ಶಹಪುರ ಮೇಲ್ಸೇತುವೆ ಮೇಲೆ ನೇತಾಡಿದ ಬಸ್; ಓರ್ವ ಸಾವು, 3 ಮಂದಿಗೆ ಗಾಯ

ಜೈಪುರ: ಶಹಪುರದ ಅಂಟೇಲ ಮೇಲ್ಸೇತುವೆ ಮೇಲೆ ಸಂಭವಿಸಬಹುದಾಗಿದ್ದ ಭಾರಿ ದುರಂತ ಸ್ವಲ್ಪದರಲ್ಲೇ ತಪ್ಪಿ ಹೋಗಿದೆ. ಘಟನೆಯಲ್ಲಿ ಓರ್ವ ಮೃತಪಟ್ಟರೆ, ಮೂವರು ಗಾಯಗೊಂಡಿದ್ದಾರೆ.

ಸೇತುವೆ ಮೇಲೆ ಸಾಗುತ್ತಿದ್ದ ಟ್ರಕ್‌ನ ಟೈರ್‌ ಸ್ಫೋಟಗೊಂಡು, ಮುಂಭಾಗದಿಂದ ಬರುತ್ತಿದ್ದ ಬಸ್‌ಗೆ ಡಿಕ್ಕಿ ಹೊಡೆದಿದೆ. ಈ ವೇಳೆ ಬಸ್‌ ನಿಯಂತ್ರಣ ಕಳೆದುಕೊಂಡು, ಮೇಲ್ಸೇತುವೆಯ ತಡೆಗೋಡೆಗೆ ಡಿಕ್ಕಿ ಹೊಡೆದು, ಮುಂಭಾಗ ಮೇಲ್ಸೇತುವೆಯಿಂದ ಹೊರ ಚಾಚಿ ನಿಂತಿದೆ. ಬಸ್‌ನಲ್ಲಿ 25 ಮಂದಿ ಪ್ರಯಾಣಿಕರಿದ್ದರು. ಸಮಯಕ್ಕೆ ಸರಿಯಾಗಿ ಎಲ್ಲ ಪ್ರಯಾಣಿಕರನ್ನು ರಕ್ಷಿಸಲಾಗಿದೆ ಎಂದು ಎಸ್‌ಎಚ್‌ಒ ವಿಕ್ರಾಂತ್‌ ಶರ್ಮ ಹೇಳಿದ್ದಾರೆ.

ಎರಡೂ ವಾಹನಗಳು ಮೇಲ್ಸೇತುವೆಯ ತಡೆಗೋಡೆಗೆ ಡಿಕ್ಕಿ ಹೊಡೆದಿವೆ. ಓ ವೇಳೆ ಟ್ರಕ್‌ ಚಾಲಕ ಕೈಲಾಶ್‌(46) ಮೃತಪಟ್ಟರೆ, ಮೂವರು ಗಂಭೀರವಾಗಿ ಗಾಯಗೊಂಡಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಹಿರಿಯ ಪೊಲೀಸ್‌ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.