ಪಾಕ್‌ನಿಂದ ದುಬೈ ಮೂಲಕ ಭಾರತಕ್ಕೆ ಬರುತ್ತಿದೆ 2000 ರೂ. ಕಳ್ಳನೋಟು

ಮುಂಬಯಿ: ದುಬೈನಿಂದ ನಗರಕ್ಕೆ ವಿಮಾನದಲ್ಲಿಬಂದಿಳಿದ ವ್ಯಕ್ತಿಯೊಬ್ಬನಿಂದ ಸುಮಾರು 24 ಲಕ್ಷ ರೂ. ಮೌಲ್ಯದ 2000 ರೂ. ಮುಖಬೆಲೆಯ ನಕಲಿ ನೋಟುಗಳನ್ನು ಪೊಲೀಸರು ವಶಕ್ಕೆ ಪಡಿಸಿಕೊಂಡಿದ್ದಾರೆ.

ಆರೋಪಿಯನ್ನು ಜಾವೇದ್‌ ಶೇಖ್‌ (36) ಎಂದು ಗುರುತಿಸಲಾಗಿದ್ದು, ಆತನ ಬಳಿ ಸಿಕ್ಕ ನಕಲಿ ನೋಟುಗಳಲ್ಲಿಆರ್‌ಬಿಐನ ಅಸಲಿ ನೋಟುಗಳಲ್ಲಿನ 9 ಭದ್ರತಾ ವೈಶಿಷ್ಟ್ಯತೆಗಳ ಪೈಕಿ 7 ಇರವುದು ಗಮನಾರ್ಹ.

ಜತೆಗೆ ಮುದ್ರಣ ಗುಣಮಟ್ಟ ಕೂಡ ತುಂಬ ಉತ್ತಮದ್ದಾಗಿದೆ. ''ನಕಲಿ ನೋಟುಗಳು ಪಾಕಿಸ್ತಾನದಲ್ಲಿಮುದ್ರಣಗೊಳ್ಳುತ್ತಿವೆ. ಅಲ್ಲಿಂದ ದುಬೈಗೆ ಕಳುಹಿಸಲಾಗುತ್ತದೆ. ನಾನು ದುಬೈ ಮತ್ತು ಬ್ಯಾಂಕಾಕ್‌ಗೆ ತೆರಳಿ ನೋಟುಗಳನ್ನು ತಂದಿದ್ದೇನೆ,'' ಎಂದು ವಿಚಾರಣೆ ವೇಳೆ ಬಾಯಬಿಟ್ಟಿದ್ದಾನೆ.

ಮೇಲ್ನೋಟಕ್ಕೆ ನೋಟುಗಳನ್ನು ಪರಿಶೀಲಿಸಲು ಸಾಧ್ಯವೇ ಇಲ್ಲ. ಅಷ್ಟು ಕರಾರುವಕ್ಕಾಗಿ ನಕಲು ಮಾಡಲಾಗಿದೆ ಎಂದು ಅಪರಾಧ ವಿಭಾಗದ ಪೊಲೀಸ್‌ ಅಧಿಕಾರಿ ಸಂತೋಷ್‌ ರಸ್ತೋಗಿ ಹೇಳಿದ್ದಾರೆ.