ಮೋದಿ ನರ್ವಸ್ ಆಗಿದ್ದಾರೆ: ಟ್ವೀಟರ್‌ನಲ್ಲಿ ಪ್ರಧಾನಿ ಕಾಲೆಳೆದ ಕೇಜ್ರಿ

ಹೊಸದಿಲ್ಲಿ: 'ಪಂಚ ರಾಜ್ಯ ಚುನಾವಣೆ ಪ್ರಚಾರದಲ್ಲಿ ಪ್ರಧಾನಿ 'ನರ್ವಸ್' ಆದಂತೆ ಕಾಣುತ್ತಿದ್ದಾರೆ,' ಎಂದು ದಿಲ್ಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಟ್ವೀಟರ್‌ನಲ್ಲಿ ನರೇಂದ್ರ ಮೋದಿ ಕಾಲೆಳೆದಿದ್ದಾರೆ.

Sir, u are looking nervous https://t.co/6F9aBzVmAn — Arvind Kejriwal (@ArvindKejriwal) 16 February 2017 ಉತ್ತರ ಪ್ರದೇಶದಲ್ಲಿ ಚುನಾವಣೆ ಸಭೆಯಲ್ಲಿ ಮೋದಿ ಗುರುವಾರ ಮಾತನಾಡಿದ್ದರು. ಈ ಭಾಷಣದ ತುಣುಕುಗಳ ವೀಡಿಯೋವನ್ನು ಮೋದಿ ಟ್ವೀಟ್ ಮಾಡಿದ್ದರು. ಇದರಲ್ಲೊಂದು ಟ್ವೀಟ್‌ಗೆ ಕೇಜ್ರಿವಾಲ್ ಪ್ರತಿಕ್ರಿಯೆ ನೀಡಿದ್ದು, ಪಂಚ ರಾಜ್ಯ ಚುನಾವಣೆಯ ಫಲಿತಾಂಶದ ಬಗ್ಗೆ ಮೋದಿ ಆತಂಕಿತರಾದಂತೆ ಕಾಣುತ್ತಿದ್ದಾರೆಂದು ಹೇಳಿದ್ದಾರೆ.

दलितों पर अत्याचार की घटना यूपी में ज्यादा है और उत्तरप्रदेश सरकार इसे लेकर बिल्कुल गंभीर नहीं है। इसकी सीधी ज़िम्मेदारी यूपी सरकार की है। pic.twitter.com/3OwmR8zwak — Narendra Modi (@narendramodi) 16 February 2017 ಪಂಜಾಬ್ ಹಾಗೂ ಗೋವಾ ರಾಜ್ಯದಲ್ಲಿ ಮಾತ್ರ ಕೇಜ್ರಿವಾಲ್ ನೇತೃತ್ವದ ಆಮ್ ಆದ್ಮಿ ಪಕ್ಷ ಸ್ಪರ್ಧಿಸಿದ್ದು, ಉತ್ತರಪ್ರದೇಶ, ಮಣಿಪುರ ಹಾಗೂ ಉತ್ತರಾಖಂಡ್‌ನಲ್ಲಿ ಸ್ಪರ್ಧಿಸಿಲ್ಲ.

ಈಗಾಗಲೇ ಐದು ರಾಜ್ಯಗಳ ಮತದಾನ ಪ್ರಕ್ರಿಯೆ ಆರಂಭಗೊಂಡಿದೆ. ಗೋವಾ, ಪಂಜಾಬ್ ಹಾಗೂ ಉತ್ತರಾಖಂಡ್‌ ಮತದಾನ ಮುಗಿದಿದ್ದು, ಉತ್ತರ ಪ್ರದೇಶದಲ್ಲಿ ಈಗಾಗಲೇ ಮೊದಲ ಹಂತದ ಮತದಾನ ಮುಗಿದಿದೆ. ಮಣಿಪುರದಲ್ಲಿನ್ನೂ ಚುನಾವಣೆ ನಡೆಯಬೇಕಿದೆ.