ಹೊಸ ದಿಲ್ಲಿ: ತನ್ನ ಲಿವ್ ಇನ್ ಸಂಗಾತಿ ಶ್ರದ್ಧಾ ವಾಲ್ಕರ್ ಅವರನ್ನು ಹತ್ಯೆ ಮಾಡಿದ ಆರೋಪಿ ಅಫ್ತಾಬ್ ಪೂನಾವಾಲಾ, ಆಕೆಯ ಹತ್ಯೆಯ ಬಳಿಕ ಆಕೆಯ ಕೈನಲ್ಲಿ ಇದ್ದ ಉಂಗುರವನ್ನು ಮತ್ತೊಬ್ಬ ಯುವತಿಗೆ ನೀಡಿದ್ದ ಎಂದು ತನಿಖೆ ವೇಳೆ ತಿಳಿದು ಬಂದಿದೆ.
ತಮ್ಮ ಮಗಳಿಗೆ ಉಂಗುರ ಕೊಡಿಸಿದ್ದೆವು, ಅದು ಆಕೆಯ ಕೈನಲ್ಲಿ ಇತ್ತು ಎಂದು ಶ್ರದ್ಧಾ ಅವರ ತಂದೆ ಪೊಲೀಸರಿಗೆ ಹೇಳಿಕೆ ನೀಡಿದ್ದರು. ಇದರ ಆಧಾರದ ಮೇಲೆ ತನಿಖೆ ನಡೆಸಿದ ಪೊಲೀಸರು ಅಫ್ತಾಬ್‌ನನ್ನು ವಿಚಾರಣೆಗೆ ಒಳಪಡಿಸಿದ ವೇಳೆ ಆತ ಡೇಟಿಂಗ್ ನಡೆಸುತ್ತಿದ್ದ ಮಹಿಳೆಯ ವಿಚಾರ ತಿಳಿದು ಬಂತು. ಆ ಬಳಿಕ ಮಹಿಳೆಯನ್ನು ಸಂಪರ್ಕಿಸಿ ಆಕೆಯ ಬಳಿ ಇದ್ದ ಶ್ರದ್ಧಾ ವಾಲ್ಕರ್ ಅವರ ಉಂಗುರವನ್ನು ವಶಕ್ಕೆ ಪಡೆದ ಪೊಲಿಸರು ಅದನ್ನು ಮರಳಿ ಶ್ರದ್ಧಾ ಅವರ ತಂದೆಯ ಸುಪರ್ದಿಗೆ ಒಪ್ಪಿಸಿದ್ದಾರೆ. ಅಷ್ಟೇ ಅಲ್ಲ, ಮಹಿಳೆಯ ಹೇಳಿಕೆಯನ್ನೂ ದಾಖಲಿಸಿಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಶ್ರದ್ಧಾ ಅವರನ್ನು ಬರ್ಬರವಾಗಿ ಹತ್ಯೆಗೈದು, ತುಂಡು ಮಾಡಿ ಫ್ರಿಡ್ಜ್‌ನಲ್ಲಿ ಇಟ್ಟಿದ್ದ ಅಫ್ತಾಬ್, ಆ ವೇಳೆಯಲ್ಲೇ ಬೇರೊಬ್ಬ ಮಹಿಳೆ ಜೊತೆ ಡೇಟಿಂಗಗ್ ಮಾಡುತ್ತಿದ್ದ. ಆದರೆ, ಆತನ ವರ್ತನೆ ಅತ್ಯಂತ ಸಾಮಾನ್ಯವಾಗಿ ಇತ್ತು ಎಂದು ಮಹಿಳೆ ತಮ್ಮ ಹೇಳಿಕೆಯಲ್ಲಿ ಪೊಲೀಸರಿಗೆ ತಿಳಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಆತ ಹತ್ಯೆ ಮಾಡಿ ಶವವನ್ನು ಫ್ಲಾಟ್‌ನ ಫ್ರಿಡ್ಜ್‌ನಲ್ಲಿ ಇಟ್ಟಿದ್ದಾನೆ ಎಂದು ಆಕೆಗೆ ಒಂದಿಷ್ಟೂ ಅನುಮಾನ ಬಾರದಂತೆ ನಟಿಸಿದ್ದ ಅಫ್ತಾಬ್, ಅದೇ ಫ್ಲಾಟ್‌ಗೆ ಆಕೆಯನ್ನು ಕರೆಸಿಕೊಂಡಿದ್ದ. ಆಕೆ ವಾಪಸ್ ಹೋಗುವಾಗ ಆಕೆಯ ಬೆರಳಿಗೆ ಶ್ರದ್ಧಾ ವಾಲ್ಕರ್ ಅವರ ಉಂಗುರ ತೊಡಿಸಿದ್ದ ಎಂದು ಪೊಲೀಸ್ ತನಿಖೆ ವೇಳೆ ತಿಳಿದು ಬಂದಿದೆ. ಇನ್ನು ಶ್ರದ್ಧಾ ಅವರನ್ನು ಹತ್ಯೆ ಮಾಡಿ, ಶವವನ್ನು ಫ್ರಿಡ್ಜ್‌ನಲ್ಲಿ ಸಂಗ್ರಹಿಸಿ ಇಟ್ಟಿದ್ದ ಫ್ಲಾಟ್‌ಗೆ ಮತ್ತೊಬ್ಬ ಮಹಿಳೆಯನ್ನು ಕರೆಸಿಕೊಳ್ಳುವ ಮುನ್ನ ಅಫ್ತಾಬ್ ಇಡೀ ಫ್ಲಾಟ್‌ ಅನ್ನು ಸಮಗ್ರವಾಗಿ ಸ್ವಚ್ಛಗೊಳಿಸಿದ್ದ ಎಂಬ ಮಾಹಿತಿ ಲಭ್ಯವಾಗಿದೆ.
ಇನ್ನು ಈ ಫ್ಲಾಟ್‌ನಲ್ಲಿ ತನಿಖೆ ನಡೆಸುವ ವೇಳೆ ಪೊಲಿಸರಿಗೆ ಕೂದಲಿನ ಮಾದರಿಗಳು ಸಿಕ್ಕಿದ್ದು, ಈ ಕೂದಲಿನ ಡಿಎನ್‌ಎ ಪರೀಕ್ಷೆ ನಡೆಸಲು ನಿರ್ಧರಿಸಿದ್ದಾರೆ. ಇದು ಶ್ರದ್ಧಾ ಅವರಿಗೆ ಸೇರಿದ್ದೇ ಎಂದು ಪತ್ತೆ ಹಚ್ಚಲು ಮೆಹರೋಲಿ ಅರಣ್ಯಲ್ಲಿ ಸಿಕ್ಕ ಶ್ರದ್ಧಾ ಅವರ ದೇಹದ ತುಣುಕುಗಳು ಹಾಗೂ ಶ್ರದ್ಧಾ ಅವರ ತಂದೆ ಹಾಗೂ ಸಹೋದರನ ಡಿಎನ್‌ಎ ಜೊತೆ ಹೋಲಿಕೆ ಮಾಡಿ ನೋಡಲಾಗುತ್ತಿದೆ. ಶ್ರದ್ಧಾಳ ಶವವನ್ನು ವಿಲೇವಾರಿ ಮಾಡುವ ಮುನ್ನ ಅಫ್ತಾಬ್ ಆಕೆಯ ತಲೆ ಕೂದಲನ್ನು ಕತ್ತರಿಸಿದ್ದ ಎಂದು ತಿಳಿದು ಬಂದಿದೆ.
ತಮ್ಮ ಮಗಳಿಗೆ ಉಂಗುರ ಕೊಡಿಸಿದ್ದೆವು, ಅದು ಆಕೆಯ ಕೈನಲ್ಲಿ ಇತ್ತು ಎಂದು ಶ್ರದ್ಧಾ ಅವರ ತಂದೆ ಪೊಲೀಸರಿಗೆ ಹೇಳಿಕೆ ನೀಡಿದ್ದರು. ಇದರ ಆಧಾರದ ಮೇಲೆ ತನಿಖೆ ನಡೆಸಿದ ಪೊಲೀಸರು ಅಫ್ತಾಬ್‌ನನ್ನು ವಿಚಾರಣೆಗೆ ಒಳಪಡಿಸಿದ ವೇಳೆ ಆತ ಡೇಟಿಂಗ್ ನಡೆಸುತ್ತಿದ್ದ ಮಹಿಳೆಯ ವಿಚಾರ ತಿಳಿದು ಬಂತು. ಆ ಬಳಿಕ ಮಹಿಳೆಯನ್ನು ಸಂಪರ್ಕಿಸಿ ಆಕೆಯ ಬಳಿ ಇದ್ದ ಶ್ರದ್ಧಾ ವಾಲ್ಕರ್ ಅವರ ಉಂಗುರವನ್ನು ವಶಕ್ಕೆ ಪಡೆದ ಪೊಲಿಸರು ಅದನ್ನು ಮರಳಿ ಶ್ರದ್ಧಾ ಅವರ ತಂದೆಯ ಸುಪರ್ದಿಗೆ ಒಪ್ಪಿಸಿದ್ದಾರೆ. ಅಷ್ಟೇ ಅಲ್ಲ, ಮಹಿಳೆಯ ಹೇಳಿಕೆಯನ್ನೂ ದಾಖಲಿಸಿಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಶ್ರದ್ಧಾ ಅವರನ್ನು ಬರ್ಬರವಾಗಿ ಹತ್ಯೆಗೈದು, ತುಂಡು ಮಾಡಿ ಫ್ರಿಡ್ಜ್‌ನಲ್ಲಿ ಇಟ್ಟಿದ್ದ ಅಫ್ತಾಬ್, ಆ ವೇಳೆಯಲ್ಲೇ ಬೇರೊಬ್ಬ ಮಹಿಳೆ ಜೊತೆ ಡೇಟಿಂಗಗ್ ಮಾಡುತ್ತಿದ್ದ. ಆದರೆ, ಆತನ ವರ್ತನೆ ಅತ್ಯಂತ ಸಾಮಾನ್ಯವಾಗಿ ಇತ್ತು ಎಂದು ಮಹಿಳೆ ತಮ್ಮ ಹೇಳಿಕೆಯಲ್ಲಿ ಪೊಲೀಸರಿಗೆ ತಿಳಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಆತ ಹತ್ಯೆ ಮಾಡಿ ಶವವನ್ನು ಫ್ಲಾಟ್‌ನ ಫ್ರಿಡ್ಜ್‌ನಲ್ಲಿ ಇಟ್ಟಿದ್ದಾನೆ ಎಂದು ಆಕೆಗೆ ಒಂದಿಷ್ಟೂ ಅನುಮಾನ ಬಾರದಂತೆ ನಟಿಸಿದ್ದ ಅಫ್ತಾಬ್, ಅದೇ ಫ್ಲಾಟ್‌ಗೆ ಆಕೆಯನ್ನು ಕರೆಸಿಕೊಂಡಿದ್ದ. ಆಕೆ ವಾಪಸ್ ಹೋಗುವಾಗ ಆಕೆಯ ಬೆರಳಿಗೆ ಶ್ರದ್ಧಾ ವಾಲ್ಕರ್ ಅವರ ಉಂಗುರ ತೊಡಿಸಿದ್ದ ಎಂದು ಪೊಲೀಸ್ ತನಿಖೆ ವೇಳೆ ತಿಳಿದು ಬಂದಿದೆ. ಇನ್ನು ಶ್ರದ್ಧಾ ಅವರನ್ನು ಹತ್ಯೆ ಮಾಡಿ, ಶವವನ್ನು ಫ್ರಿಡ್ಜ್‌ನಲ್ಲಿ ಸಂಗ್ರಹಿಸಿ ಇಟ್ಟಿದ್ದ ಫ್ಲಾಟ್‌ಗೆ ಮತ್ತೊಬ್ಬ ಮಹಿಳೆಯನ್ನು ಕರೆಸಿಕೊಳ್ಳುವ ಮುನ್ನ ಅಫ್ತಾಬ್ ಇಡೀ ಫ್ಲಾಟ್‌ ಅನ್ನು ಸಮಗ್ರವಾಗಿ ಸ್ವಚ್ಛಗೊಳಿಸಿದ್ದ ಎಂಬ ಮಾಹಿತಿ ಲಭ್ಯವಾಗಿದೆ.
ಇನ್ನು ಈ ಫ್ಲಾಟ್‌ನಲ್ಲಿ ತನಿಖೆ ನಡೆಸುವ ವೇಳೆ ಪೊಲಿಸರಿಗೆ ಕೂದಲಿನ ಮಾದರಿಗಳು ಸಿಕ್ಕಿದ್ದು, ಈ ಕೂದಲಿನ ಡಿಎನ್‌ಎ ಪರೀಕ್ಷೆ ನಡೆಸಲು ನಿರ್ಧರಿಸಿದ್ದಾರೆ. ಇದು ಶ್ರದ್ಧಾ ಅವರಿಗೆ ಸೇರಿದ್ದೇ ಎಂದು ಪತ್ತೆ ಹಚ್ಚಲು ಮೆಹರೋಲಿ ಅರಣ್ಯಲ್ಲಿ ಸಿಕ್ಕ ಶ್ರದ್ಧಾ ಅವರ ದೇಹದ ತುಣುಕುಗಳು ಹಾಗೂ ಶ್ರದ್ಧಾ ಅವರ ತಂದೆ ಹಾಗೂ ಸಹೋದರನ ಡಿಎನ್‌ಎ ಜೊತೆ ಹೋಲಿಕೆ ಮಾಡಿ ನೋಡಲಾಗುತ್ತಿದೆ. ಶ್ರದ್ಧಾಳ ಶವವನ್ನು ವಿಲೇವಾರಿ ಮಾಡುವ ಮುನ್ನ ಅಫ್ತಾಬ್ ಆಕೆಯ ತಲೆ ಕೂದಲನ್ನು ಕತ್ತರಿಸಿದ್ದ ಎಂದು ತಿಳಿದು ಬಂದಿದೆ.