#VocalForLocal:ಭಾರತೀಯ ತಳಿಯ ಶ್ವಾನಗಳಿಗೆ ಎನ್‌ಡಿಆರ್‌ಎಫ್‌ನಿಂದ ತರಬೇತಿ, ಲೋಕಲ್‌ ನಾಯಿಗಳ ಸಾಮರ್ಥ್ಯ ಇಲ್ಲಿದೆ!

ಗಾಜಿಯಾಬಾದ್‌: ಪ್ರಧಾನಿ ಮೋದಿಯ ವೋಕಲ್‌ ಫಾರ್‌ ಲೋಕಲ್‌ ಕರೆಗೆ ಇದೀಗ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ ಕೂಡ ಕೈ ಜೋಡಿಸಿದೆ. ಕಾರ್ಯಾಚರಣೆ ಹಿನ್ನೆಲೆ ಶ್ವಾನದಳ ಭಾಗವಾಗಿ ಎನ್‌ಡಿಆರ್‌ಎಫ್‌ ಭಾರತೀಯ ತಳಿಯ ಶ್ವಾನಗಳನ್ನು ಬಳಸಲು ಮುಂದಾಗಿದೆ. ಹೌದು ಇದಕ್ಕಾಗಿ ನಾಯಿಗಳಿಗೆ ತಬೇತಿಯನ್ನು ನೀಡಲಾಗುತ್ತಿದೆ.


ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಎನ್‌ಡಿಆರ್‌ಎಫ್‌ನ 8 ನೇ ಬೆಟಾಲಿಯನ್‌ನ ಕಮಾಂಡೆಂಟ್ ಪಿ.ಕೆ. ತಿವಾರಿ, "ದೇಶಿ ಶ್ವಾನಗಳ ಸಾಮರ್ಥ್ಯ ಮತ್ತು ಪತ್ತೆ ಸಾಮರ್ಥ್ಯವು ಯಾವುದೇ ವಿದೇಶಿ ತಳಿಗಳಿಗಿಂತ ಕಡಿಮೆಯಿಲ್ಲ. ಅವುಗಳನ್ನು ನಿರ್ವಹಿಸಲು ಸ್ವಲ್ಪ ತಾಳ್ಮೆ ಬೇಕು ಅಷ್ಟೆ" ಎಂದು ತಿಳಿಸಿದ್ದಾರೆ. ವೋಕಲ್‌ ಫಾರ್‌ ಲೋಕಲ್‌ ಎನ್ನುವ ನೂತನ ಯೋಜನೆಗೆ ಪ್ರಧಾನಿ ಮೋದಿ ಕರೆ ನೀಡಿದ್ದರು.


ಇದೊಂದು ಉತ್ತಮ ಆಂದೋಲನವಾಗಿದೆ. ಹೀಗಾಗಿ ನಾವು ಭಾರತೀಯ ತಳಿ ನಾಯಿಗಳಿಗೆ ತರಬೇತಿ ನೀಡಲು ಪ್ರಾರಂಭಿಸಿದೆವು. ಆರಂಭದಲ್ಲಿ ನಾವು ಸಾಕಷ್ಟು ತೊಂದರೆಗಳನ್ನು ಎದುರಿಸುತ್ತಿದ್ದೆವು, ಕೆಲವು ನಾಯಿಗಳು ಸಹ ಓಡಿಹೋಗಿದ್ದವು. ಈ ಪೈಕಿ ಇದೀಗ ನಾವು ಕೆಲವು ಶ್ವಾನಗಳಿಗೆ ತರಬೇತಿ ನೀಡಿದ್ದೇವೆ ಎಂದು ತಿವಾರಿ ಮಾಹಿತಿ ನೀಡಿದ್ದಾರೆ.

ಪಾಕ್ ಸಂಸತ್‌ನಲ್ಲಿ ವಿರೋಧ ಪಕ್ಷದ ಸಂಸದರಿಂದ ಮೋದಿ - ಮೋದಿ ಘೋಷಣೆ..?!

ವಿದೇಶಿ ತಳಿಗಳ ಶ್ವಾನಕ್ಕೆ ಎನ್‌ಡಿಆರ್‌ನಿಂದ ಭಾರೀ ಖರ್ಚು ಮಾಡಲಾಗುತ್ತದೆ. ದೇಶಿಯ ತಳಿಗಳ ಶ್ವಾನಗಳಿಂದ ಯಶಸ್ಸು ಆದರೆ ಮುಂದಿನ ದಿನಗಳಲ್ಲಿ ಭಾರತೀಯ ತಳಿಗಳಿಗೆ ಬೇಡಿಕೆ ಹೆಚ್ಚಲಿದೆ. ನಾಯಿಗಳನ್ನು ಕಟ್ಟಡ ಕುಸಿತದ ವೇಳೆ ಅವಶೇಷಗಳಡಿ ಸಿಲುಕಿರುವವರನ್ನು ಪತ್ತೆ ಹಚ್ಚಲು ಸೇರಿ ಇನ್ನಿತರ ಕಾರ್ಯಾಚರಣೆಗೆ ಬಳಸಲಾಗುತ್ತದೆ.