ರನ್‌ವೇನಿಂದ ಜಾರಿದ ವಿಮಾನ: ಪ್ರಯಾಣಿಕರು ಸುರಕ್ಷಿತ

ಕೊಚ್ಚಿ/ಮುಂಬಯಿ: ಅಬುಧಾಬಿಯಿಂದ ಬಂದ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ನ ವಿಮಾನವು ಕೊಚ್ಚಿ ನಿಲ್ದಾಣದಲ್ಲಿ ಲ್ಯಾಂಡ್ ಆಗಬೇಕಾದರೆ ರನ್‌ವೇನಿಂದ ಜಾರಿ ಚಕ್ರಗಳು ಕಳಚಿಕೊಂಡಿದ್ದು, ಅದೃಷ್ಟವಶಾತ್‌ ಯಾವುದೇ ಅಪಾಯವುಂಟಾಗಿಲ್ಲ.

ಮುಂಜಾನೆ 2.39ಕ್ಕೆ ವಿಮಾನ ಲ್ಯಾಂಡ್‌ ಆಗಲು ರನ್‌ವೇಗೆ ಇಳಿದ ಬಳಿಕ 2.40ಕ್ಕೆ ರನ್‌ವೇನಿಂದ ತಪ್ಪಿದೆ. ವಿಮಾನದಲ್ಲಿದ್ದ 102 ಪ್ರಯಾಣಿಕರು ಮತ್ತು ಆರು ಸಿಬ್ಬಂದಿಯನ್ನು ಸುರಕ್ಷಿತವಾಗಿ ಏಣಿ ಮೂಲಕ ವಿಮಾನದಿಂದ ಇಳಿಸಲಾಗಿದೆ ಎಂದು ಕೊಚ್ಚಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ವಕ್ತಾರರು ಹೇಳಿದ್ದಾರೆ.

ಈ ಘಟನೆಗೆ ಸಂಬಂಧಿಸಿದಂತೆ ಆಂತರಿಕ ತನಿಖೆ ಜತೆಗೆ ನಾಗರಿಕ ವಿಮಾನಯಾನ ಜಾರಿ ನಿರ್ದೇಶನಾಲಯವು ತನಿಖೆ ಕೈಗೊಂಡಿದೆ.