ಮಾವುತನ ಮುತ್ತಿಗೆ ಕೆನ್ನೆಯೊಡ್ಡಿದ ಆನೆ!

ತಿರುವನಂತಪುರ: ಪ್ರಾಣಿಗಳ ಪ್ರೀತಿಯೇ ಹಾಗೆ. ನಾವು ಪ್ರೀತಿಸಿದರೆ ಅವುಗಳು ಪ್ರೀತಿಸುತ್ತವೆ. ಅತ್ಯಂತ ಆಪ್ಯಾಯತೆಯಿಂದ ವರ್ತಿಸುತ್ತವೆ. ಕೇರಳದಲ್ಲಿ ಆನೆಯೊಂದು ಮಾವುತನಿಗೆ ಅಪ್ಪುಗೆಯೊಂದಿಗೆ ಬೀಳ್ಕೊಡುತ್ತಿರುವ ದೃಶ್ಯ ವೈರಲ್ ಆಗಿದೆ.

ಸಿವರಂಜನ್ ಎಂಬ ಹೆಸರಿನ ಆನೆಗೆ ಆಹಾರ ನೀಡಿದ ಬಳಿಕ 'ನಾನಿನ್ನು ಹೊರಡುತ್ತೇನೆ' ಎಂದು ಮಾವುತ ಮನೋಜ್ ಹೇಳುತ್ತಾನೆ. ಮತ್ತೆ ಕೆಲವು ಸಲ ಹೊರಡುವುದಾಗಿ ತಿಳಿಸಿದ ಮೇಲೆ ಆನೆ ಒಪ್ಪಿಗೆ ಸೂಚಿಸುತ್ತದೆ. ಮಾವುತ ಮುತ್ತು ನೀಡಲು ಮುಂದಾಗುತ್ತಾನೆ. ಆಗ ಆನೆ ಆತನ ಕಡೆಗೆ ಬಾಗಿ ಮುತ್ತು ಸ್ವೀಕರಿಸುತ್ತದೆ.

ಸುದ್ದಿ ಮೂಲ: ಮಲಯಾಳಂ ಸಮಯಂ