ಚೆನ್ನೈ: ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ ಜಯಲಲಿತಾ ದಾಖಲಾಗಿದ್ದ ಅಪೊಲೊ ಆಸ್ಪತ್ರೆಯ ಮುಖ್ಯಸ್ಥರಾದ ಡಾ. ಪ್ರತಾಪ್ ಸಿ ರೆಡ್ಡಿ ಮಹತ್ವದ ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ. ಅಪೋಲೋ ಆಸ್ಪತ್ರೆಯ 24 ಹಾಸಿಗೆಗಳ ತೀವ್ರ ನಿಗಾ ಘಟಕದಲ್ಲಿ ಜಯಲಲಿತಾ ಒಬ್ಬರೇ ಇದ್ದರು. ಆಗ ಆಸ್ಪತ್ರೆಯ ಎಲ್ಲಾ ಸಿಸಿಟಿವಿ ಕ್ಯಾಮೆರಾಗಳನ್ನು ಬಂದ್ ಮಾಡಲಾಗಿತ್ತು ಎಂದಿದ್ದಾರೆ. ಜಯಲಲಿತಾ ಅವರ ಆರೋಗ್ಯದ ಬಗ್ಗೆ ವಿಚಾರಣೆ ನಡೆಸುತ್ತಿರುವ ಜಸ್ಟೀಸ್ ಆರ್ಮುಗಸ್ವಾಮಿ ಆಯೋಗಕ್ಕೆ ಈ ಸಂಬಂಧ ದಾಖಲೆಗಳನ್ನು ಸಲ್ಲಿಸಿರುವುದಾಗಿ ವರದಿಗಾರರಿಗೆ ಅವರು ಮಾಹಿತಿ ನೀಡಿದರು. 2018ರ ಅಪೋಲೋ ಆಸ್ಪತ್ರೆಯ ಉಪನ್ಯಾಸಮಾಲೆ ಸಂದರ್ಭದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಈ ಸಂಗತಿ ತಿಳಿಸಿದ್ದಾರೆ.
Read this news in Tamil
ಆಯೋಗಕ್ಕೆ ಸಿಸಿಟಿವಿ ದಾಖಲೆಗಳನ್ನೂ ಸಲ್ಲಿಸಲಾಗಿದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, 'ದಯವಿಟ್ಟು ಕ್ಷಮಿಸಿ, ದುರದೃಷ್ಟಕರ ಸಂಗತಿ ಎಂದರೆ 75 ದಿನಗಳ ಕಾಲ ಎಲ್ಲಾ ಸಿಸಿಟಿವಿ ಕ್ಯಾಮೆರಾಗಳನ್ನು ಸ್ವಿಚ್ ಆಫ್ ಮಾಡಲಾಗಿತ್ತು. ಅವರು ಐಸಿಯುಗೆ ದಾಖಲಾಗುತ್ತಿದ್ದಂತೆ ಎಲ್ಲಾ ಬಂದ್ ಮಾಡಲಾಗಿತ್ತು. ಎಲ್ಲಾ ರೋಗಿಗಳನ್ನು ಬೇರೆ ಐಸಿಯುಗೆ ಸ್ಥಳಾಂತರಿಸಲಾಯಿತು. ಈ ಐಸಿಯುದಲ್ಲಿ ಅವರು ಮಾತ್ರ ಇದ್ದರು. 24 ಬೆಡ್ಗಳ ಐಸಿಯುನಲ್ಲಿ ಅವರೊಬ್ಬರೇ ಇದ್ದರು. ಎಲ್ಲರೂ ನೋಡಬಾರದು ಎಂಬ ಕಾರಣಕ್ಕೆ ಸಿಸಿಟಿವಿ ಕ್ಯಾಮೆರಾಗಳನ್ನು ನಿಷ್ಕ್ರಿಯೆಗೊಳಿಸಲಾಗಿತ್ತು. ಏಮ್ಸ್ ವೈದ್ಯರು ಮತ್ತು ನಾವು ಉತ್ತಮ ಚಿಕಿತ್ಸೆ ನೀಡಿದ್ದೆವು' ಎಂದಿದ್ದಾರೆ.
Read this news in Tamil
ಆಯೋಗಕ್ಕೆ ಸಿಸಿಟಿವಿ ದಾಖಲೆಗಳನ್ನೂ ಸಲ್ಲಿಸಲಾಗಿದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, 'ದಯವಿಟ್ಟು ಕ್ಷಮಿಸಿ, ದುರದೃಷ್ಟಕರ ಸಂಗತಿ ಎಂದರೆ 75 ದಿನಗಳ ಕಾಲ ಎಲ್ಲಾ ಸಿಸಿಟಿವಿ ಕ್ಯಾಮೆರಾಗಳನ್ನು ಸ್ವಿಚ್ ಆಫ್ ಮಾಡಲಾಗಿತ್ತು. ಅವರು ಐಸಿಯುಗೆ ದಾಖಲಾಗುತ್ತಿದ್ದಂತೆ ಎಲ್ಲಾ ಬಂದ್ ಮಾಡಲಾಗಿತ್ತು. ಎಲ್ಲಾ ರೋಗಿಗಳನ್ನು ಬೇರೆ ಐಸಿಯುಗೆ ಸ್ಥಳಾಂತರಿಸಲಾಯಿತು. ಈ ಐಸಿಯುದಲ್ಲಿ ಅವರು ಮಾತ್ರ ಇದ್ದರು. 24 ಬೆಡ್ಗಳ ಐಸಿಯುನಲ್ಲಿ ಅವರೊಬ್ಬರೇ ಇದ್ದರು. ಎಲ್ಲರೂ ನೋಡಬಾರದು ಎಂಬ ಕಾರಣಕ್ಕೆ ಸಿಸಿಟಿವಿ ಕ್ಯಾಮೆರಾಗಳನ್ನು ನಿಷ್ಕ್ರಿಯೆಗೊಳಿಸಲಾಗಿತ್ತು. ಏಮ್ಸ್ ವೈದ್ಯರು ಮತ್ತು ನಾವು ಉತ್ತಮ ಚಿಕಿತ್ಸೆ ನೀಡಿದ್ದೆವು' ಎಂದಿದ್ದಾರೆ.