ಅಭಿನಂದನ್ ಹೊಡೆದುರುಳಿಸಿದ F16 ಪೈಲಟ್‌ನನ್ನು ಭಾರತೀಯ ಎಂದು ಭ್ರಮಿಸಿ ಹೊಡೆದು ಕೊಂದ ಪಾಕಿಗಳು

ಹೊಸದಿಲ್ಲಿ: ಭಾರತದ ಮೇಲೆ ದಾಳಿ ನಡೆಸಲು ಬಂದಿದ್ದ ಪಾಕಿಸ್ತಾನದ ಎಫ್‌-16 ಯುದ್ಧ ವಿಮಾನದ ಪೈಲಟ್‌ನನ್ನು ಭಾರತೀಯನೆಂದು ತಿಳಿದು ಅಲ್ಲಿನ ಸ್ಥಳೀಯರೇ ಥಳಿಸಿ ಕೊಂದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಭಾರತದ ವಾಯು ಪ್ರದೇಶ ಪ್ರವೇಶಿಸಿದ್ದ ಎಫ್‌-16 ಅನ್ನು ಭಾರತೀಯ ವಾಯುಪಡೆ ವಿಂಗ್‌ ಕಮಾಂಡರ್‌ ಅಭಿನಂದನ್‌ ಹೊಡೆದುರುಳಿಸಿದ್ದರು. ಈ
ವೇಳೆ ಎಫ್‌-16 ಪೈಲಟ್‌ ಪ್ಯಾರಾಚ್ಯೂಟ್‌ ನೆರವಿನಿಂದ ವಿಮಾನದಿಂದ ಕೆಳಗೆ ಹಾರಿದ್ದ. ಅರೆಪ್ರಜ್ಞಾವಸ್ಥೆಯಲ್ಲಿ ಕೆಳಗೆ ಬಿದ್ದ ಆತನನ್ನು ಭಾರತೀಯ ಪೈಲಟ್‌ ಎಂದು ಭಾವಿಸಿದ ಸ್ಥಳೀಯರು ಮಾರಣಾಂತಿಕವಾಗಿ ಥಳಿಸಿದ್ದರು. ಆತ ಪಾಕಿಸ್ತಾನಿ ಪೈಲಟ್‌ ಎಂದು ತಿಳಿಯುವಷ್ಟರಲ್ಲಿ ಕೊನೆಯುಸಿರೆಳೆದಿದ್ದ.


ಪಾಕ್‌ ಸರಕಾರವೂ ಆರಂಭದಲ್ಲಿ ಎಫ್‌-16 ಪೈಲಟ್‌ನನ್ನು ಗುರುತಿಸಲಾರದೆ ಭಾರತೀಯನೇ ಎಂದು ತಿಳಿದಿತ್ತು. ಹೀಗಾಗಿಯೇ ಆರಂಭದಲ್ಲಿ ಇಬ್ಬರು
ಭಾರತೀಯ ವಾಯುಪಡೆಯ ಪೈಲಟ್‌ಗಳು ತನ್ನ ವಶದಲ್ಲಿರುವುದಾಗಿ ಪಾಕ್‌ ಹೇಳಿತ್ತು. ಬಳಿಕ ಪಾಕಿಸ್ತಾನದ ಅಧಿಕಾರಿಗಳಿಗೆ ವಿಷಯ ಮನದಟ್ಟಾಗುತ್ತಿದ್ದಂತೆ, ಭಾರತದ ಅಭಿನಂದನ್‌ ಮಾತ್ರ ತಮ್ಮ ವಶದಲ್ಲಿ ಇದ್ದಿರುವುದಾಗಿ ಪಾಕ್‌ ಹೇಳಿಕೆ ಬದಲಿಸಿತ್ತು.