ನಮೋ ಆ್ಯಪ್‌ ಮೂಲಕ ದೇಣಿಗೆ ನೀಡಿದ ಅಮಿತ್‌

ಹೊಸದಿಲ್ಲಿ: ದೇಣಿಗೆ ಪಡೆಯುವ ವಿಷಯದಲ್ಲಿ ಬಿಜೆಪಿ ಪಾರದರ್ಶಕತೆ ಕಾಪಾಡಿಕೊಂಡು ಬರುತ್ತದೆ ಎಂದು ಹೇಳಿರುವ ಪಕ್ಷದ ಅಧ್ಯಕ್ಷ ಅಮಿತ್‌ ಶಾ ಅವರು, ನಮೋ ಆ್ಯಪ್‌ ಬಳಸಿ ದೇಣಿಗೆ ನೀಡುವಂತೆ ಕಾರ‍್ಯಕರ್ತರು ಹಾಗೂ ಪಕ್ಷದ ಹಿತೈಷಿಗಳಿಗೆ ಮನವಿ ನೀಡಿದ್ದಾರೆ.

ಸ್ವತಃ ತಾವು 1000 ರೂ. ದೇಣಿಗೆ ನೀಡಿದ ರಸೀದಿಯನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ''ಬಿಜೆಪಿ ಕಾರ‍್ಯಕರ್ತನಾಗಿ ಈ ದೇಣಿಗೆ ನೀಡಿದ್ದೇನೆ. ಇನ್ಮುಂದೆ ನೀವು 5 ರಿಂದ 1000 ರೂ.ವರೆಗೆ ದೇಣಿಗೆ ನೀಡಬಹುದು. ಆದರೆ ನಮೋ ಆ್ಯಪ್‌ ಮೂಲಕವೇ ಹಣ ನೀಡಿ. ಪಾರದರ್ಶಕತೆ ಕಾಪಾಡಲು ಇದು ಅನುಕೂಲವಾಗಲಿದೆ,'' ಎಂದು ಹೇಳಿದ್ದಾರೆ.

ಸೋಮವಾರವಷ್ಟೇ ಕೇಂದ್ರ ಸಚಿವೆ ಸುಷ್ಮಾ ಸ್ವರಾಜ್‌ ಕೂಡ 1000 ರೂ. ದೇಣಿಗೆ ಕೊಟ್ಟಿದ್ದರು.