ಹೊಸದಿಲ್ಲಿ: ಸ್ಪೈಸ್ ಜೆಟ್ ವಿಮಾನ ಸಂಸ್ಥೆಯ 90 ಪೈಲಟ್ಗಳನ್ನು ಬೋಯಿಂಗ್ 737 ಮ್ಯಾಕ್ಸ್ ವಿಮಾನ ಚಲಾಯಿಸದಂತೆ ಭಾರತದ ವಿಮಾನಯಾನ ನಿಯಂತ್ರಕ ಡಿಜಿಸಿಎ (DGCA) ನಿರ್ಬಂಧಿಸಿದೆ. ಈ ಪೈಲಟ್ಗಳು ಸೂಕ್ತ ರೀತಿಯಲ್ಲಿ ತರಬೇತಿ ಪಡೆಯದೆ ಇರುವುದು ಕಂಡುಬಂದಿದ್ದರಿಂದ ಈ ಕ್ರಮ ಕೈಗೊಳ್ಳಲಾಗಿದೆ. "ಪ್ರಸ್ತುತ ನಾವು ಈ ಪೈಲಟ್ಗಳು ಮ್ಯಾಕ್ಸ್ ಹಾರಿಸುವುದನ್ನು ನಿಷೇಧಿಸಿದ್ದೇವೆ ಮತ್ತು ವಿಮಾನ ಚಲಾಯಿಸಲು ಅವರು ಯಶಸ್ವಿಯಾಗಿ ಮರು ತರಬೇತಿ ಪಡೆಯಬೇಕಿದೆ" ಎಂದು ಡಿಜಿಸಿಎ ಮುಖ್ಯಸ್ಥ ಅರುಣ್ ಕುಮಾರ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
"ಈ ಲೋಪಕ್ಕೆ ಹೊಣೆಗಾರರು ಎಂದು ಕಂಡುಬಂದವರ ವಿರುದ್ಧ ಡಿಜಿಸಿಎ ಕಠಿಣ ಕ್ರಮ ತೆಗೆದುಕೊಳ್ಳಲಿದೆ. ಈ ಪೈಲಟ್ಗಳು ಮ್ಯಾಕ್ಸ್ (Boeing 737 Max) ವಿಭಾಗದಲ್ಲಿ ಸಮರ್ಪಕ ರೀತಿಯಲ್ಲಿ ಮತ್ತೊಮ್ಮೆ ತರಬೇತಿ ಪಡೆಯಬೇಕು" ಎಂದು ಹೇಳಿದ್ದಾರೆ.
2019ರ ಮಾರ್ಚ್ 13ರಂದು ಭಾರತೀಯ ನಾಗರಿಕ ವಿಮಾನಯಾನ ನಿರ್ದೇಶನಾಲಯವು ಬೋಯಿಂಗ್ 737 ಮ್ಯಾಕ್ಸ್ ವಿಮಾನಗಳ ಹಾರಾಟವನ್ನು ನಿರ್ಬಂಧಿಸಿತ್ತು. ಇಥೋಪಿಯನ್ ಏರ್ಲೈನ್ಸ್ 737 ಮ್ಯಾಕ್ಸ್ ವಿಮಾನವು ಅಡ್ಡಿಸ್ ಅಬಬಾದಲ್ಲಿ ಅಪಘಾತಕ್ಕೀಡಾಗಿ, ನಾಲ್ವರು ಭಾರತೀಯರು ಸೇರಿದಂತೆ 157 ಮಂದಿ ಮೃತಪಟ್ಟ ಭೀಕರ ದುರಂತ ನಡೆದು ಮೂರು ದಿನಗಳ ಬಳಿಕ ಈ ಕ್ರಮ ಕೈಗೊಳ್ಳಲಾಗಿತ್ತು.
ಅಮೆರಿಕ ಮೂಲದ ವಿಮಾನ ತಯಾರಕ ಕಂಪೆನಿ ಬೋಯಿಂಗ್, ವಿಮಾನದಲ್ಲಿನ ಅಗತ್ಯ ಸಾಫ್ಟ್ವೇರ್ ಲೋಪಗಳನ್ನು ತಿದ್ದುಪಡಿಗಳನ್ನು ಮಾಡಿದ ಬಳಿಕ ಕಳೆದ ವರ್ಷದ ಆಗಸ್ಟ್ ತಿಂಗಳಲ್ಲಿ ವಿಮಾನಗಳ ಹಾರಾಟದ ಮೇಲಿನ ನಿಷೇಧವನ್ನು ಡಿಜಿಸಿಎ ತೆರವುಗೊಳಿಸಿತ್ತು.
27 ತಿಂಗಳ ಬಳಿಕ ಮ್ಯಾಕ್ಸ್ ವಿಮಾನಗಳ ಮೇಲಿನ ನಿಷೇಧವನ್ನು ವಾಪಸ್ ಪಡೆಯುಲು ವಿಧಿಸಿದ್ದ ಷರತ್ತುಗಳಲ್ಲಿ ಈ ವಿಭಾಗದ ವಿಮಾನಗಳ ಚಾಲನೆಗಾಗಿ ಪೈಲಟ್ಗಳಿಗೆ ಸಮರ್ಪಕ ರೀತಿಯ ತರಬೇತಿ ನೀಡುವುದು ಒಂದಾಗಿತ್ತು.
ಮ್ಯಾಕ್ಸ್ ವಿಮಾನಗಳನ್ನು ಚಾಲನೆ ಮಾಡದಂತೆ ತನ್ನ ಸಂಸ್ಥೆಯ 90 ಪೈಲಟ್ಗಳನ್ನು ಡಿಜಿಸಿಎ ನಿರ್ಬಂಧಿಸಿರುವುದನ್ನು ಸ್ಪೈಸ್ಜೆಟ್ (SpiceJet) ವಕ್ತಾರರೊಬ್ಬರು ಖಚಿತಪಡಿಸಿದ್ದಾರೆ.
"ಬೋಯಿಂಗ್ 737 ಮ್ಯಾಕ್ಸ್ ವಿಮಾನದ ಚಾಲನೆಗೆ ಸ್ಪೈಸ್ಜೆಟ್ 650 ಪೈಲಟ್ಗಳಿಗೆ ತರಬೇತಿ ನೀಡಿದೆ. 90 ಪೈಲಟ್ಗಳಿಗೆ ನೀಡಿದ ತರಬೇತಿ ವಿವರಗಳನ್ನು ಡಿಜಿಸಿಎ ಪರಿಶೀಲಿಸಿ ಅಭಿಪ್ರಾಯ ಹೇಳಿದೆ. ಹೀಗಾಗಿ ಡಿಜಿಸಿಎ ಸಲಹೆ ಮೇರೆಗೆ, ಡಿಜಿಸಿಎಯ ತೃಪ್ತಿಗಾಗಿ ಈ ಪೈಲಟ್ಗಳು ಮರು ತರಬೇತಿ ಪಡೆಯುವವರೆಗೂ 90 ಪೈಲಟ್ಗಳು ಮ್ಯಾಕ್ಸ್ ವಿಮಾನ ಚಲಾಯಿಸದಂತೆ ಸ್ಪೈಸ್ಜೆಟ್ ನಿರ್ಬಂಧಿಸಿದೆ. ಈ ಪೈಲಟ್ಗಳು ಇತರೆ ಬೋಯಿಂಗ್ 737 ವಿಮಾನಗಳ ಚಾಲನೆಗೆ ಲಭ್ಯ ಇರುತ್ತಾರೆ" ಎಂದು ವಕ್ತಾರರು ಹೇಳಿದ್ದಾರೆ.
"ಈ ನಿರ್ಬಂಧವು ಮ್ಯಾಕ್ಸ್ ವಿಮಾನಗಳ ಕಾರ್ಯಾಚರಣೆ ಮೇಲೆ ಯಾವುದೇ ಅಡ್ಡ ಪರಿಣಾಮ ಬೀರುವುದಿಲ್ಲ. ಸ್ಪೈಸ್ಜೆಟ್ ಪ್ರಸ್ತುತ 11 ಮ್ಯಾಕ್ಸ್ ವಿಮಾನಗಳನ್ನು ಹೊಂದಿದ್ದು, ಈ ವಿಮಾನಗಳ ಹಾರಾಟಕ್ಕೆ ಸುಮಾರು 144 ಪೈಲಟ್ಗಳ ಅಗತ್ಯವಿದೆ. ಮ್ಯಾಕ್ಸ್ ತರಬೇತಿ ಪಡೆದಿರುವ 650 ಪೈಲಟ್ಗಳಲ್ಲಿ 560 ಮಂದಿ ಲಭ್ಯರಿದ್ದಾರೆ. ಹೀಗಾಗಿ ಇದು ಈಗಿನ ಅಗತ್ಯಕ್ಕಿಂತಲೂ ಹೆಚ್ಚೇ ಇದೆ" ಎಂದು ತಿಳಿಸಿದ್ದಾರೆ.
ಸ್ಪೈಸ್ಜೆಟ್, ಮ್ಯಾಕ್ಸ್ ವಿಮಾನವನ್ನು ಬಳಸುತ್ತಿರುವ ಭಾರತದ ಏಕೈಕ ವಿಮಾನಯಾನ ಸಂಸ್ಥೆಯಾಗಿದೆ. ಉದ್ಯಮಿ ರಾಕೇಶ್ ಜುಂಝುನ್ವಾಲಾ, ಆದಿತ್ಯ ಘೋಷ್ ಹಾಗೂ ವಿನಯ್ ದುಬೆ ಅವರ ನೇತೃತ್ವದ 'ಆಕಾಶ ಏರ್' 72 ಮ್ಯಾಕ್ಸ್ ವಿಮಾನಗಳ ಖರೀದಿಗೆ ಬೋಯಿಂಗ್ ಜತೆ ಕಳೆದ ವರ್ಷದ ನವೆಂಬರ್ನಲ್ಲಿ ಒಪ್ಪಂದ ಮಾಡಿಕೊಂಡಿತ್ತು. ಇದುವರೆಗೂ ಅದಕ್ಕೆ ಯಾವುದೇ ವಿಮಾನ ಸಿಕ್ಕಿಲ್ಲ.
"ಈ ಲೋಪಕ್ಕೆ ಹೊಣೆಗಾರರು ಎಂದು ಕಂಡುಬಂದವರ ವಿರುದ್ಧ ಡಿಜಿಸಿಎ ಕಠಿಣ ಕ್ರಮ ತೆಗೆದುಕೊಳ್ಳಲಿದೆ. ಈ ಪೈಲಟ್ಗಳು ಮ್ಯಾಕ್ಸ್ (Boeing 737 Max) ವಿಭಾಗದಲ್ಲಿ ಸಮರ್ಪಕ ರೀತಿಯಲ್ಲಿ ಮತ್ತೊಮ್ಮೆ ತರಬೇತಿ ಪಡೆಯಬೇಕು" ಎಂದು ಹೇಳಿದ್ದಾರೆ.
2019ರ ಮಾರ್ಚ್ 13ರಂದು ಭಾರತೀಯ ನಾಗರಿಕ ವಿಮಾನಯಾನ ನಿರ್ದೇಶನಾಲಯವು ಬೋಯಿಂಗ್ 737 ಮ್ಯಾಕ್ಸ್ ವಿಮಾನಗಳ ಹಾರಾಟವನ್ನು ನಿರ್ಬಂಧಿಸಿತ್ತು. ಇಥೋಪಿಯನ್ ಏರ್ಲೈನ್ಸ್ 737 ಮ್ಯಾಕ್ಸ್ ವಿಮಾನವು ಅಡ್ಡಿಸ್ ಅಬಬಾದಲ್ಲಿ ಅಪಘಾತಕ್ಕೀಡಾಗಿ, ನಾಲ್ವರು ಭಾರತೀಯರು ಸೇರಿದಂತೆ 157 ಮಂದಿ ಮೃತಪಟ್ಟ ಭೀಕರ ದುರಂತ ನಡೆದು ಮೂರು ದಿನಗಳ ಬಳಿಕ ಈ ಕ್ರಮ ಕೈಗೊಳ್ಳಲಾಗಿತ್ತು.
ಅಮೆರಿಕ ಮೂಲದ ವಿಮಾನ ತಯಾರಕ ಕಂಪೆನಿ ಬೋಯಿಂಗ್, ವಿಮಾನದಲ್ಲಿನ ಅಗತ್ಯ ಸಾಫ್ಟ್ವೇರ್ ಲೋಪಗಳನ್ನು ತಿದ್ದುಪಡಿಗಳನ್ನು ಮಾಡಿದ ಬಳಿಕ ಕಳೆದ ವರ್ಷದ ಆಗಸ್ಟ್ ತಿಂಗಳಲ್ಲಿ ವಿಮಾನಗಳ ಹಾರಾಟದ ಮೇಲಿನ ನಿಷೇಧವನ್ನು ಡಿಜಿಸಿಎ ತೆರವುಗೊಳಿಸಿತ್ತು.
27 ತಿಂಗಳ ಬಳಿಕ ಮ್ಯಾಕ್ಸ್ ವಿಮಾನಗಳ ಮೇಲಿನ ನಿಷೇಧವನ್ನು ವಾಪಸ್ ಪಡೆಯುಲು ವಿಧಿಸಿದ್ದ ಷರತ್ತುಗಳಲ್ಲಿ ಈ ವಿಭಾಗದ ವಿಮಾನಗಳ ಚಾಲನೆಗಾಗಿ ಪೈಲಟ್ಗಳಿಗೆ ಸಮರ್ಪಕ ರೀತಿಯ ತರಬೇತಿ ನೀಡುವುದು ಒಂದಾಗಿತ್ತು.
ಮ್ಯಾಕ್ಸ್ ವಿಮಾನಗಳನ್ನು ಚಾಲನೆ ಮಾಡದಂತೆ ತನ್ನ ಸಂಸ್ಥೆಯ 90 ಪೈಲಟ್ಗಳನ್ನು ಡಿಜಿಸಿಎ ನಿರ್ಬಂಧಿಸಿರುವುದನ್ನು ಸ್ಪೈಸ್ಜೆಟ್ (SpiceJet) ವಕ್ತಾರರೊಬ್ಬರು ಖಚಿತಪಡಿಸಿದ್ದಾರೆ.
"ಬೋಯಿಂಗ್ 737 ಮ್ಯಾಕ್ಸ್ ವಿಮಾನದ ಚಾಲನೆಗೆ ಸ್ಪೈಸ್ಜೆಟ್ 650 ಪೈಲಟ್ಗಳಿಗೆ ತರಬೇತಿ ನೀಡಿದೆ. 90 ಪೈಲಟ್ಗಳಿಗೆ ನೀಡಿದ ತರಬೇತಿ ವಿವರಗಳನ್ನು ಡಿಜಿಸಿಎ ಪರಿಶೀಲಿಸಿ ಅಭಿಪ್ರಾಯ ಹೇಳಿದೆ. ಹೀಗಾಗಿ ಡಿಜಿಸಿಎ ಸಲಹೆ ಮೇರೆಗೆ, ಡಿಜಿಸಿಎಯ ತೃಪ್ತಿಗಾಗಿ ಈ ಪೈಲಟ್ಗಳು ಮರು ತರಬೇತಿ ಪಡೆಯುವವರೆಗೂ 90 ಪೈಲಟ್ಗಳು ಮ್ಯಾಕ್ಸ್ ವಿಮಾನ ಚಲಾಯಿಸದಂತೆ ಸ್ಪೈಸ್ಜೆಟ್ ನಿರ್ಬಂಧಿಸಿದೆ. ಈ ಪೈಲಟ್ಗಳು ಇತರೆ ಬೋಯಿಂಗ್ 737 ವಿಮಾನಗಳ ಚಾಲನೆಗೆ ಲಭ್ಯ ಇರುತ್ತಾರೆ" ಎಂದು ವಕ್ತಾರರು ಹೇಳಿದ್ದಾರೆ.
"ಈ ನಿರ್ಬಂಧವು ಮ್ಯಾಕ್ಸ್ ವಿಮಾನಗಳ ಕಾರ್ಯಾಚರಣೆ ಮೇಲೆ ಯಾವುದೇ ಅಡ್ಡ ಪರಿಣಾಮ ಬೀರುವುದಿಲ್ಲ. ಸ್ಪೈಸ್ಜೆಟ್ ಪ್ರಸ್ತುತ 11 ಮ್ಯಾಕ್ಸ್ ವಿಮಾನಗಳನ್ನು ಹೊಂದಿದ್ದು, ಈ ವಿಮಾನಗಳ ಹಾರಾಟಕ್ಕೆ ಸುಮಾರು 144 ಪೈಲಟ್ಗಳ ಅಗತ್ಯವಿದೆ. ಮ್ಯಾಕ್ಸ್ ತರಬೇತಿ ಪಡೆದಿರುವ 650 ಪೈಲಟ್ಗಳಲ್ಲಿ 560 ಮಂದಿ ಲಭ್ಯರಿದ್ದಾರೆ. ಹೀಗಾಗಿ ಇದು ಈಗಿನ ಅಗತ್ಯಕ್ಕಿಂತಲೂ ಹೆಚ್ಚೇ ಇದೆ" ಎಂದು ತಿಳಿಸಿದ್ದಾರೆ.
ಸ್ಪೈಸ್ಜೆಟ್, ಮ್ಯಾಕ್ಸ್ ವಿಮಾನವನ್ನು ಬಳಸುತ್ತಿರುವ ಭಾರತದ ಏಕೈಕ ವಿಮಾನಯಾನ ಸಂಸ್ಥೆಯಾಗಿದೆ. ಉದ್ಯಮಿ ರಾಕೇಶ್ ಜುಂಝುನ್ವಾಲಾ, ಆದಿತ್ಯ ಘೋಷ್ ಹಾಗೂ ವಿನಯ್ ದುಬೆ ಅವರ ನೇತೃತ್ವದ 'ಆಕಾಶ ಏರ್' 72 ಮ್ಯಾಕ್ಸ್ ವಿಮಾನಗಳ ಖರೀದಿಗೆ ಬೋಯಿಂಗ್ ಜತೆ ಕಳೆದ ವರ್ಷದ ನವೆಂಬರ್ನಲ್ಲಿ ಒಪ್ಪಂದ ಮಾಡಿಕೊಂಡಿತ್ತು. ಇದುವರೆಗೂ ಅದಕ್ಕೆ ಯಾವುದೇ ವಿಮಾನ ಸಿಕ್ಕಿಲ್ಲ.