ಉಗ್ರರ ತಡೆಗೆ ಮಾರ್ಕೋಸ್ ಪಡೆ ನಿಯೋಜಿಸಿದ ಭಾರತೀಯ ಸೇನೆ

ಹೊಸದಿಲ್ಲಿ: ಭೂ ಮಾರ್ಗದ ಮೂಲಕ ಭಾರತೀಯ ಸೈನಿಕರ ಕಣ್ತಪ್ಪಿಸಿ ನುಸುಳುವುದು ಕಷ್ಟವೆಂದು ಅರಿತ ಭಯೋತ್ಪಾದಕರು ಜಲ ಮಾರ್ಗದ ಮೂಲಕವೇ ಗಡಿ ದಾಟುತ್ತಿದ್ದಾರೆ. ಇಂಥ ಭಯೋತ್ಪಾದಕರಿಗೆ ಪಾಠ ಕಲಿಸಲು ಮುಂದಾಗಿರುವ ಭಾರತೀಯ ಸೇನೆ, ಅವರನ್ನು ಮಟ್ಟ ಹಾಕಲು ವಿಶೇಷ ಸಾಮಾರ್ಥ್ಯವುಳ್ಳ ಮಾರ್ಕೋಸ್ ಪಡೆಯನ್ನು ನಿಯೋಜಿಸುತ್ತಿದೆ.

ಜಮ್ಮು ಕಾಶ್ಮೀರದಲ್ಲಿ ಉಗ್ರರ ಉಪಟಳ ಹೆಚ್ಚಾಗುತ್ತಿದ್ದು, ಝೆಲಮ್ ನದಿ ಮೂಲಕ ಭಾರತವನ್ನು ಪ್ರವೇಶಿಸುವುದು ಪತ್ತೆಯಾಗಿದೆ. ಅದಕ್ಕೆ ತಕ್ಕ ಉತ್ತರ ನೀಡಲು ನದಿ ಒಳಗೆ ಹೋಗಿ, ಶೋಧ ನಡೆಸುವಂಥ ಸಾಮರ್ಥ್ಯವುಳ್ಳ ವಿಶೇಷ ಸಾಮಾರ್ಥ್ಯವುಳ್ಳ ಮಾರ್ಕೋಸ್ ಪಡೆಯನ್ನು ಸೇನೆ ನಿಯೋಜಿಸಿದೆ.

ಝೇಲಮ್ ನದಿ ತಟದ ಎತ್ತರದ ಪ್ರದೇಶದಲ್ಲಿ ನೆಡುತೋಪುಗಳಿದ್ದು, ಅಲ್ಲಿಯೇ ಉಗ್ರರು ತಮ್ಮ ಶಸ್ತ್ರಾಸ್ತ್ರಗಳನ್ನು ಅಡಗಿಸಿ, ಅಲ್ಲಿಯೇ ಅಡಗಿ ಕೊಳ್ಳುತ್ತಾರೆ. ಈ ಪ್ರದೇಶದಲ್ಲಿ ಉಗ್ರ ಚಟುವಟಿಕೆಗಳನ್ನು ತಡೆಯಲು ಈ ಮಾರ್ಕೋಸ್ ಪಡೆ ನೆರವಾಗಲಿದ್ದು, ಉಗ್ರರನ್ನು ತಡೆಯುವಲ್ಲಿ ಮಾರ್ಕೋಸ್ ಈಗಾಗಲೇ ಯಶಸ್ವಿಯೂ ಆಗಿದೆ.

ನೌಕಾ ಪಡೆ 30 ಮಾರ್ಕೋಸ್ ತಂಡಗಳನ್ನು ನಿಯೋಜಿಸಿದ್ದು, ಕಳೆದ ವಾರ ಉಗ್ರರು ನಡೆಸಲು ಉದ್ದೇಶಿಸಿದ ಕಾರ್ಯಾಚರಣೆಯನ್ನು ಮೊಟಕುಗೊಳಿಸುವಲ್ಲಿಯೂ ಪಡೆ ಯಶಸ್ವಿಯಾಗಿದೆ. ಈ ನದಿ ಮಾರ್ಗವಾಗಿ ಉಗ್ರರು ನುಸುಳಿದರೆ, ಶ್ರೀನಗರ ತಲುಪಲು ಸುಮಾರು 100 ಕಿ.ಮೀ. ರಸ್ತೆ ದೂರವನ್ನು ಉಳಿಸಬಹುದಾಗಿದ್ದು, ಈ ಪ್ರದೇಶದಲ್ಲಿ ಭಯೋತ್ಪಾದಕ ಚಟುವಟೆಕೆಗಳನ್ನು ತಡೆಗಟ್ಟುವಲ್ಲಿ ಈ ಪಡೆ ಕಾರ್ಯನಿರ್ವಹಿಸಲಿದೆ. ಎಲ್ಲ ರೀತಿಯ ಶಸ್ತ್ರಾಸ್ತ್ರಗಳನ್ನು ಬಳಸಲು ತರಬೇತು ಪಡೆದಿರುವ ಈ ಮಾರ್ಕೋಸ್ ಪಡೆಗೆ ಕತ್ತಿ, ಅಡ್ಡಬಿಲ್ಲುಗಳು, ಕೈ ಬಂದೂಕು, ದಾಳಿ ಬಂದೂಕುಗಳು, ಲಘುಯಾಂತ್ರಿಕ ಕೋವಿಗಳನ್ನು ಬಳಸುವುದಲ್ಲದೇ ಬರೀಗೈಯಲ್ಲೂ ಹೋರಾಡುವ ಕಲೆಯೂ ಕರಗತ.

ಬಹು ಸಾಮಾರ್ಥ್ಯವುಳ್ಳ ಈ ಪಡೆ ನಿಯೋಜನೆಯಿಂದ ಉಗ್ರ ಕೃತ್ಯ ತೆಡೆಯಲು ಅನುಕೂಲವಾಗಲಿದೆ, ಎಂದು ಡೈಲಿ ಮೇಲ್ ವರದಿ ಮಾಡಿದೆ.

Marcos deployed to control terror activities

The Marcos are trained in every kind of weapon and instruments: from knives and crossbows to sniper rifles, handguns, assault rifles, submachine guns and bare hands, deployed at Jhelum river area to control terrot activities.