ಚೀನಾ ಅಡ್ಡಿ: ಮಾನಸ ಸರೋವರಕ್ಕೆ ಬದಲಿ ಮಾರ್ಗ

ಪಿಥೋರಗಡ್: ನಾಥುಲಾ ಪಾಸ್ ಮೂಲಕ ಟಿಬೆಟ್ ಪ್ರವೇಶಿಸುತ್ತಿದ್ದ ಮಾನಸ ಸರೋವರ ಯಾತ್ರಿಕರಿಗೆ ಚೀನಾ ಅಡ್ಡಿ ಉಂಟುಮಾಡಿದ ನಂತರ ಯಾತ್ರಿಕರು ಉತ್ತರಾಖಂಡದ ಮಾರ್ಗದ ಮೂಲಕ ಯಾತ್ರೆ ಕೈಗೊಂಡಿದ್ದಾರೆ.

ಧಾರ್ಚೂಲಾದ ಲಿಪುಲೇಖ್ ಪಾಸ್ ಮೂಲಕ 56 ಯಾತ್ರಿಕರ ಗುಂಪು ಯಾತ್ರೆ ಮುಗಿಸಿ ವಾಪಸ್ ಮರಳಿದ್ದಾರೆ ಎಂದು ಕುಮಾನ್ ಮಂಡಲ್ ವಿಕಾಸ್ ನಿಗಂ ಏಜೆನ್ಸಿ (ಕೆಎಂವಿಎಂ) ಬುಧವಾರ ದೃಢಪಡಿಸಿದೆ. ಈಗಾಗಲೇ ಎರಡನೇ ಬ್ಯಾಚ್ ಯಾತ್ರಿಕರು ಪರ್ಯಾಯ ಮಾರ್ಗದ ಮೂಲಕ ಚೀನಾ ತಲುಪಿದ್ದು, ಶೀಘ್ರದಲ್ಲಿಯೇ ವಾಪಸ್ ಮರಳುವ ನಿರೀಕ್ಷೆ ಇದೆ ಎಂದು ಸಂಸ್ಥೆ ತಿಳಿಸಿದೆ.

'ಉತ್ತರಾಖಂಡ ಮಾರ್ಗದ ಮೂಲಕ ಯಾತ್ರೆ ಸಲೀಸಾಗಿ ಮುಂದುವರೆಯುತ್ತಿದೆ. ಯಾವುದೇ ರೀತಿಯ ಸಮಸ್ಯೆ ಇಲ್ಲ' ಎಂದು ಕೆಎಂವಿಎಂ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಧೀರಾಜ್ ಗಾರ್ಬಿಯಾಲ್ ತಿಳಸಿದ್ದಾರೆ.

ಲಿಪುಲೇಖ್ ಪಾಸ್ ಎನ್ನುವುದು ಮಾನಸ ಸರೋವರ ತಲಪುಲು ಬಳಸುವ ಹಳೆಯ ಮಾರ್ಗ. ಇದು ನಾಥು ಲಾ ಪಾಸ್ ದಾರಿಗಿಂತ ಉತ್ತಮವಾಗಿದ್ದು ಪ್ರಯಾಣದ ದಾರಿ ಕಡಿಮೆ ಮಾಡಲು ಸಹಾಯಕವಾಗಿದೆ.

ಗಡಿ ಬಿಕ್ಕಟ್ಟನ್ನು ಮುಂದಿಟ್ಟುಕೊಂಡು ಚೀನಾ ಅನುಸರಿಸುತ್ತಿರುವ ಹಠಮಾರಿ ಧೋರಣೆಯಿಂದ ಕೈಲಾಸ ಮಾನಸ ಸರೋವರ ಯಾತ್ರೆ ಕೈಗೊಂಡಿರುವ 47 ಯಾತ್ರಿಕರು ಸಂಕಷ್ಟದಲ್ಲಿ ಸಿಲುಕುವಂತಾಗಿತ್ತು.

ಭಾರತದ ಮನವಿ ಮೇರೆಗೆ ಟಿಬೆಟ್‌ ಮಾರ್ಗದ ಮೂಲಕ ಮಾನಸ ಸರೋವರ ಯಾತ್ರೆ ಕೈಗೊಳ್ಳಲು ಚೀನಾ ಅವಕಾಶ ಮಾಡಿಕೊಟ್ಟಿದೆ.