ಹೊಸ ವರ್ಷಕ್ಕೆ ರಾಹುಲ್‌ ಗಾಂಧಿ ಮಾಡಿದ ಟ್ವೀಟಿಗೆ ಟಾಂಗ್‌, ಮಿಲಾನ್‌ನಿಂದ ವಾಪಸ್‌ ಬಂದರೆ? ಎಂದು ಕಾಲೆಳೆದ ಆಮ್‌ ಆದ್ಮಿ

ಹೊಸದಿಲ್ಲಿ: ವೈಯಕ್ತಿಕ ಪ್ರವಾಸ ಕೈಗೊಂಡಿರುವ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಇಟಲಿಯಲ್ಲಿ ವಾಸ್ತವ್ಯ ಹೂಡಿದ್ದಾರೆ. ಹೊಸ ವರ್ಷ ಸಂಭ್ರಮದ ಹಿನ್ನೆಲೆಯಲ್ಲಿ ಟ್ವೀಟ್‌ ಮಾಡಿರುವ ರಾಹುಲ್‌ ಗಾಂಧಿಗೆ ಆಮ್‌ ಆದ್ಮಿ ಪಕ್ಷ ಟಾಂಗ್‌ ಕೊಟ್ಟಿದೆ.

ಹೊಸ ವರ್ಷದ ಸಂದರ್ಭದಲ್ಲಿ ಶುಭಾಶಯ ಕೋರಿ ರಾಹುಲ್‌ ಗಾಂಧಿ ಟ್ವೀಟ್‌ ಮಾಡಿದ್ದರು. ಇದಕ್ಕೆ ಪ್ರತಿಯಾಗಿ ಟ್ವೀಟ್‌ ಮಾಡಿರುವ ಆಮ್ ಆದ್ಮಿ ಪಕ್ಷ, ಕಾಂಗ್ರೆಸ್‌ ನಾಯಕನ ಕಾಲೆಳೆದಿದೆ.

'ನೀವು ಮಿಲಾನ್‌ನಿಂದ ವಾಪಸ್‌ ಬಂದರೆ' ಎಂದು ಪ್ರಶ್ನಿಸಿ ಆಮ್‌ ಆದ್ಮಿ ಪಕ್ಷ ತಿರುಗೇಟು ನೀಡಿದೆ.


ಇದಕ್ಕೂ ಮುನ್ನ ರಾಹುಲ್‌ ಗಾಂಧಿ ಟ್ವೀಟ್‌ ಸಂದೇಶ ಮಾಡಿ ಹೊಸ ವರ್ಷಕ್ಕೆ ಶುಭಾಶಯ ಕೋರಿದ್ದರು.

ಹೊಸ ವರ್ಷದ ಆರಂಭವಾಗಿದೆ. ನನ್ನ ಹೃದಯ ರೈತರಿಗಾಗಿ, ಕಾರ್ಮಿಕರಿಗಾಗಿ, ಅಸಂಘಟಿತ ವಲಯದ ಗೌರವಯುತ ವ್ಯಕ್ತಿಗಳಿಗಾಗಿ ಮಿಡಿಯುತ್ತಿದೆ. ಹ್ಯಾಪಿ ನ್ಯೂ ಇಯರ್‌ ಟು ಆಲ್‌ ಎಂದು ಟ್ವೀಟಿಸಿದ್ದರು.



ಆಮ್‌ ಆದ್ಮಿ ಪಕ್ಷ ಇದಕ್ಕೆ ಒಂದೇ ಒಂದು ಸಾಲಿನ ಪ್ರತಿಕ್ರಿಯೆ ನೀಡುವ ಮೂಲಕ ಕಾಂಗ್ರೆಸ್‌ ನಾಯಕ ರಾಹುಲ್ ಗಾಂಧಿಗೆ ತಿರುಗೇಟು ನೀಡಿದೆ.