ಚಂದ್ರಬಾಬು ನಾಯ್ಡುಗಿಂತ 18 ತಿಂಗಳ ಮೊಮ್ಮಗ ದೇವಾಂಶ್‌ ಶ್ರೀಮಂತ

ಗುಂಟೂರು: ಆಂಧ್ರಪ್ರದೇಶದ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ಅವರಿಗಿಂತ ಅವರ 18 ತಿಂಗಳ ಮೊಮ್ಮಗ ದೇವಾಂಶ್‌ ಶ್ರೀಮಂತ. ಏಕೆಂದರೆ ಈ ಮಗು ಹೊಂದಿರುವ ಆಸ್ತಿ ಮೌಲ್ಯ 11.57 ಕೋಟಿ ರೂ. ಆದರೆ ನಾಯ್ಡು ಅವರು ಅಂಬಾಸಿಡರ್‌ ಕಾರು ಸೇರಿದಂತೆ ಹೊಂದಿರುವ ಆಸ್ತಿ ಮೊತ್ತ 3.37 ಕೋಟಿ ರೂ. ಮಾತ್ರವಂತೆ.

ಇದನ್ನು ಬಹಿರಂಗಪಡಿಸಿದವರು ದೇವಾಂಶ್‌ ತಂದೆ, ಚಂದ್ರಬಾಬು ನಾಯ್ಡು ಅವರ ಪುತ್ರ ಲೋಕೇಶ್‌. ಈ ಮಗುವಿಗೆ ಅಜ್ಜಿ ಭುವನೇಶ್ವರಿ ಅವರಿಂದ ಬಂದಿರುವ ಆಸ್ತಿ ಮೌಲ್ಯ 9.17 ಕೋಟಿ ರೂ. ಆಗಿದ್ದರೆ, ತಾಯಿ ಕಡೆಯ ಅಜ್ಜನಿಂದ ಬಂದಿರುವ ಬ್ಯಾಂಕ್‌ ಠೇವಣಿ 2.4 ಕೋಟಿ ರೂ.

ಚಂದ್ರಬಾಬು ನಾಯ್ಡು ಕುಟುಂಬವು ಹೊಂದಿರುವ ಆಸ್ತಿ ವಿಚಾರದಲ್ಲಿ ಪ್ರತಿಪಕ್ಷವು ಅಪಪ್ರಚಾರ ನಡೆಸುತ್ತಿದೆ ಎಂದು ದೂರಿದ ಲೋಕೇಶ್‌ ಅವರು ಕುಟುಂಬ ಹೊಂದಿರುವ ಆಸ್ತಿ ವಿವರಗಳನ್ನು ಪಕ್ಷದ ಕಚೇರಿಯಲ್ಲಿ ಪ್ರಕಟಿಸಿದರು.

ಚಂದ್ರ ಬಾಬು ನಾಯ್ಡು ಅವರು ಜ್ಯುಬಿಲಿ ಹಿಲ್ಸ್‌ನಲ್ಲಿ 3.68 ಕೋಟಿ ರೂ. ಮೌಲ್ಯದ ಮನೆ ಹೊಂದಿದ್ದು, ಬ್ಯಾಂಕ್‌ ಆಫ್‌ ಬರೋಡಾದಲ್ಲಿ 3.06 ಕೋಟಿ ರೂ. ಸಾಲ ಇದೆ ಎಂದು ಲೋಕೇಶ್‌ ಹೇಳಿದ್ದಾರೆ.

Grandson devansh richer than chandrababu naidu: Little Devansh has more assets than his grandfather, chief minister of Andhra Pradesh Nara Chandrababu Naidu.