ಹೊಸದಿಲ್ಲಿ: ಬರ ಪರಿಸ್ಥಿತಿಯನ್ನು ಮುಂದಿಟ್ಟುಕೊಂಡು ಕಳೆದ 28 ದಿನಗಳಿಂದ ನಡೆಸುತ್ತಿರುವ ತಮ್ಮ ಪ್ರತಿಭಟನೆಗೆ ಯಾವುದೇ ರೀತಿಯ ಸ್ಪಂದನ ದೊರಕದ ಹಿನ್ನೆಲೆಯಲ್ಲಿ ತಮಿಳುನಾಡು ರೈತರು ಸೋಮವಾರ ಪ್ರಧಾನಿ ಕಾರ್ಯಾಲಯದ ಮುಂಭಾಗ ಬಟ್ಟೆ ಕಳಚಿ ವಿನೂತನ ಶೈಲಿಯ ಹೋರಾಟಕ್ಕೆ ಮುಂದಾದರು.
ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿ ಮಾಡುವ ಉದ್ದೇಶದಿಂದ ರೈತರು ಸೋಮವಾರ ಪ್ರಧಾನಿ ಕಾರ್ಯಾಲಯದ ಮುಂದೆ ಜಮಾಯಿಸಿದರು. ಆದರೆ, ಯಾವುದೇ ಅಧಿಕಾರಿಯನ್ನು ಭೇಟಿ ಮಾಡಲು ಅವರಿಗೆ ಅವಕಾಶ ಸಿಗಲಿಲ್ಲ. ಹೀಗಾಗಿ ಅವರೆಲ್ಲ ಬಟ್ಟೆ ಕಳಚಿ ಪ್ರಧಾನಿ ಕಾರ್ಯಾಲಯದ ಮುಂಭಾಗದ ಬೀದಿಯಲ್ಲಿ 'ಉರುಳು ಸೇವೆ' ನಡೆಸಿದರು. ಕೆಲವೇ ಕ್ಷಣಗಳಲ್ಲಿ ಅವರನ್ನು ಪೊಲೀಸರು ಬಂಧಿಸಿದರು.
New delhi: Agitated Tamil Nadu farmers stage nude protest, detained