ಪಾಕ್‌ನಿಂದ ಬಂದ ಮತ್ತೊಂದು ಪಾರಿವಾಳ ಪತ್ತೆ

ಅಮೃತಸರ: ಬಾಲದ ಗರಿಯಲ್ಲಿ ಉರ್ದು ಭಾಷೆಯ ಬರಹ ಮತ್ತು ಪಾಕಿಸ್ತಾನದ ಪೋನ್‌ ನಂಬರ್‌ ಹೊಂದಿರುವ ಪಾರಿವಾಳವೊಂದು ಅಜ್ನಾಲದ ಅಂಗಡಿಯ ಚಾವಣಿಯಲ್ಲಿ ಪತ್ತೆಯಾಗಿದೆ. ಅಂಗಡಿ ಮಾಲೀಕ ಪವನ್‌ ಕುಮಾರ್‌ ಅದನ್ನು ಅಧಿಕಾರಿಗಳ ವಶಕ್ಕೆ ನೀಡಿದ್ದಾರೆ.

ಪಾರಿವಾಳದ ಬಾಲದ ಗರಿಯಲ್ಲಿ ಶೇಖ್‌ ಮೌಲಾ ಎಂಬ ಬರಹ ಇದೆ. ಆದರೆ ಇಲ್ಲಿ ಪಕ್ಷಗಳ ಆಗಮನ ಸಾಮಾನ್ಯ. ಪ್ರತಿವರ್ಷ ಎರಡೂ ಗಡಿಯಾಚೆಗಳಿಂದ ಬಹಳಷ್ಟು ಪಾರಿವಾಳಗಳು ಇಲ್ಲಿಗೆ ಮತ್ತು ಅಲ್ಲಿಗೆ ಹಾರುತ್ತವೆ. ಇದು ಎರಡೂ ಗಡಿಗಳ ನಿವಾಸಿಗಳಿಗೊಂದು ಸ್ಪರ್ಧೆ ಮತ್ತು ಹವ್ಯಾಸವಾಗಿದೆ ಎಂದು ಇನ್ಸ್‌ಪೆಕ್ಟರ್‌ ಚನ್ನಾ ಸಿಂಗ್‌ ಹೇಳುತ್ತಾರೆ.

ಪಾರಿವಾಳ ಹಾರಿ ಬಿಡುವುದು ಗಡಿ ನಿವಾಸಿಗಳ ಹವ್ಯಾಸವಾಗಿದ್ದರೂ ಈಗ ನಾವಿರುವ ಸಂಕಷ್ಟದ ಸನ್ನಿವೇಶದಲ್ಲಿ ಇದನ್ನು ನಿರ್ಲಕ್ಷಿಸುವಂತಿಲ್ಲ, ಪ್ರತಿಯೊಂದನ್ನು ಕೂಡ ಗಂಭೀರವಾಗಿ ತೆಗೆದುಕೊಳ್ಳುತ್ತೇವೆ. ಸ್ಪೈ ಭಾಗವಾಗಿ ಪಾರಿವಾಳ ಬಳಕೆಯಾಗಿದೆಯೇ ಎಂಬುದನ್ನು ತಿಳಿದುಕೊಳ್ಳಲಾಗುವುದು ಎಂದು ಗುಪ್ತಚರ ಮೂಲಗಳು ಹೇಳಿವೆ. ಕೆಲವೊಮ್ಮೆ ಪಾರಿವಾಳಗಳನ್ನು ಬಳಸಿಕೊಂಡು ಗಡಿಯಾಚೆಯಿಂದ ದ್ವೇಷ ಸಂದೇಶಗಳು ಬರುವುದೂ ಇದೆ ಎಂದು ಮೂಲಗಳು ಹೇಳಿವೆ.

ಈ ನಡುವೆ ಪಾಕ್‌ ಮಾಧ್ಯಮಗಳು 'ಅರೆಸ್ಟ್‌ ಆಫ್‌ ಪಾಕಿಸ್ತಾನಿ ಪಿಜನ್ಸ್‌ ಬೈ ದಿ ಇಂಡಿಯನ್‌ ಪೊಲೀಸ್‌' ಶೀರ್ಷಿಕೆಯಡಿ ವರದಿ ಪ್ರಕಟಿಸಿದೆ. ಪ್ರಧಾನಿ ಮೋದಿ ಅವರನ್ನು ಉದ್ದೇಶಿಸಿ ಉರ್ದುವಿನಲ್ಲಿ ಬರೆದ ಪತ್ರ ಹೊಂದಿದ್ದ ಪಾಕ್‌ನ ಪಾರಿವಾಳ ಅ.ಎರಡರಂದು ಪಠಾಣ್‌ಕೋಟ್‌ನಲ್ಲಿ ಪತ್ತೆಯಾಗಿತ್ತು. ಅದಾದ ಬಳಿಕ ಅಂತಾರಾಷ್ಟ್ರೀಯ ಗಡಿಗೆ ಹೊಂದಿಕೊಂಡಿದ್ದ ಕೆಲವು ಪ್ರದೇಶಗಳಲ್ಲಿ ಬೆದರಿಕೆ ಸಂದೇಶ ಹೊಂದಿದ್ದ ಬಲೂನ್‌ಗಳು ಸಿಕ್ಕಿದ್ದವು.

A resident of Ajnala found a pigeon
A resident of Ajnala found a pigeon, with an inscription in Urdu and a Pakistan phone number on its tail, on the roof of his shop on Thursday. Pawan Kumar later handed over the pigeon to the authorities.