65ರ ವಿದೇಶಿ ವಧುವಿಗೆ 27ರ ಭಾರತೀಯ ವರ

ಚಂಡೀಗಢ: ಹರಿಯಾಣದ ಕೈತಾಳ್‌ ಬಳಿಯ ಕುಗ್ರಾಮವೊಂದು ವಿಶಿಷ್ಟ ವಿವಾಹಕ್ಕೆ ಸಾಕ್ಷಿಯಾಗಿದೆ. 27 ವರ್ಷದ ಕೂಲಿಕಾರ್ಮಿಕ ಪ್ರವೀಣ್‌ ಅವರು ಅಮೆರಿಕ ಮೂಲದ 65 ವಯಸ್ಸಿನ ವಧು ಎಬ್ನರ್‌ ಜತೆ ದಾಂಪತ್ಯಜೀವನಕ್ಕೆ ಕಾಲಿರಿಸಿದ್ದಾನೆ.

ಇವರಿಬ್ಬರ ಪರಿಚಯವಾಗಿದ್ದು ಫೇಸ್‌ಬುಕ್‌ ಮೂಲಕ ಎಂಬುದು ವಿಶೇಷ. ಕಟ್ಟಡ ನಿರ್ಮಾಣ ಕಾರ್ಮಿಕ ಪ್ರವೀಣ್‌ ಮತ್ತು ವಧು ಎಬ್ನರ್‌ ಅವರ ವಿವಾಹ ಸಿಖ್‌ ಸಂಪ್ರದಾಯದಂತೆ ನೆರವೇರಿದೆ. 2017ರ ನವೆಂಬರ್‌ನಲ್ಲಿ ಫೇಸ್‌ಬುಕ್‌ ಮೂಲಕ ಬೆಳೆದ ಇವರ ಪರಿಚಯ ಪ್ರೇಮಕ್ಕೆ ತಿರುಗಿ, ಈಗ ವಿವಾಹ ಬಂಧನಕ್ಕೆ ಒಳಪಟ್ಟಿದೆ.

ಎಬ್ನರ್‌ ಕುಟುಂಬ ಜು.15ರಂದು ಅಮೆರಿಕಕ್ಕೆ ತೆರಳಲಿದ್ದು, ಮುಂದಿನ ದಿನಗಳಲ್ಲಿ ಭಾರತದಲ್ಲೇ ನೆಲೆಸುವ ಅಭಿಲಾಷೆ ವ್ಯಕ್ತಪಡಿಸಿದೆ.