ಬಹರೀಚ್: ಭಾರತ-ನೇಪಾಳ ಗಡಿಯ ಮೂಲಕ ಅಕ್ರಮವಾಗಿ ಭಾರತಕ್ಕೆ ನುಸುಳಲು ಯತ್ನಿಸುತ್ತಿದ್ದ ಐವರು ಪಾಕ್ ಪ್ರಜೆಗಳನ್ನು ಸಶಸ್ತ್ರ ಸೀಮಾ ಬಲ(ಎಸ್ಎಸ್ಬಿ) ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.
ಬಹರೈಚ್ ಜಿಲ್ಲೆಯ ರುಪೈದಿಹಾ ಗ್ರಾಮದ ಬಳಿ ಭಾರತ ಗಡಿಯನ್ನು ಪ್ರವೇಶಿಸುತ್ತಿದ್ದ ಆಶಿಕ್ ಹುಸೇನ್ (45), ಅವರ ಪತ್ನಿ ಶಕೀಲಾ(45) ಮತ್ತವರ ಮಕ್ಕಳಾದ ಮರಿಯಮ್(11), ಆಯನ್(6) ಮತ್ತು ಅಬ್ದುಲ್(5)ರನ್ನು ರುಪೈದಿಹಾ ಚೆಕ್ಪೊಸ್ಟ್ನಲ್ಲಿ ವಶಕ್ಕೆ ಪಡೆಯಲಾಗಿದೆ.
ಶನಿವಾರ ಸಂಜೆ ಈ ಕುಟುಂಬ ಅಧಿಕೃತ ದಾಖಲೆಗಳಿಲ್ಲದೆ ಭಾರತಕ್ಕೆ ಪ್ರವೇಶಿಸುವ ಪ್ರಯತ್ನದಲ್ಲಿತ್ತು. ವಶಕ್ಕೆ ಪಡೆದ ಅಧಿಕಾರಿಗಳು ವಿಚಾರಣೆ ನಡೆಸಿದಾಗ ತಮ್ಮ ಬಳಿ ಪಾಕಿಸ್ತಾನಿ ಪಾಸ್ಪೊರ್ಟ್ ಇದೆ. ತಾವು ನೇಪಾಳದ ವಿಸಾ ಪಡೆದು ಕಠ್ಮಂಡು ತಲುಪಿದ್ದು ಈಗ ಕಾಶ್ಮೀರಕ್ಕೆ ತೆರಳುತ್ತಿದ್ದುದಾಗಿ ತಿಳಿಸಿದ್ದಾರೆ. ಈ ಕುರಿತು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.