ಅಸ್ಸಾಂನಲ್ಲಿ ಕೊರೊನಾ ಸೋಂಕಿತರಿಗೆ ಉಚಿತ ಔಷಧ, ಪಲ್ಸ್ ‌ಆಕ್ಸಿ ಮೀಟರ್‌, ಪೂರೈಕೆ!

ಗುವಾಹಟಿ: ಮನೆಯಲ್ಲಿಯೇ ಪ್ರತ್ಯೇಕವಾಗಿ ಉಳಿದು ಚಿಕಿತ್ಸೆ ಪಡೆಯುವ ಕೋವಿಡ್‌-19 ಸೋಂಕಿತರಿಗೆ ಅಸ್ಸಾಂ ಸರಕಾರ ಉಚಿತ ಔಷಧ ಹಾಗೂ ಪಲ್ಸ್‌ ಆಕ್ಸಿಮೀಟರ್‌ಗಳನ್ನು ಒದಗಿಸಲು ನಿರ್ಧರಿಸಿದೆ. ಭಾನುವಾರ ಸುದ್ದಿಗಾರರಿಗೆ ಈ ವಿಷಯ ತಿಳಿಸಿದ ಅಸ್ಸಾಂ ಆರೋಗ್ಯ ಸಚಿವ ಹಿಮಂತ ಬಿಸ್ವಾಸ್‌ ಶರ್ಮಾ, ''ಗುವಾಹಟಿ ನಗರದಲ್ಲಿ ಇರುವ ಸೋಂಕಿತರಿಗೆ ಟೆಲಿ ಮೆಡಿಸಿನ್‌ ಸೇವೆ ಕೂಡ ಒದಗಿಸಲಾಗುವುದು. ಈ ಸೇವೆಯನ್ನು ನಿಧಾನವಾಗಿ ಇತರೆ ನಗರಗಳಿಗೂ ವಿಸ್ತರಿಸಲು ನಿರ್ಧರಿಸಲಾಗಿದೆ,'' ಎಂದು ಹೇಳಿದ್ದಾರೆ.

ಮನೆಯಲ್ಲಿಯೇ ಪ್ರತ್ಯೇಕವಾಗಿ ಉಳಿದು ಚಿಕಿತ್ಸೆ ಪಡೆಯಲು ಇಚ್ಛಿಸುವ ಸೋಂಕಿತರಿಗೆ ಅಗತ್ಯವಾದ ಎಲ್ಲಾ ವೈದ್ಯಕೀಯ ನೆರವನ್ನು ಉಚಿತವಾಗಿ ಒದಗಿಸುವ ಯೋಜನೆಯನ್ನು ದಿಲ್ಲಿ ಸರಕಾರ ಮೊದಲ ಬಾರಿ ಜಾರಿಗೊಳಿಸಿ ಯಶಸ್ಸು ಕಂಡಿತ್ತು. ಇದರ ಬೆನ್ನಿಗೆ ಈಗ ಅಸ್ಸಾಂ ಸರಕಾರ ಈ ಪ್ರಯೋಗಕ್ಕೆ ಕೈಹಾಕಿದೆ. ತೀವ್ರ ಸೋಂಕಿನಿಂದ ಬಳಲುವ ರೋಗಿಗಳಿಗೆ ಪ್ಲಾಸ್ಮಾ ಥೆರಪಿ ನೀಡುವ ಪ್ರಯೋಗಕ್ಕೂ ಅಸ್ಸಾಂ ಸರಕಾರ ಮುಂದಾಗಿದೆ. ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 57,000 ದಾಟಿದೆ.

ಚೀನಾ ಗಡಿಯಲ್ಲಿ ಚಿನೂಕ್‌ ಶಕ್ತಿ ಪ್ರದರ್ಶನ..! ಮಾತು ತಪ್ಪಿದ್ದ ಡ್ರ್ಯಾಗನ್‌ಗೆ ಭಾರತ ಖಡಕ್‌ ಎಚ್ಚರಿಕೆ