ಬ್ರಿಟಿಷ್ ಅಧಿಕಾರಿಯನ್ನು ಕೊಂದ ಭಗತ್ ಸಿಂಗ್ ಪಿಸ್ತೂಲ್ ಪ್ರದರ್ಶನ

ಹೊಸದಿಲ್ಲಿ: ಭಾರತದ ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್, ಡಿಸೆಂಬರ್ 17, 1928ರಂದು ಬ್ರಿಟಿಷ್ ಅಧಿಕಾರಿ ಜಾನ್ ಸ್ಯಾಂಡರ್ಸ್ ಅವರನ್ನು ಕೊಲೆ ಮಾಡಿದ ಪಿಸ್ತೂಲನ್ನು ಇದೀಗ ಪತ್ತೆ ಹಚ್ಚಿದ್ದು, ಪ್ರದರ್ಶನಕ್ಕಿಡಲಾಗಿದೆ.

ಸಿಮಾನ್ ಆಯೋಗದ ವಿರುದ್ಧ ನಡೆಯುತ್ತಿದ್ದ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ಲಾಲಲಜಪತ್‌ ರಾಯ್ ಹಾಗೂ ಇತರರ ಸಾವಿಗೆ ಕಾರಣದ ಬ್ರಿಟಿಷ್ ಅಧಿಕಾರಿಗಳನ್ನು ಸಿಂಗ್ ಹಾಗೂ ಬಸವರಾಜ ರಾಜಗುರು ಸೇರಿ ಗುಂಡಿಕ್ಕಿ ಸಾಯಿಸಿದ್ದರು.

.32 ಮಿ.ಮೀ. ಕೊಲ್ಟ್ ಆಟೋಮಿಕ್ ಪಿಸ್ತೂಲನ್ನು ಇಂದೋರ್‌ನ ಗಡಿ ಭದ್ರತಾ ಪಡೆಯ ಶಸ್ತ್ರಾಸ್ತ್ರ ಹಾಗೂ ತಂತ್ರಗಾರಿಕಾ ಕೇಂದ್ರಿಯ ಶಾಲೆಯಲ್ಲಿಇದೇ ಮೊದಲ ಬಾರಿಗೆ ಪ್ರದರ್ಶನಕ್ಕಿಡಲಾಗಿದೆ. ಆದರೆ, ಈ ಪಿಸ್ತೂಲ್ ಸಿಂಗ್‌ಗೆ ಸೇರಿರುವುದಾಗಿ ಎಲ್ಲಿಯೂ ಉಲ್ಲೇಖಿಸಿಲ್ಲ.

ಈ ವಸ್ತು ಸಂಗ್ರಹಾಲಯ ಉಸ್ತುವಾರಿ ವಿಜೇಂದರ್ ಸಿಂಗ್, 'ಪಿಸ್ತೂಲಿನ ಬಣ್ಣ ಬದಲಿಸಿ, ಸರಣಿ ಸಂಖ್ಯೆಯೊಂದಿಗೆ ತಾಳೆ ಹಾಕುತ್ತಿದ್ದಾಗ ಇದು ಭಗತ್ ಸಿಂಗ್‌ಗೆ ಸೇರಿರುವ ಪಿಸ್ತೂಲ್ ಎಂದು ತಿಳಿದು ಆಶ್ಚರ್ಯವಾಯಿತು,' ಎಂದು ಟೈಮ್ಸ್ ಆಫ್ ಇಂಡಿಯಾಗೆ ತಿಳಿಸಿದ್ದಾರೆ.
90-years-after-its-final-shot-1st-look-at-bhagat-singhs-gun #BhagatSingh https://t.co/wFKY7kF5qP— Anu Tyagi (@AnuParashar) 15 February 2017