ಏಡ್ಸ್‌ ಫ್ರೀ ಸರ್ಟಿಫಿಕೇಟ್‌ ಇದ್ದರಷ್ಟೆ ಇಂಡಸ್‌, ಅಜಿಂಕ್ಯ ಶಾಲೆಗಳಿಗೆ ಪ್ರವೇಶ

ಪುಣೆ: ಏಡ್ಸ್‌ ಮುಕ್ತರು ಎಂದು ಪ್ರಮಾಣ ಪತ್ರ ಸಲ್ಲಿಸಿದರೆ ಮಾತ್ರವೇ ನಗರದ ಎರಡು ಶಿಕ್ಷಣ ಸಂಸ್ಥೆಗಳು ವಿದೇಶಿ ವಿದ್ಯಾರ್ಥಿಗಳಿಗೆ ಪ್ರವೇಶಾವಕಾಶ ಕಲ್ಪಿಸುವ ಪ್ರವೃತ್ತಿಯನ್ನು ಮುಂದುವರಿಸಿಕೊಂಡು ಬಂದಿವೆ.

ವಿದೇಶಿ ವಿದ್ಯಾರ್ಥಿಗಳು ಇಂಥದ್ದೊಂದು ಪ್ರಮಾಣಪತ್ರ ಸಲ್ಲಿಸುವುದು ಕಡ್ಡಾಯ ಎಂಬ ಕಾನೂನನ್ನು 15 ವರ್ಷಗಳ ಹಿಂದೆಯೇ ಕೇಂದ್ರ ರದ್ದುಪಡಿಸಿದ್ದರೂ ಇಂಡಸ್‌ ಇಂಟರ್‌ನ್ಯಾಷನಲ್‌ ಸ್ಕೂಲ್‌ ಆ್ಯಂಡ್ ಕಾಲೇಜ್‌ ಮತ್ತು ಅಜಿಂಕ್ಯ ಡಿ.ವೈ.ಪಾಟೀಲ್‌ ಇಂಟರ್‌ ನ್ಯಾಷನಲ್‌ ಸ್ಕೂಲ್‌ಗಳಲ್ಲಿ ಪ್ರವೇಶ ನೀಡುವ ವೇಳೆ ಇದನ್ನು ಅನುಸರಿಸಲಾಗುತ್ತಿದೆ.

ಏಡ್ಸ್‌ ಮುಕ್ತ ಪ್ರಮಾಣಪತ್ರ ಇಲ್ಲದೆ ಯಾವುದೇ ಸ್ಕೂಲ್‌ನಲ್ಲಿ ಪ್ರವೇಶ ಪಡೆಯಬಹುದು ಎಂದು ಶಿಕ್ಷಣ ಇಲಾಖೆ ನೀಡಿರುವ ನೋಟಿಸ್‌ನಲ್ಲಿ ಸ್ಪಷ್ಟವಾಗಿದೆ. ಎನ್‌ಆರ್‌ಐಗಳು ಮತ್ತು ವಿದೇಶಿ ವಿದ್ಯಾರ್ಥಿಗಳು ಇವೆರಡು ಶಿಕ್ಷಣ ಸಂಸ್ಥೆಗಳಿಗೆ ಆದ್ಯತೆ ನೀಡುತ್ತಾರೆ. ಈ ಕುರಿತು ಪರಿಶೀಲನೆ ನಡೆಸುತ್ತಿದ್ದು, ಏಡ್ಸ್‌ ಫ್ರೀ ಸರ್ಟಿಫಿಕೇಟ್‌ ನೀಡುವಂತೆ ಕೇಳಲು ಕಾರಣವೇನು ಎಂದು ಸಂಸ್ಥೆಯ ಪ್ರಿನ್ಸಿಪಾಲ್‌ ಅವರಲ್ಲಿ ವಿಚಾರಿಸಲಾಗುವುದು ಎಂದು ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ದಿನಕರ್‌ ತೆಮ್‌ಕರ್‌ ಹೇಳಿದ್ದಾರೆ.

ಇಂಡಸ್‌ ಸ್ಕೂಲ್‌ಗೆ ಕೊರಿಯಾ, ಥಾಯ್ಲೆಂಡ್‌, ಅಮೆರಿಕ,ರೊಮೆನಿಯಾ, ಈಜಿಪ್ತ್‌, ಕಾಂಗೊ ಮತ್ತಿತರ ದೇಶಗಳ ವಿದ್ಯಾರ್ಥಿಗಳು ಬರುತ್ತಾರೆ. ಅಜಿಂಕ್ಯ ಪಾಟೀಲ್‌ ಶಿಕ್ಷಣ ಸಂಸ್ಥೆಯಲ್ಲಿ ಭಾರತೀಯ ಮೂಲದ ವಿದೇಶಿಯರು, ಅನಿವಾಸಿ ಭಾರತೀಯರು, ಜರ್ಮನಿ, ಕೊರಿಯಾಗಳ ವಿದ್ಯಾರ್ಥಿಗಳು ಪ್ರವೇಶ ಪಡೆಯುತ್ತಾರೆ.ಆದರೆ ಏಡ್ಸ್‌ ಫ್ರೀ ಪ್ರಮಾಣಪತ್ರ ಸಲ್ಲಿಸುವಂತೆ ವಿದೇಶಗಳ ವಿದ್ಯಾರ್ಥಿಗಳಲ್ಲಿ ಕೇಳಿಲ್ಲ ಎಂದು ಶಿಕ್ಷಣ ಸಂಸ್ಥೆಗಳ ಅಧಿಕಾರಿಗಳು ಹೇಳಿದ್ದಾರೆ.

2 TOP CITY SCHOOLS DEMAND AIDS-FREE CERTIFICATES FROM FOREIGN STUDENTS

Pune:Unmindful of a law abolished 15 years ago, the institutes continue to seek the documents from overseas applicants.