‘ಬಿಜೆಪಿ, ಭಜರಂಗದಳಕ್ಕೆ ಪಾಕಿಸ್ತಾನದ ಐಎಸ್‌ಐ ಹಣ’: ದಿಗ್ವಿಜಯ್ ಸಿಂಗ್ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ

ಹೊಸ ದಿಲ್ಲಿ: ಪಾಕಿಸ್ತಾನದ ಐಎಸ್‌ಐ ಪರ ಭಾರತದಲ್ಲಿ ಬಿಜೆಪಿ ಹಾಗೂ ಭಜರಂಗದಳ ಕಾರ್ಯಕರ್ತರೇ ಏಜೆಂಟರಾಗಿ ಕೆಲಸ ಮಾಡ್ತಿದ್ದಾರೆ, ಇದಕ್ಕಾಗಿ ಹಣವನ್ನೂ ಪಡೆಯುತ್ತಿದ್ದಾರೆ ಎಂಬ ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್ ಆರೋಪ, ತೀವ್ರ ಸ್ವರೂಪ ಪಡೆದುಕೊಂಡಿದೆ. ದಿಗ್ಗಿ ವಿರುದ್ಧ ಕ್ರಿಮಿನಲ್ ಮಾನನಷ್ಟ ಮೊಕದ್ದಮೆ ದಾಖಲಾಗಿದೆ.

ಬಿಜೆಪಿ, ಭಜರಂಗ ದಳಕ್ಕೆ ಪಾಕಿಸ್ತಾನದ ISI ಹಣ!: ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್ ಆರೋಪ

ಸೆಪ್ಟೆಂಬರ್ 1ರಂದು ಮಧ್ಯಪ್ರದೇಶದ ಭಿಂಡಿಯಲ್ಲಿ ಹೇಳಿಕೆ ನೀಡಿದ್ದ ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್, ಮುಸ್ಲಿಮರಿಗಿಂತಾ ಮುಸ್ಲಿಮೇತರ ವ್ಯಕ್ತಿಗಳೇ ISI ಏಜೆಂಟರಾಗಿ ಬೇಹುಗಾರಿಕೆ ಕೆಲಸ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದರು. ಇದಕ್ಕಾಗಿ ISIನಿಂದ ಬಿಜೆಪಿ ಹಾಗೂ ಭಜರಂಗದಳದ ಕಾರ್ಯಕರ್ತರು ಹಣ ಪಡೆಯುತ್ತಿದ್ದಾರೆ ಎಂದು ದಿಗ್ವಿಜಯ್ ಸಿಂಗ್ ಆರೋಪಿಸಿದ್ದರು.

ದಿಗ್ಗಿ ಅವರ ಈ ಆರೋಪ, ಬಿಜೆಪಿ ಹಾಗೂ ಭಜರಂಗ ದಳ ನಾಯಕರನ್ನು ಕೆರಳಿಸಿತ್ತು. ಇದೀಗ ಬಿಜೆಪಿ ದಿಗ್ವಿಜಯ್ ಸಿಂಗ್ ವಿರುದ್ಧ ನೇರವಾಗಿ ಕಾನೂನು ಸಮರಕ್ಕೆ ಇಳಿದಿದೆ.

ಈ ನಡುವೆ ಮಂಗಳವಾರವಷ್ಟೇ ದಿಗ್ವಿಜಯ ಸಿಂಗ್ ಮತ್ತೊಂದು ವಿವಾದಾತ್ಮಕ ಹೇಳಿಕೆ ನೀಡಿ ಗಮನ ಸೆಳೆದಿದ್ದರು. ಸೆಪ್ಟೆಂಬರ್ 17ರಂದು ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ಹೇಳಿಕೆ ನೀಡಿದ್ದ ದಿಗ್ವಿಜಯ್ ಸಿಂಗ್, ದೇವಾಲಯಗಳಲ್ಲೇ ಅತ್ಯಾಚಾರಗಳು ನಡೆಯುತ್ತಿವೆ, ಕಾವಿ ಬಟ್ಟೆ ತೊಟ್ಟವರೇ ಅತ್ಯಾಚಾರ ಎಸಗುತ್ತಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದ್ದರು. ದಿಗ್ವಿಜಯ್ ಸಿಂಗ್ ಯಾರ ಹೆಸರನ್ನೂ ಪ್ರಸ್ತಾಪಿಸದೇ ಈ ಆರೋಪ ಮಾಡಿದ್ದರು.

‘ಕಾವಿಧಾರಿಗಳು ಅತ್ಯಾಚಾರಿಗಳು’: ಮತ್ತೆ ನಾಲಗೆ ಹರಿಬಿಟ್ಟ ದಿಗ್ವಿಜಯ್ ಸಿಂಗ್

ಸದಾ ಒಂದಿಲ್ಲೊಂದು ವಿವಾದಾತ್ಮಕ ಹೇಳಿಕೆಗಳನ್ನು ನೀಡುವ ಹಿರಿಯ ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್, ತಮ್ಮ ಖಾಸಗಿ ಜೀವನ, ಸಾರ್ವಜನಿಕ ಬದುಕು ಹಾಗೂ ರಾಜಕೀಯ ಜೀವನದಲ್ಲೂ ವಿವಾದಗಳಿಂದಲೇ ಹೆಸರಾದವರು.

ಭಾರತದೊಳಗೆ ಉಗ್ರರ ನುಗ್ಗಿಸಲು ಕಳ್ಳದಾರಿ!: ಪಾಕಿಸ್ತಾನ ಸೇನೆಯ ಹೊಸ ಕುತಂತ್ರ ಬಯಲು