರ ಮೇಲೆ ದಾಳಿ ಮಾಡಿದ ಸುಮಾರು 250ಕ್ಕೂ ಹೆಚ್ಚು ಮಾವೋವಾದಿ ಉಗ್ರರು, 17 ಯೋಧರನ್ನು ವಶಕ್ಕೆ ಪಡೆದಿದ್ದರು ಎನ್ನಲಾಗಿದೆ.


ಬಳಿಕ ವಶಕ್ಕೆ ಪಡೆದಿದ್ದ 17 ಯೋಧರನ್ನು ಕೊಂದು ಹಾಕಿರುವ ನಕ್ಸಲರು, ದಟ್ಟ ಅರಣ್ಯದಲ್ಲಿ ತಲೆಮರೆಸಿಕೊಂಡಿದ್ದಾರೆ. ಇತ್ತ ಕಾಣೆಯಾಗಿದ್ದ ಸಹೋದ್ಯೋಗಿಗಳನ್ನು ಹುಡುಕುತ್ತಾ ಬಂದ ಕೋಬ್ರಾ ಪಡೆಗೆ ಎಲ್ಲಾ 17 ಹುತಾತ್ಮ ಯೋಧರ ಶವ ದೊರೆತಿವೆ.

ನಕ್ಸಲ್‌ ದಾಳಿಗೆ ಐವರು ಪೊಲೀಸರು ಬಲಿ

ಇನ್ನು ಈ ಗುಂಡಿನ ಕಾಳಗದಲ್ಲಿ ಗಾಯಗೊಂಡಿದ್ದ ಭದ್ರತಾ ಸಿಬ್ಬಂದಿಯನ್ನು ವಿಮಾನದ ಮೂಲಕ ರಾಯ್‌ಪುರ್‌ಕ್ಕೆ ಕರೆತಂದು, ಖಾಸಗಿ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆಗೆ ದಾಖಲಿಸಲಾಗಿದೆ.