ಎಚ್ಚರ: ಹಳೆಯ ಅಣೆಕಟ್ಟುಗಳಿಂದ ಭಾರತಕ್ಕೆ ಅಪಾಯ..! 4 ವರ್ಷದಲ್ಲಿ ಶಿಥಿಲಗೊಳ್ಳಲಿವೆ ಸಾವಿರಾರು ಡ್ಯಾಂಗಳು..!

ನ್ಯೂಯಾರ್ಕ್: ಮುಂದಿನ ನಾಲ್ಕು ವರ್ಷಗಳಲ್ಲಿ ಭಾರತದಲ್ಲಿನ ಸುಮಾರು ಒಂದು ಸಾವಿರಕ್ಕೂ ಹೆಚ್ಚು ಅಣೆಕಟ್ಟುಗಳು 50 ವರ್ಷ ಪೂರೈಸಲಿವೆ. ಇದರಿಂದಾಗಿ ಶಿಥಿಲಗೊಂಡಿರುವ ಡ್ಯಾಂಗಳ ಸಂಖ್ಯೆ ಹೆಚ್ಚುವ ಮೂಲಕ ದುರಂತಗಳ ಭೀತಿ ಕೂಡ ಏರಿಕೆ ಕಾಣಲಿದೆ. ಅಣೆಕಟ್ಟುಗಳ ಸುತ್ತಲಿನ ಪ್ರದೇಶಗಳಲ್ಲಿನ ಜನರಿಗೆ ಸದಾಕಾಲ ದುರಂತ ಸಂಭವಿಸುವ ಭೀತಿ ಕಾಡಲಿದೆ ಎಂದು ವಿಶ್ವಸಂಸ್ಥೆಯ ವರದಿ ಕಳವಳ ವ್ಯಕ್ತಪಡಿಸಿದೆ.

1930 ರಿಂದ 1970ರ ನಡುವೆ ವಿಶ್ವಾದ್ಯಂತ 58,700 ಅಣೆಕಟ್ಟುಗಳನ್ನು ನಿರ್ಮಿಸಲಾಗಿತ್ತು. ಅವುಗಳ ಕಾಲಾವಧಿಯನ್ನು 50 ರಿಂದ 100 ವರ್ಷಗಳು ಎಂದು ವಿನ್ಯಾಸ ತಜ್ಞರು ಮತ್ತು ಸಿವಿಲ್‌ ಇಂಜಿನಿಯರ್‌ಗಳು ನಿರ್ಧರಿಸಿದ್ದರು. ಅದರಂತೆ 2025ಕ್ಕೆ ಭಾರತವೊಂದರಲ್ಲೇ ಸಾವಿರಕ್ಕೂ ಹೆಚ್ಚು ಡ್ಯಾಂಗಳ ನಿರ್ಮಾಣ ಅವಧಿ 50 ವರ್ಷ ಪೂರ್ಣಗೊಳ್ಳಲಿದೆ. ಇದರಿಂದಾಗಿ ಅವುಗಳು ಶಿಥಿಲಗೊಳ್ಳುತ್ತಾ ಹೋಗುತ್ತವೆ ಎಂದು 'ಏಜಿಂಗ್‌ ವಾಟರ್‌ ಇನ್‌ಫ್ರಾಸ್ಟ್ರಕ್ಚರ್‌: ಆ್ಯನ್‌ ಎಮರ್ಜಿಂಗ್‌ ಗ್ಲೋಬಲ್‌ ರಿಸ್ಕ್‌' ಶೀರ್ಷಿಕೆಯ ವರದಿಯಲ್ಲಿ ಅಭಿಪ್ರಾಯ ವ್ಯಕ್ತವಾಗಿದೆ. ವಿಶ್ವಸಂಸ್ಥೆಯ ಅನುದಾನಿತ ಕೆನಡಾ ಮೂಲದ ನೀರು, ಪರಿಸರ ಮತ್ತು ಆರೋಗ್ಯ ಅಧ್ಯಯನ ಇನ್‌ಸ್ಟಿಟ್ಯೂಟ್‌ ಈ ವರದಿಯನ್ನು ತಯಾರಿಸಿದೆ.
ಬಂಗಾಳದಲ್ಲಿ ನಿಲ್ಲದ ‘ಜೈ ಶ್ರೀರಾಮ್‌’ ಜಟಾಪಟಿ; ಕಾಂಗ್ರೆಸ್‌, ಎಡಪಕ್ಷಗಳಿಂದ ಮಮತಾಗೆ ಬೆಂಬಲ
2050ರಲ್ಲಿ ಬಹುತೇಕ ಕುಸಿತ..!
ಸದ್ಯ 50 ವರ್ಷ ದಾಟಿರುವ ಮತ್ತು ಅದಕ್ಕೂ ಹಳೆಯದಾದ ಡ್ಯಾಂಗಳು 2050ರ ಹೊತ್ತಿಗೆ ತೀವ್ರ ಶಿಥಿಲಗೊಂಡು ಕುಸಿಯಲು ಆರಂಭಗೊಳ್ಳಲಿವೆ. ಇಲ್ಲವೇ, ಅಪಾಯ ಹತ್ತಿಕ್ಕಲು ಸರಕಾರಗಳೇ ಡ್ಯಾಂಗಳನ್ನು ಕೆಡವಲು ಮುಂದಾಗಬೇಕಾದ ಸ್ಥಿತಿ ನಿರ್ಮಾಣವಾಗಲಿದೆ ಎಂದು ವರದಿ ತಿಳಿಸಿದೆ. ಅಮೆರಿಕ, ಕೆನಡಾ, ಫ್ರಾನ್ಸ್‌, ಭಾರತ, ಜಪಾನ್‌, ಜ್ಯಾಂಬಿಯಾ ಹಾಗೂ ಜಿಂಬಾಬ್ವೆಗಳಲ್ಲಿನ ಬೃಹತ್‌ ಅಣೆಕಟ್ಟುಗಳನ್ನು ಸೂಕ್ಷ್ಮವಾಗಿ ಅಧ್ಯಯನ ಮಾಡಿ ವರದಿ ನೀಡಲಾಗಿದೆ.
ದೇಣಿಗೆ ಸಂಗ್ರಹ ಬಿಜೆಪಿ ಅಭಿಯಾನ ಎಂಬ ಆರೋಪ ನಿರಾಕರಿಸಿದ ರಾಮ ಜನ್ಮಭೂಮಿ ಟ್ರಸ್ಟ್‌..!
ಏಷ್ಯಾದಲ್ಲಿವೆ 32 ಸಾವಿರ ಬೃಹತ್‌ ಡ್ಯಾಂ..!
ಭಾರತ, ಚೀನಾ, ಜಪಾನ್‌ ಮತ್ತು ದಕ್ಷಿಣ ಕೊರಿಯಾದಲ್ಲಿ 32,716 ಬೃಹತ್‌ ಗಾತ್ರದ ಅಣೆಕಟ್ಟುಗಳಿವೆ. ಇದು ವಿಶ್ವದಲ್ಲಿರುವ ಡ್ಯಾಂಗಳ ಪ್ರಮಾಣದ ಶೇ.55ರಷ್ಟು. ಏಷ್ಯಾದ ನಾಲ್ಕೇ ರಾಷ್ಟ್ರಗಳಲ್ಲಿ ಭಾರಿ ಪ್ರಮಾಣದಲ್ಲಿ ಡ್ಯಾಂಗಳನ್ನು ನಿರ್ಮಿಸಲಾಗಿದ್ದು, ಈ ಪೈಕಿ ಬಹುತೇಕ ಡ್ಯಾಂಗಳು ಮುಂದಿನ ಐದು ವರ್ಷಗಳಲ್ಲಿ ನಿರ್ಮಾಣ ಅವಧಿಯನ್ನು 50 ವರ್ಷ ದಾಟಲಿವೆ ಎಂದು ವರದಿ ಹೇಳಿದೆ.