ಗುವಾಹಟಿ: ಭಾರತೀಯ ಸೇನೆಯ ಅತ್ಯಾಧುನಿಕ ಲಘು ಹೆಲಿಕಾಪ್ಟರ್ ಅರುಣಾಚಲ ಪ್ರದೇಶದಲ್ಲಿ ಶುಕ್ರವಾರ ಬೆಳಗ್ಗೆ ಪತನಗೊಂಡಿದೆ. ಶುಕ್ರವಾರ ಬೆಳಗ್ಗೆ 10.45ಕ್ಕೆ ಈ ಘಟನೆ ಸಂಭವಿಸಿದೆ. ಚೀನಾ ಗಡಿಯಲ್ಲಿ ಇರುವ ಅರುಣಾಚಲ ಪ್ರದೇಶದ ಸಿಯಾಂಗ್ ಜಿಲ್ಲೆಯಲ್ಲಿ ಈ ಹೆಲಿಕಾಪ್ಟರ್ ಪತನವಾಗಿದೆ. ಇದೊಂದು ದುರ್ಗಮ ಪ್ರದೇಶವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ.
ಅರುಣಾಚಲ ಪ್ರದೇಶದ ಸಿಂಗಿಂಗ್ ಎಂಬ ಗ್ರಾಮದಲ್ಲಿ ಈ ಹೆಲಿಕಾಪ್ಟರ್ ಪತನಗೊಂಡಿದೆ ಎಂದು ತಿಳಿದು ಬಂದಿದೆ. ಈ ಪ್ರದೇಶವು ಸಿಯಾಂಗ್ ಜಿಲ್ಲೆಯ ಪಾಲಿಂಗ್ ವೃತ್ತದಲ್ಲಿ ಬರುತ್ತದೆ. ಜಿಲ್ಲಾ ಕೇಂದ್ರದಿಂದ 25 ಕಿ. ಮೀ. ದೂರದಲ್ಲಿ ಈ ಘಟನೆ ನಡೆದಿದೆ.
ಇದೇ ವರ್ಷ ಅಕ್ಟೋಬರ್ 5 ರಂದೂ ಕೂಡಾ ಈ ಭಾಗದಲ್ಲಿ ಚೀತಾ ಹೆಲಿಕಾಪ್ಟರ್ ಪತನಗೊಂಡಿದ್ದು, ಭಾರತೀಯ ಸೇನೆಗೆ ಸೇರಿದ ಈ ಹೆಲಿಕಾಪ್ಟರ್ ಪತನಗೊಂಡು ಇಬ್ಬರು ಪೈಲಟ್‌ಗಳ ಪೈಕಿ ಓರ್ವ ಮೃತಪಟ್ಟಿದ್ದರು. ತವಾಂಗ್‌ನಿಂದ ದೈನಂದಿತ ಅಭ್ಯಾಸಕ್ಕೆ ತೆರಳಿದ್ದ ವೇಳೆ ಈ ಹೆಲಿಕಾಪ್ಟರ್ ಪತನ ಆಗಿತ್ತು.
ತವಾಂತ್ ಜಿಲ್ಲೆಯಲ್ಲಿ ಬಾಪ್ ತೆಂಗ್ ಕಾಂಗ್ ಎಂಬ ಜಲಪಾತವಿದೆ. ಇಲ್ಲಿ ಚೀತಾ ಹೆಲಿಕಾಪ್ಟರ್ ಪತನಗೊಂಡಿತ್ತು. ಸುರ್ವಾ ಸಾಂಬಾ ಎಂಬ ಪ್ರದೇಶದಿಂದ ದೈನಂದಿನ ಅಭ್ಯಾಸ ಮುಗಿಸಿ ಪೈಲಟ್‌ಗಳು ವಾಪಸ್ ಆಗುವಾಗ ಹೆಲಿಕಾಪ್ಟರ್ ಪತನಗೊಂಡಿತ್ತು.
ಹೆಲಿಕಾಪ್ಟರ್ ಅಪಘಾತದಲ್ಲಿ ರಾವತ್ ನಿಧನರಾಗಿದ್ದರು
ಡಿಸೆಂಬರ್ 8, 2021ರಲ್ಲಿ ತಮಿಳುನಾಡಿನಲ್ಲಿ ಸೇನಾ ಹೆಲಿಕಾಪ್ಟರ್ ಪತನಗೊಂಡು ರಕ್ಷಣಾ ಪಡೆಗಳ ಮುಖ್ಯಸ್ಥರಾದ ಬಿಪಿನ್ ರಾವತ್ ನಿಧನರಾಗಿದ್ದರು. ಸೇನಾ ಸಿಬ್ಬಂದಿ ಹಾಗೂ ಕುಟುಂಬ ಸಮೇತರಾಗಿ ಪ್ರಯಾಣ ಮಾಡುತ್ತಿದ್ದ ವೇಳೆ ಈ ಅಪಘಾತ ಸಂಭವಿಸಿತ್ತು. ಅಪಘಾತ ಸ್ಥಳದಿಂದ 11 ಮೃತದೇಹಗಳನ್ನು ಹೊರ ತೆಗೆಯಲಾಗಿತ್ತು.
ವಾರದ ಹಿಂದಷ್ಟೇ ಯುದ್ಧ ವಿಮಾನ ಪತನವಾಗಿತ್ತು!
ಅಕ್ಟೋಬರ್ 12 ರಂದು ಗೋವಾ ಕಡಲ ತೀರದಲ್ಲಿ ಮಿಗ್ - 29ಕೆ ಯುದ್ಧ ವಿಮಾನವು ಪತನಗೊಂಡಿತ್ತು. ಎಂದಿನಂತೆ ಅಭ್ಯಾಸ ನಡೆಸುತ್ತಿದ್ದ ವೇಳೆ ತಾಂತ್ರಿಕ ದೋಷದಿಂದಾಗಿ ವಿಮಾನ ಪತನಗೊಂಡಿದೆ ಎಂದು ನೌಕಾ ಪಡೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿತ್ತು.
ಮಿಗ್ - 29ಕೆ ಯುದ್ಧ ವಿಮಾನ ಪತನಗೊಳ್ಳುವ ಮುನ್ನ ಅದರಲ್ಲಿದ್ದ ಪೈಲಟ್ ಸುರಕ್ಷಿತವಾಗಿ ಪ್ಯಾರಾಚೂಟ್ ನೆರವಿನೊಂದಿಗೆ ಹೊರಗೆ ಬಂದಿದ್ದರು. ಕೂಡಲೇ ಕಾರ್ಯಾಚರಣೆ ನಡೆಸಿ ಅವರನ್ನು ರಕ್ಷಣೆ ಮಾಡಲಾಗಿತ್ತು.
ಮಿಗ್ - 29 ಕೆ ಯುದ್ಧ ವಿಮಾನದಲ್ಲಿ ರಷ್ಯಾ ನಿರ್ಮಿತ ಕೆ - 36 ಡಿ - 3.5 ತುರ್ತು ನಿರ್ಗಮನ ಸೀಟ್ ಅಳವಡಿಕೆ ಮಾಡಲಾಗಿದೆ. ಈ ಆಸನವು ವಿಶ್ವಾದ್ಯಂತ ಬಳಕೆಯಲ್ಲಿದ್ದು, ಪೈಲಟ್‌ಗಳ ಜೀವ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಸೀಟ್ ಅನ್ನು ಅತ್ಯಂತ ಸುರಕ್ಷಿತ ಎಂದೇ ಭಾವಿಸಲಾಗಿದೆ. ಕಳೆದ ವಾರ ಕೂಡಾ ಇದೇ ಸೀಟು ಪೈಲಟ್‌ನ ಜೀವ ರಕ್ಷಿಸಿತ್ತು.
ಅರುಣಾಚಲ ಪ್ರದೇಶದ ಸಿಂಗಿಂಗ್ ಎಂಬ ಗ್ರಾಮದಲ್ಲಿ ಈ ಹೆಲಿಕಾಪ್ಟರ್ ಪತನಗೊಂಡಿದೆ ಎಂದು ತಿಳಿದು ಬಂದಿದೆ. ಈ ಪ್ರದೇಶವು ಸಿಯಾಂಗ್ ಜಿಲ್ಲೆಯ ಪಾಲಿಂಗ್ ವೃತ್ತದಲ್ಲಿ ಬರುತ್ತದೆ. ಜಿಲ್ಲಾ ಕೇಂದ್ರದಿಂದ 25 ಕಿ. ಮೀ. ದೂರದಲ್ಲಿ ಈ ಘಟನೆ ನಡೆದಿದೆ.
ಇದೇ ವರ್ಷ ಅಕ್ಟೋಬರ್ 5 ರಂದೂ ಕೂಡಾ ಈ ಭಾಗದಲ್ಲಿ ಚೀತಾ ಹೆಲಿಕಾಪ್ಟರ್ ಪತನಗೊಂಡಿದ್ದು, ಭಾರತೀಯ ಸೇನೆಗೆ ಸೇರಿದ ಈ ಹೆಲಿಕಾಪ್ಟರ್ ಪತನಗೊಂಡು ಇಬ್ಬರು ಪೈಲಟ್‌ಗಳ ಪೈಕಿ ಓರ್ವ ಮೃತಪಟ್ಟಿದ್ದರು. ತವಾಂಗ್‌ನಿಂದ ದೈನಂದಿತ ಅಭ್ಯಾಸಕ್ಕೆ ತೆರಳಿದ್ದ ವೇಳೆ ಈ ಹೆಲಿಕಾಪ್ಟರ್ ಪತನ ಆಗಿತ್ತು.
ತವಾಂತ್ ಜಿಲ್ಲೆಯಲ್ಲಿ ಬಾಪ್ ತೆಂಗ್ ಕಾಂಗ್ ಎಂಬ ಜಲಪಾತವಿದೆ. ಇಲ್ಲಿ ಚೀತಾ ಹೆಲಿಕಾಪ್ಟರ್ ಪತನಗೊಂಡಿತ್ತು. ಸುರ್ವಾ ಸಾಂಬಾ ಎಂಬ ಪ್ರದೇಶದಿಂದ ದೈನಂದಿನ ಅಭ್ಯಾಸ ಮುಗಿಸಿ ಪೈಲಟ್‌ಗಳು ವಾಪಸ್ ಆಗುವಾಗ ಹೆಲಿಕಾಪ್ಟರ್ ಪತನಗೊಂಡಿತ್ತು.
ಹೆಲಿಕಾಪ್ಟರ್ ಅಪಘಾತದಲ್ಲಿ ರಾವತ್ ನಿಧನರಾಗಿದ್ದರು
ಡಿಸೆಂಬರ್ 8, 2021ರಲ್ಲಿ ತಮಿಳುನಾಡಿನಲ್ಲಿ ಸೇನಾ ಹೆಲಿಕಾಪ್ಟರ್ ಪತನಗೊಂಡು ರಕ್ಷಣಾ ಪಡೆಗಳ ಮುಖ್ಯಸ್ಥರಾದ ಬಿಪಿನ್ ರಾವತ್ ನಿಧನರಾಗಿದ್ದರು. ಸೇನಾ ಸಿಬ್ಬಂದಿ ಹಾಗೂ ಕುಟುಂಬ ಸಮೇತರಾಗಿ ಪ್ರಯಾಣ ಮಾಡುತ್ತಿದ್ದ ವೇಳೆ ಈ ಅಪಘಾತ ಸಂಭವಿಸಿತ್ತು. ಅಪಘಾತ ಸ್ಥಳದಿಂದ 11 ಮೃತದೇಹಗಳನ್ನು ಹೊರ ತೆಗೆಯಲಾಗಿತ್ತು.
ವಾರದ ಹಿಂದಷ್ಟೇ ಯುದ್ಧ ವಿಮಾನ ಪತನವಾಗಿತ್ತು!
ಅಕ್ಟೋಬರ್ 12 ರಂದು ಗೋವಾ ಕಡಲ ತೀರದಲ್ಲಿ ಮಿಗ್ - 29ಕೆ ಯುದ್ಧ ವಿಮಾನವು ಪತನಗೊಂಡಿತ್ತು. ಎಂದಿನಂತೆ ಅಭ್ಯಾಸ ನಡೆಸುತ್ತಿದ್ದ ವೇಳೆ ತಾಂತ್ರಿಕ ದೋಷದಿಂದಾಗಿ ವಿಮಾನ ಪತನಗೊಂಡಿದೆ ಎಂದು ನೌಕಾ ಪಡೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿತ್ತು.
ಮಿಗ್ - 29ಕೆ ಯುದ್ಧ ವಿಮಾನ ಪತನಗೊಳ್ಳುವ ಮುನ್ನ ಅದರಲ್ಲಿದ್ದ ಪೈಲಟ್ ಸುರಕ್ಷಿತವಾಗಿ ಪ್ಯಾರಾಚೂಟ್ ನೆರವಿನೊಂದಿಗೆ ಹೊರಗೆ ಬಂದಿದ್ದರು. ಕೂಡಲೇ ಕಾರ್ಯಾಚರಣೆ ನಡೆಸಿ ಅವರನ್ನು ರಕ್ಷಣೆ ಮಾಡಲಾಗಿತ್ತು.
ಮಿಗ್ - 29 ಕೆ ಯುದ್ಧ ವಿಮಾನದಲ್ಲಿ ರಷ್ಯಾ ನಿರ್ಮಿತ ಕೆ - 36 ಡಿ - 3.5 ತುರ್ತು ನಿರ್ಗಮನ ಸೀಟ್ ಅಳವಡಿಕೆ ಮಾಡಲಾಗಿದೆ. ಈ ಆಸನವು ವಿಶ್ವಾದ್ಯಂತ ಬಳಕೆಯಲ್ಲಿದ್ದು, ಪೈಲಟ್‌ಗಳ ಜೀವ ರಕ್ಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಸೀಟ್ ಅನ್ನು ಅತ್ಯಂತ ಸುರಕ್ಷಿತ ಎಂದೇ ಭಾವಿಸಲಾಗಿದೆ. ಕಳೆದ ವಾರ ಕೂಡಾ ಇದೇ ಸೀಟು ಪೈಲಟ್‌ನ ಜೀವ ರಕ್ಷಿಸಿತ್ತು.