ರಾವಣ ದಹನ ನಿಲ್ಲಿಸಿ: ರಾಷ್ಟ್ರಪತಿಗೆ ಮಥುರಾ ಶಂಕರಾಚಾರ್ಯ ಮನವಿ

ಮಥುರಾ: ದಸರಾ ಹಬ್ಬದ ಭಾಗವಾಗಿ ರಾವಣನ ಪ್ರತಿಕೃತಿಯನ್ನು ದಹಿಸುವ ಪದ್ಧತಿಯನ್ನು ನಿಲ್ಲಿಸುವಂತೆ ಶಂಕರಾಚಾರ್ಯ ಅಧೋಕ್ಷಜಾನಂದ ದೇವ್‌ ತೀರ್ಥ ಮಹಾರಾಜ್‌ ಅವರು ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಅವರಿಗೆ ಮನವಿ ಮಾಡಿದ್ದಾರೆ.

ಹಿಂದೂ ಧರ್ಮದಲ್ಲಿ ಒಬ್ಬ ವ್ಯಕ್ತಿಯ ಅಂತ್ಯಕ್ರಿಯೆಯನ್ನು ಒಮ್ಮೆ ಮಾತ್ರ ನಡೆಸಲಾಗುತ್ತದೆ, ರಾವಣನ ಅಂತ್ಯಕ್ರಿಯೆಯನ್ನು ವಿಭೀಷಣ ಮಾಡಿದ್ದಾನೆ. ಹಾಗಾಗಿ ಮತ್ತೆ ಮತ್ತೆ ಮಾಡುವ ಅವಶ್ಯಕತೆ ಇಲ್ಲ. ಜತೆಗೆ ದೊಡ್ಡ ಮಟ್ಟದಲ್ಲಿ ಪ್ರತಿಕೃತಿ ದಹನದಿಂದ ಮಾಲಿನ್ಯದ ಜತೆಗೆ ಅಮೃತಸರದ ರೈಲು ದುರ್ಘಟನೆಯಂಥ ದುರಂತಗಳೂ ಸಂಭವಿಸುತ್ತವೆ ಎಂದು ಹಿಂದೂ ಧಾರ್ಮಿಕ ನಾಯಕ ಹೇಳಿದ್ದಾರೆ.