ಕೊರೊನಾ ಲಾಕ್‌ಡೌನ್: 9 ಕೋಟಿ ಜನರನ್ನು ಬೆಸೆದ ಆರೋಗ್ಯ ಸೇತು ಆ್ಯಪ್‌

ಹೊಸದಿಲ್ಲಿ: ಕೋವಿಡ್‌-19 ಸೋಂಕಿನ ವಿರುದ್ಧ ಹೋರಾಡುವಲ್ಲಿ ನೆರವಾಗುತ್ತಿರುವ ಆರೋಗ್ಯ ಸೇತು ಆ್ಯಪ್‌ಅನ್ನು ಸುಮಾರು 9 ಕೋಟಿ ಜನರು ತಮ್ಮ ಮೊಬೈಲ್‌ಗಳಲ್ಲಿ ಡೌನ್‌ಲೋಡ್‌ ಮಾಡಿಕೊಂಡಿದ್ದು, ಇದರಿಂದ ಸೋಂಕು ಪ್ರಸರಣ ತಡೆಗೆ ಅನುಕೂಲವಾಗಿದೆ ಎಂದು ಸರಕಾರ ಹೇಳಿದೆ. ಅಲ್ಲದೇ ಆ್ಯಪ್‌ನಲ್ಲಿ ಖಾಸಗಿತನಕ್ಕೆ ಸಂಬಂಧಿಸಿದಂತೆ ಭದ್ರತಾ ಲೋಪಗಳಿಲ್ಲ. ಅದು ಅತ್ಯಂತ ಸುರಕ್ಷಿತವಾಗಿದೆ ಎಂದು ಸ್ಪಷ್ಟನೆ ನೀಡಿದೆ.

ಫ್ರೆಂಚ್‌ನ ಸೈಬರ್‌ ತಜ್ಞ ಎಲಿಯಟ್‌ ಆಲ್ಡರಸನ್‌ ಕೋಟ್ಯಂತರ ಭಾರತೀಯರ ಖಾಸಗಿ ಮಾಹಿತಿ ಅಪಾಯದಲ್ಲಿವೆ ಎಂಬ ಬಗ್ಗೆ ಗಮನ ಸೆಳೆದ ಬೆನ್ನಲ್ಲೇ ಕಾಂಗ್ರೆಸ್‌ ಸಂಸದ ರಾಹುಲ್‌ ಗಾಂಧಿ ಆ್ಯಪ್‌ನ ಸುರಕ್ಷತೆ ಹಾಗೂ ಖಾಸಗಿ ಮಾಹಿತಿಗಳು ಅನ್ಯ ಸಂಸ್ಥೆಗಳಿಗೆ ಮಾರಾಟವಾಗುವ ಸಾಧ್ಯತೆಗಳಿವೆ ಎಂದು ಆಪಾದಿಸಿದ್ದರು.

ಇದರ ಬೆನ್ನಲ್ಲೇ ಕೇಂದ್ರ ಮಾಹಿತಿ ತಂತ್ರಜ್ಞಾನ ಸಚಿವ ರವಿಶಂಕರ್‌ ಪ್ರಸಾದ್‌, ''ಖಾಸಗಿ ಮಾಹಿತಿ ಮತ್ತು ದತ್ತಾಂಶ ವಿಚಾರದಲ್ಲಿಆ್ಯಪ್‌ ಅತ್ಯಂತ ಸುರಕ್ಷಿತವಾಗಿದೆ. ನೀತಿ ಆಯೋಗ, ಖಾಸಗಿ ಸಂಸ್ಥೆಗಳು, ಎಲೆಕ್ಟ್ರಾನಿಕ್ಸ್‌ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಇದರ ಪರಿಶೀಲನೆ ನಡೆಸುತ್ತಿದೆ. ಇದರಲ್ಲಿರುವ ಡೇಟಾಗಳು ಎನ್‌ಕ್ರಿಪ್ಟ್‌ ರೂಪದಲ್ಲಿರುತ್ತವೆ. ಇದರಲ್ಲಿನ ರೂಟಿನ್‌ ಡೇಟಾ 30 ದಿನ ಇರುತ್ತದೆ. ಒಂದೊಮ್ಮೆ ಸೋಂಕಿತರಾಗಿದ್ದರೆ ಅವರ ಮಾಹಿತಿ 45ರಿಂದ 60ದಿನ ಇದ್ದು ನಂತರ ತಾನಾಗಿಯೇ ಅಳಿಸಿಹೋಗುತ್ತವೆ. ಖಾಸಗಿತನದ ಉಲ್ಲಂಘನೆಯಾಗುವುದಿಲ್ಲ,'' ಎಂದು ಹೇಳಿದ್ದಾರೆ.

ಲಾಕ್‌ಡೌನ್‌ ವೇಳೆ ಆರ್‌ಎಸ್‌ಎಸ್‌ ನೆರವಿಗೆ ಮುಸ್ಲಿಂ ಮುಖಂಡರಿಂದ ಮೆಚ್ಚುಗೆ

ದೇಶಾದ್ಯಂತ ಎಲ್ಲಸರಕಾರಿ ಮತ್ತು ಖಾಸಗಿ ಉದ್ಯೋಗಿಗಳು ಕಡ್ಡಾಯವಾಗಿ ಡೌನ್‌ಲೋಡ್‌ ಮಾಡಿಕೊಳ್ಳುವಂತೆ ಗೃಹ ಸಚಿವಾಲಯ ಈಗಾಗಲೇ ಸೂಚನೆ ನೀಡಿದೆ.

ಮೇ 8 ರಿಂದ ಕೆಎಸ್‌ಆರ್‌ಟಿಸಿ ವಿಶೇಷ ಬಸ್‌ ಸೇವೆ ಸ್ಥಗಿತ

ಸ್ಮಾರ್ಟ್‌ಫೋನ್‌ ಇಲ್ಲದಿದ್ದರೂ ಲಭ್ಯ: ಸ್ಥಿರ ದೂರವಾಣಿ ಅಥವಾ ಇಂಟರ್‌ನೆಟ್‌ ಇಲ್ಲದ ಮೊಬೈಲ್‌ಗಳಲ್ಲೂಅನುಕೂಲವಾಗುವಂತೆ ಆರೋಗ್ಯ ಸೇತು ಆ್ಯಪ್‌ನ ಐವಿಆರ್‌ಎಸ್‌ ಸೌಲಭ್ಯಕ್ಕೆ ಆರೋಗ್ಯ ಸಚಿವಾಲಯ ಚಾಲನೆ ನೀಡಿದೆ. 1921 ಉಚಿತ ಸಹಾಯವಾಣಿಗೆ ಜನರು ಮಿಸ್ಡ್‌ ಕಾಲ್‌ ಕೊಟ್ಟರೆ, ಸೇವಾ ಸಿಬ್ಬಂದಿ ಕರೆಮಾಡಿದವರಿಂದ ಆರೋಗ್ಯ ಮಾಹಿತಿ ಪಡೆದು ಅವರಿಗೆ ಎಸ್‌ಎಂಎಸ್‌ ಮೂಲಕ ಇಲ್ಲವೇ ಕರೆ ಮೂಲಕ ಮರು ಮಾಹಿತಿ ರವಾನಿಸುವ ವ್ಯವಸ್ಥೆ ಇದಾಗಿದೆ. 11 ಪ್ರಾದೇಶಿಕ ಭಾಷೆಗಳಲ್ಲಿಈ ಸೇವೆ ಲಭ್ಯವಿದೆ.