30 ಸೆಕೆಂಡ್‌ನಲ್ಲಿ ಕೊರೊನಾ ಪರೀಕ್ಷೆ ಫಲಿತಾಂಶ

ಹೊಸದಿಲ್ಲಿ: ಕೇವಲ 30 ಸೆಕೆಂಡ್‌ಗಳಲ್ಲಿ ಫಲಿತಾಂಶ ನೀಡುವ ಕೊರೊನಾ ತಪಾಸಣೆ ಕಿಟ್‌ ಅಭಿವೃದ್ಧಿಪಡಿಸುವುದಕ್ಕಾಗಿ ಹಿರಿಯ ವಿಜ್ಞಾನಿಗಳ ತಂಡವನ್ನು ಭಾರತಕ್ಕೆ ಕಳುಹಿಸಿಕೊಡಲು ಇಸ್ರೇಲ್‌ ನಿರ್ಧರಿಸಿದೆ.

''ವಿಶೇಷ ವಿಮಾನದಲ್ಲಿ ವಿಜ್ಞಾನಿಗಳ ತಂಡ ಭಾರತಕ್ಕೆ ಆಗಮಿಸಲಿದೆ. ಮುಖ್ಯ ವಿಜ್ಞಾನಿ ಕೆ. ವಿಜಯ ರಾಘವನ್‌ ಮತ್ತು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧ ಸಂಸ್ಥೆ (ಡಿಆರ್‌ಡಿಒ) ವಿಜ್ಞಾನಿಗಳೊಂದಿಗೆ ಈ ತಂಡವು ತಪಾಸಣೆ ಕಿಟ್‌ ಆವಿಷ್ಕಾರದಲ್ಲಿ ತೊಡಗಿಕೊಳ್ಳ­ಲಿದೆ. ಭಾರತೀಯ ವಿಜ್ಞಾನಿ­ಗಳು ಅಭಿವೃದ್ಧಿಪಡಿಸಿರುವ ಕಿಟ್‌ ಅನ್ನು ಮತ್ತಷ್ಟು ಉತ್ತಮಪಡಿಸಿ 30 ಸೆಕೆಂಡ್‌ಗಳಲ್ಲಿ ಫಲಿತಾಂಶ ಲಭ್ಯವಾಗುವಂತೆ ಮಾಡುವುದು ನಮ್ಮ ಗುರಿ'' ಎಂದು ಇಸ್ರೇಲ್‌ ರಾಯ­ಭಾರ ಕಚೇರಿ ತಿಳಿಸಿದೆ.

ಸೋಂಕಿತರ ತಪಾ­ಸಣೆ ಫಲಿತಾಂಶ ಶೀಘ್ರ ಲಭ್ಯವಾದರೆ ಸೋಂಕು ಪ್ರಸರಣಕ್ಕೆ ನಿಯಂತ್ರಣ ಹಾಕಲು ಸಾಧ್ಯವಾಗುತ್ತದೆ ಮತ್ತು ಎರಡೂ ದೇಶಗಳು ತ್ವರಿತವಾಗಿ ಅಭಿವೃದ್ಧಿಯ ಹಳಿಗೆ ಮರಳಲು ಸಾಧ್ಯವಾಗುತ್ತದೆಂದು ರಾಯಭಾರ ಕಚೇರಿ ಅಭಿಪ್ರಾಯಪಟ್ಟಿದೆ.