ಉತ್ತರಾಖಂಡದಲ್ಲಿ ಭಾರೀ ಮಳೆಗೆ 3 ಸಾವು, 8 ಮಂದಿ ಕಾಣೆ..!

ಉತ್ತರಾಖಂಡ: ಉತ್ತರಾಖಂಡದ ಹಲವೆಡೆ ಉಂಟಾಗಿರುವ ಭೀಕರ ಪ್ರವಾಹದಲ್ಲಿ ಸಿಲುಕಿ ಮೂವರು ಪ್ರಾಣ ಕಳೆದುಕೊಂಡರೆ, ಎಂಟು ಜನರು ಕಾಣೆಯಾಗಿದ್ದಾರೆ ಎಂದು ತಿಳಿದು ಬಂದಿದೆ.


ಕಳೆದ ಕೆಲದಿನಗಳಿಂದ ಈ ಭಾಗದಲ್ಲಿ ಭಾರೀ ಮಳೆಯಾಗುತ್ತಿದ್ದು, ಉತ್ತರಾಖಂಡದ ಡೆಹರಾಡೂನ್‌ನಿಂದ ಸುಮಾರು 450 ಕಿ.ಮೀ ದೂರವಿರುವ ಪಿಥೋರಗಡ ಜಿಲ್ಲೆಯ ಗುಡ್ಡಗಾಡು ಪ್ರದೇಶದಲ್ಲಿ ಭಾರೀ ಪ್ರವಾಹ ಉಂಟಾಗಿದೆ. ಇಲ್ಲಿನ ಮುನ್ಸಿಯರಿ ಪಟ್ಟಣದಲ್ಲಿ ಮಳೆಯಿಂದಾಗಿ ನಾಲ್ಕು ಮನೆಗಳು ಕುಸಿದಿದ್ದು, ಒಂದು ಸೇತುವೆ ಒಡೆದು ಹೋಗಿದೆ. ಜಾನುವಾರುಗಳು ಕೂಡ ಪ್ರಾಣ ಕಳೆದುಕೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.


ರಾಜಸ್ಥಾನ ಬಿಕ್ಕಟ್ಟು: ಟೀಮ್‌ ಪೈಲಟ್‌ ವಿಚಾರದಲ್ಲಿ ಸ್ಪೀಕರ್ ಮೊದಲು ನಿರ್ಧಾರ ತೆಗೆದುಕೊಳ್ಳಲಿ ಎಂದ ಹೈಕೋರ್ಟ್

ಮೂವರು ಪ್ರಾಣ ಕಳೆದುಕೊಂಡ ವ್ಯಕ್ತಿಗಳು ಮಾಡ್ಕೋಟ್ ಗ್ರಾಮದವರಾಗಿದ್ದು, ಅಲ್ಲೇ ಪಕ್ಕದ ಎಂಟು ಮಂದಿ ಕಾಣೆಯಾಗಿದ್ದಾರೆ ಎಂದು ಪಿಥೋರಗಢ ಜಿಲ್ಲಾಧಿಕಾರಿ ತಿಳಿಸಿದ್ದಾರೆ. ಇನ್ನೊಂದೆಡೆ ಘೋರಿ ನದಿಯಲ್ಲಿ ನೀರಿನ ಹರಿವಿನ ಮಟ್ಟ ಏರುತ್ತಿದ್ದು ನದಿಪಾತ್ರದ ಜನರನ್ನು ಸ್ಥಳೀಯಾಡಳಿತ ಸುರಕ್ಷಿತ ಪ್ರದೇಶಗಳಿಗೆ ಸ್ಥಳಾಂತರಿಸುತ್ತಿದೆ. ಕಳೆದ ಶನಿವಾರದಿಂದ ಸುರಿಯುತ್ತಿರುವ ನಿರಂತರ ಮಳೆಯಿಂದಾಗಿ ನೀರಿನ ಮಟ್ಟ ಒಂದೇ ಸಮನೆ ಏರಿಕೆಯಾಗುತ್ತಿದೆ. ಸ್ವಯಂ ಸೇವಕರು ಕೂಡ ಈ ಪ್ರಕ್ರಿಯೆಯಲ್ಲಿ ಭಾಗಿಯಾಗಿದ್ದಾರೆ.

70 ಟನ್‌ ತೂಕ ಹೊತ್ತು 1,700 ಕಿ.ಮೀ ದೂರವನ್ನ 10 ತಿಂಗಳಲ್ಲಿ ತಲುಪಿದ 74 ಚಕ್ರದ ಲಾರಿ!