ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ಗೆ ಹರಿದು ಬಂದ ಹಣವೆಷ್ಟು? ಇಲ್ಲಿದೆ ಉತ್ತರ..!

ಅಯೋಧ್ಯೆ: ರಾಮಜನ್ಮಭೂಮಿ ಅಯೋಧ್ಯೆಯಲ್ಲಿ ಶ್ರೀರಾಮನ ಮಂದಿರಕ್ಕೆ ಭೂಮಿ ಪೂಜೆ ನೆರವೇರಿಸಲು ಕ್ಷಣಗಣನೆ ಆರಂಭವಾಗಿದೆ. ಇನ್ನೇನು ಕೆಲವೇ ಕ್ಷಣಗಳಲ್ಲಿ ಪ್ರಧಾನಿ ನರೇಂದ್ರ ಸೇರಿದಂತೆ ಅನೇಕ ಗಣ್ಯರು ಮಂದಿರದ ಶಿಲಾನ್ಯಾಸಕ್ಕೆ ಸಾಕ್ಷಿಯಾಗಲಿದ್ದಾರೆ.

ಮಂದಿರ ನಿರ್ಮಾಣದ ಮೂಲಕ ಭಾರತದಲ್ಲಿ ರಾಮ ರಾಜ್ಯ ಸ್ಥಾಪನೆ: ಬಾಬಾ ರಾಮ್‌ದೇವ್‌

ಜನರು ನೀಡಿರುವ ದೇಣಿಗೆಯಲ್ಲಿ ತಲೆಯೆತ್ತಲಿರುವ ಶ್ರೀರಾಮನ ಭವ್ಯ ಮಂದಿರದ ಸಹಜವಾಗೇ ದೇಶದ ಕೋಟ್ಯಂತರ ಮನಸ್ಸುಗಳಲ್ಲಿ ಕುತೂಹಲ ಇದ್ದೇ ಇದೆ. ಈ ಮಧ್ಯೆ ರಾಮನ ಸನ್ನಿಧಾನಕ್ಕೆ ಹರಿದು ಬಂದ ಹಣವೆಷ್ಟು? ರಾಮಮಂದಿರ ನಿರ್ಮಾಣಕ್ಕಾಗಿ ಜನರು ನೀಡಿರು ದೇಣಿಗೆಯ ಮೊತ್ತ ಎಷ್ಟು ಎನ್ನುವ ಪ್ರಶ್ನೆ ಬಹುತೇಕ ಜನರನ್ನು ಕಾಡಿಯೇ ಇರುತ್ತೆ. ಹೀಗಾಗಿ ಈ ಪ್ರಶ್ನೆಗೆ ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಖಜಾಂಚಿ ಸ್ವಾಮಿ ಗೋವಿಂದ ದೇವ ಗಿರಿ ಉತ್ತರ ನೀಡಿದ್ದಾರೆ.

LIVE ಅಪ್ಡೇಟ್ಸ್: ಅಯೋಧ್ಯೆ ರಾಮ ಮಂದಿರ ಭೂಮಿ ಪೂಜೆಗೆ ಕ್ಷಣಗಣನೆ

ಸ್ವಾಮಿ ಗೋವಿಂದ ದೇವ ಗಿರಿ ಹೇಳುವ ಪ್ರಕಾರ, ಅವರ ಅಂದಾಜಿನಲ್ಲಿ ಶ್ರೀರಾಮ ಜನ್ಮ ಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಆಗಸ್ಟ್ 4 ವೇಳೆಗೆ ಸುಮಾರು 30 ಕೋಟಿ ರೂಪಾಯಿ ಗಳಿಸಿದೆ. ಧಾರ್ಮಿಕ ನಾಯಕ ಮೊರಾರಿ ಬಾಪು ಭಾರತೀಯ ನಿವಾಸಿಗಳಿಂದ ಸಂಗ್ರಹಿಸಿರುವ ರೂ.11 ಕೋಟಿ ಹಣ ಆಗಸ್ಟ್ 5ರಂದು ಟ್ರಸ್ಟ್‌ಗೆ ಬಂದು ಸೇರಲಿದೆ ಎಂದು ತಿಳಿಸಿದ್ದಾರೆ. ಆರಂಭದಲ್ಲಿ ಕೇಂದ್ರ ಸರ್ಕಾರ ಸಾಂಕೇತಿಕವಾಗಿ ₹1 ರೂಪಾಯಿ ದೇಣಿಗೆ ನೀಡಿತ್ತು. ಮಹಾರಾಷ್ಟ್ರದ ಶಿವಸೇನೆ ಒಂದು ಕೋಟಿ ರೂಪಾಯಿ ದೇಣಿಗೆ ನೀಡಿದೆ.



ಹೀಗಿದೆ ಅಯೋಧ್ಯೆ ಭೂಮಿ ಪೂಜೆ ಭವ್ಯ ವೇದಿಕೆ: ಪ್ರಧಾನಿ ಮೋದಿ ಬರುವಿಕೆಗಾಗಿ ಕಾಯುತ್ತಿದೆ ದೇಶ!

ಮುಖ್ಯವಾಗಿ ಅನಿವಾಸಿ ಭಾರತೀಯರಿಂದಲೂ ಏಳು ಕೋಟಿ ರೂಪಾಯಿ ಸಂಗ್ರಹವಾಗಿದ್ದು, ಆದರೆ ಟ್ರಸ್ಟ್‌ ಅದನ್ನು ಇಲ್ಲಿಯವರೆಗೆ ಸಂಗ್ರಹಿಸಿಲ್ಲ. ವಿದೇಶಿ ದೇಣಿಗೆ ನಿಯಂತ್ರಣ ಕಾಯ್ದೆ ಪ್ರಮಾಣ ಪತ್ರ ಟ್ರಸ್ಟ್‌ಗೆ ಸಿಕ್ಕ ಬಳಿಕ ಆ ಏಳು ಕೋಟಿ ಹಣವನ್ನು ಸ್ವೀಕರಿಸಲಾಗುವುದು ಎಂದು ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಖಜಾಂಚಿ ಸ್ವಾಮಿ ಗೋವಿಂದ ದೇವ ಗಿರಿ ಹೇಳಿದ್ದಾರೆ.