ಭೂಮಿ ಪೂಜೆಯ ಈ 32 ಸೆಕೆಂಡ್‌ಗಳ ಶುಭ ಘಳಿಗೆ ಬಗ್ಗೆ ನಿಮಗೆಷ್ಟು ಗೊತ್ತು?‌

ಅಯೋಧ್ಯೆ: ವಿಘ್ನ ನಿವಾರಣೆಗೆ ಹೆಸರಾದ 'ಅಭಿಜಿನ್‌' ಮುಹೂರ್ತದಲ್ಲಿ ಭೂಮಿ ಪೂಜೆ ನಡೆಯಲಿದೆ. ಆದರೆ ಈ ಶುಭ ಮುಹೂರ್ತವು ಕೇವಲ 32 ಸೆಕೆಂಡ್‌ ಕಾಲ ಮಾತ್ರ ಇರಲಿದ್ದು, ಅಷ್ಟರಲ್ಲಿ ಶಿಲಾನ್ಯಾಸ ನೆರವೇರ ಬೇಕಿದೆ. ಭೂಮಿ ಪೂಜೆ ನೆರವೇರಿಲಿದೆ ಎಂದು ಕಾರ್ಯಕ್ರಮದ ಉಸ್ತುವಾರಿ ನೋಡಿಕೊಳ್ಳಲಿರುವ ಅರ್ಚಕರು ಹೇಳಿದ್ದಾರೆ.

ಸರಿಯಾಗಿ 11.40ರ ಬಳಿ ಇರುವ 32 ಸೆಕೆಂಡ್‌ಗಳ ಈ ಸಮಯ ಅತ್ಯಂತ ಪ್ರಮುಖವಾಗಿದೆ. ಅತೀ ಶುದ್ದ ಹಾಗೂ ಶುಭ ಮುಹೂರ್ತವಾಗಿದೆ. ಎಲ್ಲಾ ಶುಭ ಮುಹೂರ್ತಗಳಲ್ಲಿ ಹದಿನಾದರು ಭಾಗ ಇರುತ್ತೆ. ಈ ಹದಿನಾರು ಭಾಗಗಳಲ್ಲಿ ಹದಿನೈದು ಭಾಗ ಅತ್ಯಂತ ಶುದ್ದ ಹಾಗೂ ಶುಭವಾಗಿದೆ.

ಇದೀಗ ಇಂತಹ ಶುಭ ಮಹೂರ್ತದಲ್ಲಿ ರಾಮ ಮಂದಿರ ನಿರ್ಮಾಣದ ಭೂಮಿ ಪೂಜೆ ನಡೆಯುತ್ತಿದೆ. ಮಂದಿರ ನಿರ್ಮಾಣಕ್ಕೆ ಯಾವುದೇ ರೀತಿಯ ವಿಘ್ನ ಒದಗಬಾರದು ಎನ್ನುವುದು ಕೂಡ ಈ ಮುಹೂರ್ತದ ಪ್ರಮುಖ ಉದ್ದೇಶವಾಗಿದೆ. ಇದಕ್ಕಾಗಿ ಮುಹೂರ್ತಕ್ಕೂ ಮುನ್ನ ಪೂಜೆ ಕೂಡ ನಡೆಯುತ್ತಿದೆ.