ಗೋರಖ್‌ಪುರ: 72 ಗಂಟೆಗಳಲ್ಲಿ 60 ಮಕ್ಕಳ ಸಾವು

ಗೋರಖ್‌ಪುರ: ಗೋರಖ್‌ಪುರದಲ್ಲಿ ದುರಂತ ಮುಂದುವರಿದಿದೆ. ಕಳೆದ 72 ಗಂಟೆಗಳಲ್ಲಿ 60ಕ್ಕೂಹೆಚ್ಚು ಮಕ್ಕಳು ಮೃತಪಟ್ಟಿದ್ದಾರೆ.

ಹಲವಾರು ಉನ್ನತಾಧಿಕಾರಿಗಳನ್ನು ಅಮಾನತು ಮಾಡಿದ ನಂತರೂ ಆಸ್ಪತ್ರೆಯಲ್ಲಿ ಮಕ್ಕಳ ಸಾವಿನ ವರದಿಗಳು ಹೆಚ್ಚಾಗುತ್ತಲೇ ಇವೆ.

ಆಗಸ್ಟ್‌ 26 ರಿಂದ 28ರ ಸಮಯದಲ್ಲಿ 42 ಮಕ್ಕಳು ಮೃತಪಟ್ಟಿದ್ದಾರೆ ಎಂದು ಬಿಆರ್‌ಡಿ ಮೆಡಿಕಲ್‌ ಕಾಲೇಜ್‌ ಪ್ರಾಂಶುಪಾಲರಾದ ಪಿ.ಕೆ. ಸಿಂಗ್‌ ತಿಳಿಸಿದ್ದಾರೆ.

ಈ ಪೈಕಿ 20ಕ್ಕೂ ಹೆಚ್ಚು ಮಂದಿ ಮೆದಳು ಸಂಬಂಧಿ ಕಾಯಿಲೆಯಿಂದ ಮೃತಪಟ್ಟಿದ್ದಾರೆ. ಉಳಿದವರು ಇತರೆ ಕಾರಣಗಳಿಗೆ ಮೃತಪಟ್ಟಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.

ಗೋರಖ್‌ಪುರದಲ್ಲಿ ಮಕ್ಕಳ ಸಾವಿನ ಪ್ರಕರಣ ಕುರಿತು ಉತ್ತರ ಪ್ರದೇಶ ಸರಕಾರ ಸಾಕಷ್ಟು ಟೀಕೆಗೆ ಗುರಿಯಾಗುತ್ತಿರುವ ಬೆನ್ನಲ್ಲೇ ಈ ದುರಂತ ನಡೆದಿರುವುದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಇಕ್ಕಟ್ಟಿಗೆ ಸಿಲುಕಿದ್ದಾರೆ.

60 children die in Gorakhpur’s BRD Medical College in 72 hrs