ಅಂಬಾಲಾ ವಾಯುನೆಲೆಗೆ ಭೇಟಿ ನೀಡಿದ ಭೂಸೇನಾ ಮುಖ್ಯಸ್ಥ: ಸಿದ್ಧತೆ ಪರಿಶೀಲನೆ!

ಅಂಬಾಲಾ: ಅಂಬಾಲಾದಲ್ಲಿರುವ ಭಾರತೀಯ ವಾಯುಸೇನೆಯ ವಾಯುನೆಲೆಗೆ ಭೇಟಿ ನೀಡಿದ ಭಾರತೀಯ ಭೂಸೇನೆ ಮುಖ್ಯಸ್ಥ ಜನರಲ್ ಎಂಎಂ ನರವಣೆ, ವಾಯುಸೇನೆಯ ಸಮರ ಸಿದ್ಧತೆಯನ್ನು ಪರೀಶಿಲಿಸಿದರು.

ಅಂಬಾಲಾ ವಾಯುನೆಲೆಗೆ ಭೇಟಿ ನೀಡಿದ ಜನರಲ್ ಎಂಎಂ ನರವಣೆ ಅವರನ್ನು, ವೆಸ್ಟರ್ನ್ ಏರ್ ಕಮಾಂಡ್ ಮುಖ್ಯಸ್ಥ ಏರ್ ಮಾರ್ಷಲ್ ವಿ.ಆರ್. ಚೌಧರಿ ಸ್ವಾಗತಿಸಿದರು.

ಈ ವೇಳೆ ಚೌಧರಿ ನೇತೃತ್ವದಲ್ಲಿ ವಾಯುನೆಲೆಯ ಅಧಿಕಾರಿಗಳು ಕಾರ್ಯಾಚರಣೆ ಸಿದ್ಧತೆ ಕುರಿತು ಭೂಸೇನಾ ಮುಖ್ಯಸ್ಥರಿಗೆ ವಿಸ್ತಾರವಾದ ಮಾಹಿತಿ ನೀಡಿದರು.

ಚಿನಾರ್ ಕಾರ್ಪ್ಸ್‌ಗೆ ಭೇಟಿ ನೀಡಿದ ಭೂಸೇನಾ ಮುಖ್ಯಸ್ಥ: ಕಾರ್ಯಾಚರಣೆ ಸಿದ್ಧತೆ ಪರಿಶೀಲನೆ!



ಲಡಾಖ್ ಗಡಿ ಸಂಘರ್ಷದ ಪರಿಣಾಮವಾಗಿ ಭಾರತೀಯ ವಾಯುಸೇನೆ ಹಾಗೂ ಭೂಸೇನೆ ಜಂಟಿ ಕಾರ್ಯಾಚರಣೆಗಳಿಗೆ ಒತ್ತು ನೀಡಿದ್ದು, ಈ ನಿಟ್ಟಿನಲ್ಲಿ ಜನರಲ್ ನರವಣೆ ಅವರ ಅಂಬಾಲಾ ವಾಯುನೆಲೆ ಭೇಟಿ ಮಹತ್ವ ಪಡೆದುಕೊಂಡಿದೆ.

ಚೀನಾಕ್ಕೆ ತಕ್ಕ ಉತ್ತರ ನೀಡಲು ನಾವು ಸಿದ್ಧ: ವಾಯುಸೇನೆ ಮುಖ್ಯಸ್ಥ

ಈಗಾಗಲೇ ಲಡಾಖ್ ಗಡಿಯಲ್ಲಿ ಭಾರತೀಯ ಸೇನೆಗೆ ಪೂರಕವಾಗಿ ವಾಯುಸೇನೆ ಕರ್ತವ್ಯ ನಿರ್ವಹಿಸುತ್ತಿದ್ದು, ಯಾವುದೇ ಸಂದಿಗಗ್ಧ ಪರಿಸ್ಥಿತಿಯನ್ನು ಎದುರಿಸಲು ಎರಡೂ ರಕ್ಷಣಾ ಪಡೆಗಳು ಸರ್ವ ಸನ್ನದ್ಧವಾಗಿರುವುದು ಸ್ಪಷ್ಟ.