ಅಯೋಧ್ಯೆ ಸಮಸ್ಯೆ ಬಗೆಹರಿಸಿ ಎಂದ ರವಿ ಶಂಕರ ಗುರೂಜಿಯನ್ನು ಗೇಲಿ ಮಾಡಿದ ಓವೈಸಿ

ಹೊಸದಿಲ್ಲಿ: ಅಯೋಧ್ಯ ಗಲಾಟೆ ವಿಚಾರದಲ್ಲಿ ಮಧ್ಯವರ್ತಿಯಾಗುವಂತೆ ಶ್ರೀ ರವಿ ಶಂಕರ್‌ ಅವರು ಎಐಎಂಐಎಂ ಮುಖ್ಯಸ್ಥ ಅಸಾದುದ್ದೀನ್ ಓವೈಸಿ ಕೇಳಿಕೊಂಡಿದ್ದ ಮನವಿಯನ್ನು ಓವೈಸಿ ತಿರಸ್ಕರಿಸಿದ್ದು, ಅಧ್ಯಾತ್ಮಿಕ ನಾಯಕರು ಈ ವಿಚಾರದಲ್ಲಿ ತಲೆಯಿಡುವ ಅಗತ್ಯವಿಲ್ಲ ಎಂದಿದ್ದಾರೆ.

'ಮೊಘಲ್‌ ಪದವನ್ನು ಸರಿಯಾಗಿ ಉಚ್ಛರಿಸಲು ಬಾರದ ವ್ಯಕ್ತಿಗಳು ಇಂದು ಮೊಘಲರ ಆಪ್ತರಂತೆ ವರ್ತಿಸಲು ಯತ್ನಿಸುತ್ತಿದ್ದಾರೆ. ನಾವು ಯಾವುದೇ ಕಾರಣಕ್ಕೂ ರವಿಶಂಕರ್‌ ಅವರ ಮನವಿಯನ್ನು ಒಪ್ಪಿಕೊಳ್ಳುವುದಿಲ್ಲ, ಇಂತಹ ಪೊಳ್ಳು ಭರವಸೆಗಳನ್ನು ಇವರು ನೀಡಬಾರದು' ಎಂದು ಓವೈಸಿ ಹೇಳಿದ್ದಾರೆ.

ಇದೇ ವೇಳೆ ಕಳೆದ ವರ್ಷ ರವಿಶಂಕರ್‌ ಗುರೂಜಿಗೆ ರಾಷ್ಟ್ರಿಯ ಹಿಸಿರು ಪೀಠ ವಿಧಿಸಿದ್ದ ಐದು ಕೋಟಿ ದಂಢವನ್ನು ಮೊದಲು ಕಟ್ಟು ವಂತೆ ಹೇಳಿರುವ ಓವೈಸಿ, ಅಯೋಧ್ಯ ವಿಚಾರದಲ್ಲಿ ಶ್ರೀ ಶ್ರೀಯವರ ಮನವಿಗೆ ಯಾವುದೇ ನೋಬೆಲ್‌ ಪ್ರಶಸ್ತಿ ನೀಡುವುದಿಲ್ಲ ಎಂದಿದ್ದಾರೆ.