ಬಾಲಕಿ ಮೇಲೆ ಅತ್ಯಾಚಾರ ಯತ್ನ: ಎಎಪಿ ಮುಖಂಡನ ವಿರುದ್ಧ ಪ್ರಕರಣ

ಸಂಗ್ರೂರ್: ಅಪ್ರಾಪ್ತ ವಯಸ್ಕ ದಲಿತ ಬಾಲಕಿ ಮೇಲೆ ಅತ್ಯಾಚಾರ ನಡೆಸಲು ಯತ್ನಿಸಿರುವ ಆರೋಪದಡಿ 'ಆಮ್‌ ಆದ್ಮಿ' ಪಕ್ಷದ ಪಂಜಾಬ್‌ನ ಲೆಹ್ರಗಾಗ ಘಟಕದ ಸಂಚಾಲಕ ಹರ್‌ದೀಪ್‌ ಸಿಂಗ್‌ ವಿರುದ್ಧ ಪ್ರಕರಣ ದಾಖಲಾಗಿದೆ.

ಮೂನಕ್‌ ಗ್ರಾಮದ 15 ವರ್ಷದ ಬಾಲಕಿ ಹರ್‌ದೀಪ್‌ ಸಿಂಗ್‌ ಅವರ ಸ್ಟುಡಿಯೊಗೆ ಹೋಗಿ ಪೋಟೊ ತೆಗೆಸಿಕೊಳ್ಳಬೇಕಾದರೆ ಸಿಂಗ್‌ ಅತ್ಯಾಚಾರ ನಡೆಸಲು ಪ್ರಯತ್ನಿಸಿರುವುದಾಗಿ ಆರೋಪಿಸಲಾಗಿತ್ತು ಎಂದು ಉಪಪೊಲೀಸ್‌ ಅಧೀಕ್ಷಕ ಆಕಾಶ್‌ದೀಪ್‌ ಸಿಂಗ್‌ ಅವುಲಖ್‌ ತಿಳಿಸಿದ್ದಾರೆ.