ವಿಚಿತ್ರ ಕಾರಣಕ್ಕಾಗಿ ಮದ್ಯಮುಕ್ತವಾಗುತ್ತಿದೆ ಚಂಡೀಗಢ!

ಹೊಸದಿಲ್ಲಿ: ಗುಜರಾತ್ ಮತ್ತು ಬಿಹಾರ ರಾಜ್ಯ ಸರಕಾರಗಳ ಇಚ್ಛಾಶಕ್ತಿಯಿಂದ ಮುದ್ಯಮುಕ್ತ ರಾಜ್ಯಗಳಾಗಿ ಮಾರ್ಪಟ್ಟರೆ, ಕೇಂದ್ರಾಡಳಿತ ಪ್ರದೇಶವಾದ ಚಂಡೀಗಢ ಮಾತ್ರ ಸುಪ್ರೀಂ ಕೋರ್ಟ್ ಆದೇಶದಿಂದಾಗಿ ಅನಿವಾರ್ಯವಾಗಿ ಮದ್ಯಮುಕ್ತ ಪ್ರದೇಶವಾಗಿ ಬದಲಾಗಲಿದೆ.

2016 ಡಿ.ನಲ್ಲಿ ಆದೇಶ ಹೊರಡಿಸಿದ್ದ ಸುಪ್ರೀಂ ಕೋರ್ಟ್, ಎಲ್ಲ ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ರಾಜ್ಯ ಹೆದ್ದಾರಿಗಳ 500 ಮೀಟರ್ ಆಸುಪಾಸು ಮದ್ಯದಂಗಡಿಗಳು ಇರಬಾರದು.

ಒಂದೊಮ್ಮೆ ಇದ್ದರೆ ಅವುಗಳನ್ನು ಏಪ್ರಿಲ್ 1ರೊಳಗೆ ಮುಚ್ಚಬೇಕು ಎಂದು ಕಟ್ಟಾಜ್ಞೆ ವಿಧಿಸಿತ್ತು. ಈ ಆದೇಶವೇ 1.2 ಕಿ.ಮೀ. ಉದ್ದ, 0.8 ಕಿ.ಮೀ.ನಷ್ಟು ಅಗಲವಿರುವ ಚಂಡೀಗಢಕ್ಕೆ ಸಂಕಷ್ಟ ತಂದೊಡ್ಡಿದೆ. ಹೇಗೆ ಅಳೆದರೂ, ರಾಷ್ಟ್ರೀಯ ಮತ್ತು ರಾಜ್ಯ ಹೆದ್ದಾರಿಯಿಂದ 500 ಮೀಟರ್‌ಗಿಂತ ಹೆಚ್ಚು ದೂರದ ಜಾಗ ಸಿಗುತ್ತಿಲ್ಲ.

ಹೀಗಾಗಿ ಈ ನಗರದಲ್ಲಿರುವ ಎಲ್ಲ ಮದ್ಯದ ಅಂಗಡಿಗಳು, ಬಾರ್‌ಗಳನ್ನು ಮುಚ್ಚಬೇಕಾಗಿದೆ.