ಗುಜರಾತ್‌ನಲ್ಲಿ ಗುಜರಿ ಸೇರಲಿದೆ ದೇಶದ ಹೆಮ್ಮೆಯ ಯುದ್ಧಹಡಗು 'ಐಎನ್‌ಎಸ್‌ ವಿರಾಟ್‌ '

ನವದೆಹಲಿ: ಭಾರತೀಯ ನೌಕಾಪಡೆಯಲ್ಲಿ ಸುಮಾರು 30 ವರ್ಷಗಳ ಕಾಲ ಸುದೀರ್ಘ ಸೇವೆ ಸಲ್ಲಿಸಿದ್ದ ಯುದ್ಧ ನೌಕೆ ಐಎನ್ಎಸ್ ವಿರಾಟ್ ನುಚ್ಚುನೂರಾಗಿ ಗುಜರಾತ್‌ನ ಭವನಗರದ ಗುಜರಿ ಸೇರುತ್ತಿದೆ.

2017 ಮಾರ್ಚ್‌ನಲ್ಲಿ ಐಎನ್‌ಎಸ್‌ ವಿರಾಟ್‌ಅನ್ನು ಸೇನೆಯಿಂದ ನಿವೃತ್ತಿಗೊಳಿಸಲಾಗಿತ್ತು. ಇದಾದ ನಂತರ ಐಎನ್ಎಸ್ ವಿರಾಟ್ ನ್ನು ಮುಂಬೈ ನಿಂದ ಗುಜರಾತ್ ನ ಅಲಾಂಗ್ ಗೆ ಸ್ಥಳಾಂತರಿಸಲಾಗಿತ್ತು. ಇದೀಗ ಐಎನ್‌ಎಸ್‌ ವಿರಾಟ್‌ನ ಎಲ್ಲ ಭಾಗಗಳನ್ನು ಕಳಜಿ ಗುಜರಿಗೆ ಹಾಕಲಾಗುತ್ತದೆ.

1959 ರಲ್ಲಿ ಬ್ರಿಟನ್ ನ ರಾಯಲ್ ನೇವಿಯಲ್ಲಿ ಸೇವೆಗೆ ಸೇರ್ಪಡೆಯಾಗಿದ್ದ ಹೆಚ್ಎಂಎಸ್ ಹರ್ಮಿಸ್ ಅನ್ನು ಅಲ್ಲಿನ ನೌಕಾಪಡೆ 1984 ರಲ್ಲಿ ಹೆಚ್ಎಂಎಸ್ ಹರ್ಮಿಸ್ ಅನ್ನು ಸೇವೆಯಿಂದ ನಿವೃತ್ತಿಗೊಳಿಸಿತ್ತು. ನಂತರ 1987 ಮೇ. 12 ರಂದು ಭಾರತೀಯ ನೌಕಾ ಪಡೆ ಅದನ್ನು ಸೇವೆಗೆ ನಿಯುಕ್ತಿಗೊಳಿಸಿತ್ತು.

‘ವಿರಾಟ್‌’ ವೈಭವಕ್ಕೆ ತೆರೆ

ಭಾರತೀಯ ನೌಕಾಪಡೆಯಲ್ಲಿ 27 ವರ್ಷ ಸೇರಿ ಒಟ್ಟು 55 ವರ್ಷಗಳ ಕಾಲ ಸೇವೆ ಸಲ್ಲಿಸಿದ ಕೀರ್ತಿ 'ಐಎನ್‌ಎಸ್‌ ವಿರಾಟ್‌'ಗೆ ಸಲ್ಲುತ್ತದೆ. ಆಪರೇಷನ್‌ ಪವನ್‌ ಮತ್ತು ಪರಾಕ್ರಮ್‌ ಸೇರಿದಂತೆ ಭಾರತೀಯ ನೌಕಾಪಡೆಯ ಅನೇಕ ಕಾರ್ಯಾಚರಣೆಗಳಲ್ಲಿ ಪಾಲ್ಗೊಂಡಿದ್ದ ಈ ಯುದ್ಧನೌಕೆ ದೇಶದ ಹೆಮ್ಮೆಯಾಗಿದೆ.

ಐಎನ್‌ಎಸ್‌ ವಿರಾಟ್‌ ಇಂದು ನಿವೃತ್ತಿ

ಶ್ರೀಲಂಕಾದಲ್ಲಿ ಶಾಂತಿ ಸ್ಥಾಪನೆಗಾಗಿ 1989 ರಲ್ಲಿ ನಡೆದ ಆಪರೇಷನ್ ಜುಪಿಟರ್, 1999 ರ ಕಾರ್ಗಿಲ್ ಯುದ್ಧದ ವೇಳೆ ನಡೆದ ಆಪರೇಷನ್ ವಿಜಯ್ ಕಾರ್ಯಾಚರಣೆಗಳಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಐಎನ್ಎಸ್ ವಿರಾಟ್ ಯುದ್ಧ ನೌಕೆ ಸೇವೆಯಲ್ಲಿರುವ ವಿಶ್ವದ ಅತ್ಯಂತ ಹಳೆಯ ಯುದ್ಧ ನೌಕೆ ಎಂಬ ಹೆಗ್ಗಳಿಕೆ ಹೊಂದಿದ್ದು, ಗಿನ್ನೀಸ್ ವಿಶ್ವದಾಖಲೆಯ ಪುಟ ಸೇರಿದೆ.