ಪಟನಾ: ಗೋಮಾಂಸ ಸಾಗಿಸುತ್ತಿರುವ ಶಂಕೆಯೊಂದಿಗೆ ಬಿಹಾರದ ಸರನ್ ಜಿಲ್ಲೆಯಲ್ಲಿ 56 ವರ್ಷದ ವ್ಯಕ್ತಿಯೊಬ್ಬನನ್ನು ಅಮಾನುಷವಾಗಿ ಹೊಡೆದು ಕೊಲ್ಲಲಾಗಿದೆ. ನಸೀಮ್ ಖುರೇಷಿ ಎಂಬಾತ ಕೊಲೆಯಾದ ವ್ಯಕ್ತಿ. ಘಟನೆಗೆ ಸಂಬಂಧಿಸಿದಂತೆ ಈವರೆಗೂ ಮೂವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸರನ್ ಜಿಲ್ಲೆಯ ಜೋಗಿಯಾ ಗ್ರಾಮದಲ್ಲಿರುವ ತಮ್ಮ ಸಂಬಂಧಿಕರನ್ನು ಭೇಟಿ ಮಾಡಲು ಮಂಗಳವಾರ ನಸೀಮ್ ಖುರೇಷಿ ಹಾಗೂ ಆತನ ಸೋದರಳಿಯ ಫಿರೋಜ್ ಅಹ್ಮದ್ ಖುರೇಷಿ ಇಬ್ಬರೂ ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಜೋಗಿಯಾ ಗ್ರಾಮದಲ್ಲಿ ಗುಂಪೊಂದು ಅವರಿಬ್ಬರನ್ನು ಅಡ್ಡಗಟ್ಟಿತ್ತು. ಅವರು ಚೀಲದಲ್ಲಿ ಬೀಫ್ ಸಾಗಿಸುತ್ತಿರಬಹುದು ಎಂಬ ಅನುಮಾನದಡಿ ಪರಿಶೀಲನೆ ನಡೆಸಿತ್ತು. ಈ ವೇಳೆ ವಾಗ್ವಾದ ನಡೆದಿದೆ ಎನ್ನಲಾಗಿದೆ.
ಈ ವೇಳೆ ಅಲ್ಲಿಂದ ಪರಾರಿಯಾಗುವಲ್ಲಿ ಫಿರೋಜ್ ಯಶಸ್ವಿಯಾಗಿದ್ದಾನೆ. ಆದರೆ ನಸೀಮ್‌ನನ್ನು ಗುಂಪು ಮನಬಂದಂತೆ ಥಳಿಸಿದೆ. ನಂತರ ಸ್ಥಳೀಯ ಪೊಲೀಸರ ಕೈಗೆ ಆತನನ್ನು ಒಪ್ಪಿಸಿದೆ. ತೀವ್ರ ಗಾಯಗೊಂಡಿದ್ದ ನಸೀಮ್‌ನನ್ನು ಕೂಡಲೇ ಚಿಕಿತ್ಸೆಗಾಗಿ ಸಿವಾನ್ ಜಿಲ್ಲೆಯ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಚಿಕಿತ್ಸೆ ವೇಳೆ ಆತ ಮಂಗಳವಾರ ರಾತ್ರಿ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
"ಅವರಿಬ್ಬರನ್ನೂ ಮಸೀದಿ ಸಮೀಪದಲ್ಲಿ ಸ್ಥಳೀಯರು ಅಡ್ಡಗಟ್ಟಿದ್ದರು. ಈ ವೇಳೆ ಅವರ ನಡುವೆ ಮಾತಿಗೆ ಮಾತು ಬೆಳೆದಿತ್ತು. ಫಿರೋಜ್ ಪಲಾಯನ ಮಾಡುವುದರಲ್ಲಿ ಸಫಲನಾಗಿದ್ದ. ನಸೀಮ್‌ನನ್ನು ಜನರ ಗುಂಪು ಬಡಿಗೆಗಳಿಂದ ಥಳಿಸಿದೆ. ಬಳಿಕ ಆ ಗುಂಪಿನವರೇ ಆತನನ್ನು ರಾಸುಲ್ಪುರ ಗ್ರಾಮದ ಪೊಲೀಸರಿಗೆ ಒಪ್ಪಿಸಿದ್ದಾರೆ. ನಸೀಮ್‌ನನ್ನು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆದರೆ ಆತ ಅಲ್ಲಿ ಅಸುನೀಗಿದ್ದಾನೆ" ಎಂದು ಸರನ್ ಜಿಲ್ಲೆಯ ಎಸ್‌ಪಿ ಗೌರವ್ ಮಾಂಗ್ಲಾ ತಿಳಿಸಿದ್ದಾರೆ.
ಗುಂಪು ಹತ್ಯೆ ಪ್ರಕರಣದಲ್ಲಿ ಈವರೆಗೂ ಮೂವರನ್ನು ಬಂಧಿಸಲಾಗಿದೆ. ಈ ಪ್ರಕರಣದಲ್ಲಿ ಭಾಗಿಯಾಗಿರುವ ಇತರೆ ಶಂಕಿತರನ್ನು ಹಿಡಿಯಲು ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ. ಎಲ್ಲ ಆಯಾಮಗಿಂದಲೂ ತನಿಖೆ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ.
ಜೋಗಿಯಾ ಗ್ರಾಮಕ್ಕೆ ಪ್ರವೇಶಿಸಿದಾಗ ಸರ್‌ಪಂಚ್ ಮತ್ತು ಕೆಲವು ಜನರು ನಮ್ಮನ್ನು ತಡೆದಿದ್ದರು. ನಾವು ಬೀಫ್ ಸಾಗಿಸುತ್ತಿದ್ದೇವೆ ಎಂದು ಆರೋಪಿಸಿದರು. ನಮ್ಮನ್ನು ಹೊಡೆಯುವಂತೆ ತನ್ನ ಜನರಿಗೆ ಅವರು ಸೂಚಿಸಿದ್ದರು. ನನ್ನನ್ನು ಬೆನ್ನಟ್ಟಿ ಬಂದ ಜನರನ್ನು ತಳ್ಳಿ ಹೇಗೋ ತಪ್ಪಿಸಿಕೊಂಡೆ ಎಂದು ಫಿರೋಜ್ ಹೇಳಿದ್ದಾನೆ. ಫೆ. 23ರಂದು ಗಯಾ ಜಿಲ್ಲೆಯಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು.
ಸರನ್ ಜಿಲ್ಲೆಯ ಜೋಗಿಯಾ ಗ್ರಾಮದಲ್ಲಿರುವ ತಮ್ಮ ಸಂಬಂಧಿಕರನ್ನು ಭೇಟಿ ಮಾಡಲು ಮಂಗಳವಾರ ನಸೀಮ್ ಖುರೇಷಿ ಹಾಗೂ ಆತನ ಸೋದರಳಿಯ ಫಿರೋಜ್ ಅಹ್ಮದ್ ಖುರೇಷಿ ಇಬ್ಬರೂ ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಜೋಗಿಯಾ ಗ್ರಾಮದಲ್ಲಿ ಗುಂಪೊಂದು ಅವರಿಬ್ಬರನ್ನು ಅಡ್ಡಗಟ್ಟಿತ್ತು. ಅವರು ಚೀಲದಲ್ಲಿ ಬೀಫ್ ಸಾಗಿಸುತ್ತಿರಬಹುದು ಎಂಬ ಅನುಮಾನದಡಿ ಪರಿಶೀಲನೆ ನಡೆಸಿತ್ತು. ಈ ವೇಳೆ ವಾಗ್ವಾದ ನಡೆದಿದೆ ಎನ್ನಲಾಗಿದೆ.
ಈ ವೇಳೆ ಅಲ್ಲಿಂದ ಪರಾರಿಯಾಗುವಲ್ಲಿ ಫಿರೋಜ್ ಯಶಸ್ವಿಯಾಗಿದ್ದಾನೆ. ಆದರೆ ನಸೀಮ್‌ನನ್ನು ಗುಂಪು ಮನಬಂದಂತೆ ಥಳಿಸಿದೆ. ನಂತರ ಸ್ಥಳೀಯ ಪೊಲೀಸರ ಕೈಗೆ ಆತನನ್ನು ಒಪ್ಪಿಸಿದೆ. ತೀವ್ರ ಗಾಯಗೊಂಡಿದ್ದ ನಸೀಮ್‌ನನ್ನು ಕೂಡಲೇ ಚಿಕಿತ್ಸೆಗಾಗಿ ಸಿವಾನ್ ಜಿಲ್ಲೆಯ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಚಿಕಿತ್ಸೆ ವೇಳೆ ಆತ ಮಂಗಳವಾರ ರಾತ್ರಿ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
"ಅವರಿಬ್ಬರನ್ನೂ ಮಸೀದಿ ಸಮೀಪದಲ್ಲಿ ಸ್ಥಳೀಯರು ಅಡ್ಡಗಟ್ಟಿದ್ದರು. ಈ ವೇಳೆ ಅವರ ನಡುವೆ ಮಾತಿಗೆ ಮಾತು ಬೆಳೆದಿತ್ತು. ಫಿರೋಜ್ ಪಲಾಯನ ಮಾಡುವುದರಲ್ಲಿ ಸಫಲನಾಗಿದ್ದ. ನಸೀಮ್‌ನನ್ನು ಜನರ ಗುಂಪು ಬಡಿಗೆಗಳಿಂದ ಥಳಿಸಿದೆ. ಬಳಿಕ ಆ ಗುಂಪಿನವರೇ ಆತನನ್ನು ರಾಸುಲ್ಪುರ ಗ್ರಾಮದ ಪೊಲೀಸರಿಗೆ ಒಪ್ಪಿಸಿದ್ದಾರೆ. ನಸೀಮ್‌ನನ್ನು ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆದರೆ ಆತ ಅಲ್ಲಿ ಅಸುನೀಗಿದ್ದಾನೆ" ಎಂದು ಸರನ್ ಜಿಲ್ಲೆಯ ಎಸ್‌ಪಿ ಗೌರವ್ ಮಾಂಗ್ಲಾ ತಿಳಿಸಿದ್ದಾರೆ.
ಗುಂಪು ಹತ್ಯೆ ಪ್ರಕರಣದಲ್ಲಿ ಈವರೆಗೂ ಮೂವರನ್ನು ಬಂಧಿಸಲಾಗಿದೆ. ಈ ಪ್ರಕರಣದಲ್ಲಿ ಭಾಗಿಯಾಗಿರುವ ಇತರೆ ಶಂಕಿತರನ್ನು ಹಿಡಿಯಲು ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ. ಎಲ್ಲ ಆಯಾಮಗಿಂದಲೂ ತನಿಖೆ ನಡೆಸಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ.
ಕುಟುಂಬದವರ ಆರೋಪ
ಐಪಿಸಿ ಸೆಕ್ಷನ್ 302 (ಕೊಲೆ). 34 (ಸಾಮಾನ್ಯ ಉದ್ದೇಶದೊಂದಿಗೆ ಅನೇಕ ಜನರು ಸೇರಿ ನಡೆಸಿರುವ ಕೃತ್ಯ), 379 (ಕಳ್ಳತನ) ಪ್ರಕರಣಗಳನ್ನು ಎಫ್‌ಐಆರ್‌ನಲ್ಲಿ ದಾಖಲು ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಘಟನೆಯನ್ನು ಮುಚ್ಚಿಹಾಕಲು ಪೊಲೀಸರು ಪ್ರಯತ್ನಿಸುತ್ತಿದ್ದಾರೆ ಎಂದು ನಸೀಂ ಕುಟುಂಬದವರು ಆರೋಪಿಸಿದ್ದಾರೆ.ಜೋಗಿಯಾ ಗ್ರಾಮಕ್ಕೆ ಪ್ರವೇಶಿಸಿದಾಗ ಸರ್‌ಪಂಚ್ ಮತ್ತು ಕೆಲವು ಜನರು ನಮ್ಮನ್ನು ತಡೆದಿದ್ದರು. ನಾವು ಬೀಫ್ ಸಾಗಿಸುತ್ತಿದ್ದೇವೆ ಎಂದು ಆರೋಪಿಸಿದರು. ನಮ್ಮನ್ನು ಹೊಡೆಯುವಂತೆ ತನ್ನ ಜನರಿಗೆ ಅವರು ಸೂಚಿಸಿದ್ದರು. ನನ್ನನ್ನು ಬೆನ್ನಟ್ಟಿ ಬಂದ ಜನರನ್ನು ತಳ್ಳಿ ಹೇಗೋ ತಪ್ಪಿಸಿಕೊಂಡೆ ಎಂದು ಫಿರೋಜ್ ಹೇಳಿದ್ದಾನೆ. ಫೆ. 23ರಂದು ಗಯಾ ಜಿಲ್ಲೆಯಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು.