ಆ್ಯಪ್ನಗರ

ರಾಷ್ಟ್ರಧ್ವಜಕ್ಕೆ ಅವಮಾನ: ತಪ್ಪಿಗೆ ಕ್ಷಮೆಯಾಚಿಸಿದ ಅಮೇಜಾನ್‌ !

ರಾಷ್ಟ್ರ ಧ್ವಜವನ್ನು ಅವಮಾನಿಸಿದ್ದಾರೆ ಎಂದು ಇ -ವಾಣಿಜ್ಯ ದೈತ್ಯ ಅಮೇಜಾನ್ ವಿರುದ್ಧ ಕಿಡಿಕಾರಿದ್ದ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಮಾತಿಗೆ ಭಯಗೊಂಡ ಅಮೇಜಾನ್‌ ತನ್ನ ಪ್ರಮಾದಕ್ಕೆ ಕ್ಷಮೆಯಾಚಿಸಿದೆ.

ಟೈಮ್ಸ್ ಆಫ್ ಇಂಡಿಯಾ 12 Jan 2017, 10:53 pm
ಹೊಸದಿಲ್ಲಿ: ರಾಷ್ಟ್ರ ಧ್ವಜವನ್ನು ಅವಮಾನಿಸಿದ್ದಾರೆ ಎಂದು ಇ -ವಾಣಿಜ್ಯ ದೈತ್ಯ ಅಮೇಜಾನ್ ವಿರುದ್ಧ ಕಿಡಿಕಾರಿದ್ದ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಮಾತಿಗೆ ಭಯಗೊಂಡ ಅಮೇಜಾನ್‌ ತನ್ನ ಪ್ರಮಾದಕ್ಕೆ ಕ್ಷಮೆಯಾಚಿಸಿದೆ.
Vijaya Karnataka Web after sushma swarajs warning amazon expresses regret for hurting indian sensibilities
ರಾಷ್ಟ್ರಧ್ವಜಕ್ಕೆ ಅವಮಾನ: ತಪ್ಪಿಗೆ ಕ್ಷಮೆಯಾಚಿಸಿದ ಅಮೇಜಾನ್‌ !


'ಅಮೇಜಾನ್ ಕೆನಡಾ ಸಂಸ್ಥೆ, ಭಾರತದ ರಾಷ್ಟ್ರ ಧ್ವಜದ ಡೋರ್‌ ಮ್ಯಾಟ್‌ಗಳನ್ನು ಮಾರುತ್ತಿದ್ದಾರೆ,' ಎಂದು ಅತುಲ್ ಭೋಬಿ ಎಂಬವರು ಟ್ವೀಟ್ ಮಾಡಿ ಇದರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಸುಷ್ಮಾ ಸ್ವರಾಜ್‌ರನ್ನು ಆಗ್ರಹಿಸಿದ್ದರು.

ವಿಚಾರ ತಮ್ಮ ಗಮನಕ್ಕೆ ಬರುತ್ತಿದ್ದಂತೆಯೇ ಕಾರ್ಯ ಪ್ರವೃತ್ತರಾದ ಸುಷ್ಮಾ, ತ್ರಿವರ್ಣ ಧ್ವಜವನ್ನು ಅವಮಾನಿಸುವ ಎಲ್ಲ ಉತ್ಪನ್ನಗಳನ್ನು ಹಿಂಪಡೆಯಬೇಕು. ಅಮೇಜಾನ್‌ ತಕ್ಷಣ ಕ್ಷಮೆ ಯಾಚಿಸದಿದ್ದರೆ ಕಂಪೆನಿಯ ಯಾವುದೇ ಅಧಿಕಾರಿಗಳಿಗೆ ವೀಸಾ ನೀಡುವುದಿಲ್ಲ, ಅಲ್ಲದೇ ಈಗಾಗಲೇ ನೀಡಿದ ವಿಸಾ ರದ್ದುಗೊಳಿಸುವುದಾಗಿ ಎಚ್ಚರಿಸಿದ್ದರು.
ಅಲ್ಲದೇ ಸುಷ್ಮಾ , ಕೆನಡಾದ ಭಾರತೀಯ ರಾಯಭಾರ ಕಚೇರಿಗೆ ಟ್ವೀಟ್ ಮಾಡಿ 'ಇದು ಸ್ವೀಕಾರಾರ್ಹವಲ್ಲ. ತಕ್ಷಣವೇ ಅಮೇಜಾನ್‌ನ ಅತ್ಯುನ್ನತ ಮಟ್ಟದಲ್ಲಿ ವಿಚಾರಣೆ ನಡೆಸಬೇಕು,' ಎಂದೂ ಟ್ವೀಟ್ ಮೂಲಕವೇ ಸೂಚಿಸಿದ್ದರು.

ಇದರಿಂದ ಬೆದರಿದ ಅಮೆಜಾನ್‌ ಕೂಡಲೇ ತನ್ನ ವೆಬ್‌ಸೈಟ್‌ನಿಂದ ಎಲ್ಲಾ ಭಾರತದ ರಾಷ್ಟ್ರಧ್ವಜದ ಡೋರ್‌ಮ್ಯಾಟ್‌ಗಳನ್ನು ಹಿಂಪಡೆದು ತನ್ನ ತಪ್ಪಿಗೆ ಕ್ಷಮೆಯಾಚಿಸಿದೆ. ಅಮೆಜಾನ್‌ನಲ್ಲಿ ಇಂತಹ ಪ್ರಸಂಗಗಳು ಇದೇ ಮೊದಲಲ್ಲ, ಕಳೆದ ವರ್ಷ ಭಾರತೀಯ ದೇವರು ಹಾಗೂ ದೇವತೆಗಳ ಚಿತ್ರವುಳ್ಳ ಡೋರ್‌ಮ್ಯಾಟ್‌ಗಳ ಮಾರಾಟ ಕಂಡುಬಂದಿತ್ತು. ಇದು ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಖಂಡನೆಗೆ ಒಳಪಟ್ಟು, #BoycottAmazon ಎಂಬ ಹ್ಯಾಶ್‌ಟ್ಯಾಗ್‌ ಭಾರೀ ಜನಪ್ರೀಯತೆ ಪಡೆದಿತ್ತು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ