ದೇಶದ ಮೊದಲ ರಕ್ಷಣಾ ಪಡೆಗಳ ಮುಖ್ಯಸ್ಥರಾಗಿ ಬಿಪಿನ್‌ ರಾವತ್‌ ಅಧಿಕಾರ ಸ್ವೀಕಾರ

ಹೊಸದಿಲ್ಲಿ: ದೇಶದ ಮೊದಲ "ರಕ್ಷಣಾ ಪಡೆಗಳ ಮುಖ್ಯಸ್ಥ" ( 'ಸಿಡಿಎಸ್‌- ಚೀಫ್‌ ಆಫ್‌ ಡಿಫೆನ್ಸ್‌ ಸ್ಟಾಫ್‌) ರಾಗಿ ಭೂಸೇನಾ ಮುಖ್ಯಸ್ಥರಾಗಿದ್ದ ಬಿಪಿನ್‌ ರಾವತ್‌ ಅವರು ಮಂಗಳವಾರ ಅಧಿಕಾರ ಸ್ವೀಕರಿಸಿದರು. ಇವರು ದೇಶದ ಮೂರೂ ಸಶಸ್ತ್ರ ಪಡೆಗಳಿಗೆ (ಭೂಸೇನೆ, ನೌಕಾಸೇನೆ, ವಾಯುಸೇನೆ) ನಡುವೆ ಸಮನ್ವಯಕಾರರಂತೆ ಕಾರ್ಯನಿರ್ವಹಿಸಲಿದ್ದಾರೆ.



ದೇಶದ ಮೊದಲ ಸಿಡಿಎಸ್‌ ಆಗಿ ಅಧಿಕಾರ ಸ್ವೀಕರಿಸಿವ ಮೊದಲು ರಾಷ್ಟ್ರೀಯ ಯುದ್ಧ ಸ್ಮಾರಕಕ್ಕೆ ಹೂಗುಚ್ಚ ಅರ್ಪಿಸುವ ಮೂಲಕ ಗೌರವ ಸಲ್ಲಿಸಿದರು.



ಭೂಸೇನಾ ಮುಖ್ಯಸ್ಥರಾಗಿದ್ದ (ಜನರಲ್‌) ಬಿಪಿನ್‌ ರಾವತ್‌ ಅವರಿಗೆ ಭಾರತೀ ಭೂ ಸೇನೆಯು ಸಕಲ ಸೇನಾ ಗೌರವಗಳೊಂದಿಗೆ ಬೀಳ್ಕೊಟ್ಟಿತು. ರಾವತ್‌ ಅವರು ಫೇರ್‌ವೆಲ್‌ ಗಾರ್ಡ್ ಆಫ್‌ ಹಾನರ್‌ ಅನ್ನು ಸ್ವೀಕರಿಸಿದರು.