ಬಿಎಂಡಬ್ಲ್ಯು ಕಾರಿನೊಳಗೆ ಬೆಚ್ಚಗೆ ಮಲಗಿದ್ದ ನಾಗರಾಜ

[This story originally published in tamil samayam nov 12, 2018]

Vijaya Karnataka Web

ಮಧುರೈ: ತಿರುಪ್ಪೂರಿನ ಇಬ್ಬರು ಉದ್ಯಮಿಗಳು ಕೂದಲೆಳೆಯ ಅಂತರದಲ್ಲಿ ಪ್ರಾಣಾಪಾಯದಿಂದ ಬಚಾವಾಗಿದ್ದಾರೆ.

ಇವರಿಬ್ಬರು ಬಚಾವಾಗಿದ್ದು ಕಾರು ಅಪಘಾತದಿಂದಲ್ಲ. ಬದಲಾಗಿ ಬಿಎಂಡಬ್ಲ್ಯು ಕಾರಿನಲ್ಲಿದ್ದ 6 ಅಡಿ ಉದ್ದದ ನಾಗರಹಾವಿನಿಂದ!

ತಿರುಪ್ಪೂರಿನಿಂದ ಮಧುರೈಗೆ ತೆರಳುತ್ತಿದ್ದ ವೇಳೆ ನಡು ರಸ್ತೆಯಲ್ಲಿದ್ದ ನಾಗರಹಾವಿನ ಮೇಲೆ ಕಾರು ಹರಿದಿದೆ. ಈ ವೇಳೆ ಹಾವು ಸತ್ತಿರಬಹುದು ಎಂದು ಅವರಿಬ್ಬರೂ ಊಹಿಸಿದ್ದಾರೆ. ಆದರೆ ಕೊಂಚ ದೂರ ಹೋಗುವಾಗ ಕಾರಿನೊಳಗೆ ಹಾವು ಕಾಣಿಸಿಕೊಂಡಿದ್ದು, ಇಬ್ಬರನ್ನೂ ಭಯಗೊಳಿಸಿದೆ. ಕೂಡಲೇ ಕಾರು ನಿಲ್ಲಿಸಿ, ಅಗ್ನಿಶಾಮಕ ಹಾಗೂ ತುರ್ತು ಸೇವೆಗೆ ಕರೆ ಮಾಡಿದ್ದಾರೆ. ಆದರೆ ಕಾರಿನಲ್ಲಿ ಎಷ್ಟೇ ಹುಡುಕಿದರೂ ಹಾವು ಮಾತ್ರ ಪತ್ತೆಯಾಗಿಲ್ಲ.

ತಮ್ಮ ಪ್ರಯಾಣ ಮುಂದುವರೆಸಿದ ಉದ್ಯಮಿಗಳಿಗೆ ಮತ್ತೆ ಹಾವು ಬುಸುಗುಟ್ಟುವುದು ಕೇಳಿಸಿದೆ. ಅಷ್ಟೇ ಅಲ್ಲ ಕಾರಿನೊಳಗೆ ಮತ್ತೆ ಹಾವು ಕಾಣಿಸಿಕೊಂಡಿದೆ.
ಈ ವೇಳೆ ಕೊಯಮತ್ತೂರಿನ ಬಿಎಂಡಬ್ಲ್ಯು ಸರ್ವಿಸ್‌ ಸೆಂಟರ್‌ಗೆ ಕಾರನ್ನು ಒಯ್ಯಲಾಗಿದೆ. ಹಾವು ಹಿಡಿಯುವವರನ್ನು ಕರೆಸಿ, ಎಂಜಿನ್‌ನೊಳಗಿನ ಆಯಕಟ್ಟಿನ ಜಾಗದಲ್ಲಿ ಅವಿತಿದ್ದ ಹಾವನ್ನು ಹಿಡಿಯಲಾಗಿದೆ. ಆ ಬಳಿಕ ಉದ್ಯಮಿಗಳು ತಮ್ಮ ಪ್ರಯಾಣ ಮುಂದುವರೆಸಿದ್ದಾರೆ.