ದೇಶದ ಶೇ67 ಮಂದಿ ಕಂಪ್ಯೂಟರ್ ಬಳಕೆ

ಹೊಸದಿಲ್ಲಿ: 2014ರಲ್ಲಿ ದೇಶದಲ್ಲಿ ಗ್ರಾಮೀಣ ಪ್ರದೇಶಗಳ ಶೇ18, ನಗರಗಳ ಶೇ49 ಮಂದಿ ಕಂಪ್ಯೂಟರ್ ಬಳಸುತ್ತಿದ್ದರು. ಅವರೆಲ್ಲ 14-29 ವರ್ಷದೊಳಗಿನವರು ಎಂದು ನ್ಯಾಷನಲ್ ಸ್ಯಾಂಪಲ್ ಸರ್ವೆ ಆರ್ಗನೈಸೇಷನ್‌ನ ಸಮೀಕ್ಷೆ ಹೇಳಿದೆ.

ಈ ಪರಿಸ್ಥಿತಿಯಲ್ಲಿ ಸರಕಾರದ ಮಹತ್ವಾಕಾಂಕ್ಷಿ ಯೋಜನೆ ಡಿಜಿಟಲ್ ಇಂಡಿಯಾ ಅನುಷ್ಠಾನ ಕಠಿಣ ಸವಾಲಾಗಿರುತ್ತದೆ. ದೇಶದಲ್ಲಿ ಶೇ27ರಷ್ಟು ಮಂದಿಗೆ ಮಾತ್ರ ಇಂಟರರ್ನೆಟ್ ಸೌಲಭ್ಯ ದಕ್ಕಿದೆ.ಹಳ್ಳಿಗಳ ಶೇ6, ನಗರಗಳ ಶೇ29 ಮನೆಗಳಲ್ಲಿ ಕಂಪ್ಯೂಟರ್‌ಗಳಿವೆ ಎಂದು ಸಮೀಕ್ಷೆ ತಿಳಿಸಿದೆ.

ಕಂಪ್ಯೂಟರ್ ಬಳಸುವವರಲ್ಲೂ ಕೌಶಲದ ಕೊರತೆಯಿದೆ. ಶೇ 14,2ರಷ್ಟು ಮಂದಿಗೆ ಮಾತ್ರ ಟೈಪ್ ಮಾಡಲು ಮತ್ತು ವರ್ಡ್ ಪ್ರೊಸೆಸಿಂಗ್ ತಿಳಿದಿದೆ. ಗ್ರಾಮೀಣರಿಗೆ ಹೋಲಿಸಿದರೆ ನಾನಾ ಉದ್ದೇಶಗಳಿಗಾಗಿ ನಗರದಲ್ಲಿ ಪುರುಷರು ಮೂರು ಪಟ್ಟು ಹೆಚ್ಚು ಕಂಪ್ಯೂಟರ್ ಬಳಸುತ್ತಾರೆ ಎಂದು ಸಮೀಕ್ಷೆ ವಿವರಿಸಿದೆ.