ಕಾನೂನಿನ ಬಲೆಗೆ ಸಿಲುಕಿದ್ದ ಸ್ವ ಘೋಷಿತ ದೇವಮಾನವರು...!

ಹೊಸದಿಲ್ಲಿ: ಡೇರಾ ಸಚ್ಚಾ ಸೌಧ ಮುಖ್ಯಸ್ಥ ರಾಮ್‌ ರಹೀಂ ಈಗ ಅತ್ಯಾಚಾರ ಪ್ರಕರಣದಲ್ಲಿ ದೋಷಿಯಾಗಿದ್ದಾನೆ. ಹಲವಾರು ಸ್ವ ಘೋಷಿತ ದೇವಮಾನವರು ಈಗಾಗಲೇ ಕಾನೂನಿನ ಬಲೆಯಲ್ಲಿ ಸಿಕ್ಕಿಬಿದ್ದಿದ್ದಾರೆ. ಅಂಥವರ ವಿವರ ಇಲ್ಲಿದೆ.

ರಾಮ್‌ಪಾಲ್‌
ಹಾಲಿ ಸ್ಥಿತಿ: ಜೈಲು ಶಿಕ್ಷೆ, ವಿಚಾರಣೆ ನಡೆಯುತ್ತಿದೆ
ಆರೋಪ: ಕೊಲೆ ಹಾಗೂ ದೇಶದ್ರೋಹ
ವಾಸಸ್ಥಾನ: ಹರಿಯಾಣ
ಸಂಸ್ಥಾಪಕ: ಸತ್ಲೋಕ ಆಶ್ರಮ
* ಹರಿಯಾಣದ ಹಿಸ್ಸಾರನಲ್ಲಿರುವ ಆಶ್ರಮದಲ್ಲಿ ಐವರು ಮಹಿಳೆಯರು ಹಾಗೂ ಹದಿನೆಂಟು ತಿಂಗಳ ಮಗುವಿನ ಮೃತದೇಹ ಪತ್ತೆಯಾಗಿತ್ತು.
* ಐಟಿಐ ತರಬೇತಿ ಪಡೆದು ಹರಿಯಾಣ ರಾಜ್ಯ ನೀರಾವರಿ ಇಲಾಖೆಯಲ್ಲಿ ರಾಮ್‌ ಪಾಲ್‌ ಎಂಜಿನಿಯರ್‌ ಆಗಿದ್ದ. ನಂತರ ಸ್ವ ಘೋಷಿತ ದೇವಮಾನವನಾಗಿ ಆಶ್ರಮ ಸ್ಥಾಪಿಸಿದ್ದ.
* ಕೊಲೆ ಪ್ರಕರಣ ಸಂಬಂಧ 2010 ರಿಂದ 2014ರವರೆಗೆ
42 ಬಾರಿ ಸಮನ್ಸ್‌ ನೀಡಿದ್ದರೂ ಅದನ್ನು ತಿರಸ್ಕರಿಸಿ ನ್ಯಾಯಾಲಯಕ್ಕೆ ಹಾಜರಿರಲಿಲ್ಲ.
* 2014ರಲ್ಲಿ ರಾಮ್‌ಪಾಲ್‌ ಬಂಧಿಸಲು ಪೊಲೀಸರು ಆಶ್ರಮಕ್ಕೆ ಆಗಮಿಸಿದಾಗ ಬೆಂಬಲಿಗರು, ಭಕ್ತರು ಭಾರಿ ಹಿಂಸಾಚಾರ ನಡೆಸಿದ್ದರು.

------

ರಾಮ್‌ ವೃಕೇಶ್‌ ಯಾದವ್‌
ಮರಣ: 2016
ವಾಸಸ್ಥಾನ: ಉತ್ತರ ಪ್ರದೇಶ
ಆರೋಪ: ಒತ್ತುವರಿ, ಕೊಲೆ, ದೊಂಬಿ
ಸಂಸ್ಥಾಪಕ: ಸ್ವಾಧೀನ ಭಾರತ್‌ ಸುಭಾಷ್‌ ಸೇನಾ, ಮಥುರಾ ಜೈ ಗುರುದೇವ ಭಕ್ತ
* 2016ರಲ್ಲಿ ಮಥುರಾದ ಜವಾಹರ್‌ ಭಾಗ್‌ನಲ್ಲಿ ಪ್ರತಿಭಟನೆ ನಡೆಸಿದ್ದ ಬಾಬಾ ಯಾದವ್‌ ಹಾಗೂ ಆತನ ಎರಡು ಸಾವಿರ ಬೆಂಬಲಿಗರು ಹಿಂಸಾಚಾರ ನಡೆಸಿದರು. ಪೊಲೀಸರ ಕಾರ್ಯಾಚರಣೆಯಲ್ಲಿ ಯಾದವ್‌ ಸೇರಿದಂತೆ 24 ಮಂದಿ ಮೃತಪಟಿದ್ದರು.
* ಬಾಬಾ ಯಾದವ್‌ ಹೆಸರಿನಲ್ಲಿದ್ದ 12 ಸಾವಿರ ಕೋಟಿ ರೂ. ಆಸ್ತಿಗಾಗಿ ಬೆಂಬಲಿಗರಲ್ಲಿ ವಿವಾದ ಉಂಟಾಯಿತು.

----------

ನಿತ್ಯಾನಂದ
ಹಾಲಿಸ್ಥಿತಿ: ಅತ್ಯಾಚಾರ ಪ್ರಕರಣ: ಜಾಮೀನು ಮಂಜೂರು
ಸಂಸ್ಥಾಪಕ: ಧ್ಯಾನಪೀಠ, ಬೆಂಗಳೂರು
ಆರೋಪ: ಅತ್ಯಾಚಾರ, ಅಸ್ವಾಭಾವಿಕ ಲೈಂಗಿಕ ಕ್ರಿಯೆ
* 2010ರಲ್ಲಿ ವಿಡಿಯೋ ಬಿಡುಗಡೆಯಾಗಿದ್ದು, ಅದರಲ್ಲಿ ತಮಿಳು ಚಿತ್ರನಟಿ ಜತೆ ನಿತ್ಯಾನಂದ 'ಆನಂದ'ದಲ್ಲಿ ತೇಲಿ ಹೋಗಿದ್ದ ದೃಶ್ಯಗಳು ಪ್ರಸಾರವಾಗಿದ್ದವು.
* ನನ್ನ ಮೇಲೆ ಅತ್ಯಾಚಾರ ಎಸಗಿದ್ದಾರೆ ಎಂದು ಭಕ್ತೆಯೊಬ್ಬರು ಆರೋಪಿಸಿದ್ದು, ಈ ಕುರಿತು ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿದೆ.
ನಿತ್ಯಾನಂದ ವಿರುದ್ಧ ಅತ್ಯಾಚಾರ ಹಾಗೂ ಅಸ್ವಾಭಾವಿಕ ಲೈಂಗಿಕ ಕ್ರಿಯೆ ನಡೆಸಿದ ಆರೋಪ ಇದೆ.

-------------

ಇಚ್ಛಾಧಾರಿ ಭೀಮಾನಂದ
ಶ್ರೀ ಮೂರತ್‌ ದ್ವೀವೇದಿ 1988ರಲ್ಲಿ ಹೋಟೆಲ್‌ವೊಂದರಲ್ಲಿ ಭದ್ರತಾ ಸಿಬ್ಬಂದಿಯಾಗಿದ್ದ. ನಂತರ ಸ್ವ ಘೋಷಿತ ದೇವಮಾನವನಾಗಿ ಭೀಮಾನಂದನಾದ..
* ಸೆಕ್ಸ್‌ ದಂಧೆ ನಡೆಸುತ್ತಿದ್ದ ಆರೋಪ ಈತನ ಮೇಲಿದೆ.
* 2010ರಲ್ಲಿ ಈತನನ್ನ ಬಂಧಿಸಲಾಗಿದೆ.
ಇವರಲ್ಲದೇ ಮೃತ ದೇವಮಾನವರು ಕಾನೂನಿನ ಕಟಕಟೆಯಲ್ಲಿ ಸಿಲುಕಿದ್ದರು.

-----------

ಅಸಾರಾಮ್‌ ಬಾಪು
ಆರೋಪ: ಚಿಣ್ಣರ ಮೇಲೆ ಲೈಂಗಿಕ ದೌರ್ಜನ್ಯ
ಹಾಲಿ: ಜೈಲು ವಾಸ
* ಮೊದಲು ಸೈಕಲ್‌ ಮೆಕ್ಯಾನಿಕ್‌ ಆಗಿದ್ದ ಅಸಾರಾಮ್‌ ಬಾಪು ನಂತರ ಸ್ವ ಘೋಷಿತ ದೇವಮಾನವನಾದ.
* 2013ರಲ್ಲಿ 16 ವರ್ಷದವರ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ ಆರೋಪದ ಮೇಲೆ ಬಂಧಿಸಲಾಗಿತ್ತು.
* ಅಸಾರಾಮ್‌ ಬಾಪು ಪುತ್ರ ನಾರಾಯಣ ಸಾಯಿಯನ್ನು ಅತ್ಯಾಚಾರ ಹಾಗೂ ಲೈಂಗಿಕ ದೌರ್ಜನ್ಯ ಆರೋಪದ ಮೇಲೆ ಬಂಧಿಸಲಾಗಿದೆ.

---------

ಚಂದ್ರಸ್ವಾಮಿ
ಮೂಲ ಹೆಸರು: ನೇಮಿ ಚಂದ್ರ ಜೈನ್‌
ಮರಣ: 2017
ಸ್ವಘೋಷಿತ ದೇವಮಾನವ ಚಂದ್ರಸ್ವಾಮಿ ಪ್ರಮುಖ ರಾಜಕೀಯ ನಾಯಕರ ನಂಟು ಹೊಂದಿದ್ದ. ಮಾಜಿ ಪ್ರಧಾನಿ ಪಿ.ವಿ. ನರಸಿಂಹರಾವ್‌ ಆತ್ಮೀಯರಾಗಿದ್ದ ಚಂದ್ರಸ್ವಾಮಿ ವಿರುದ್ಧ ವಿದೇಶಿ ವಿನಿಮಯ ಉಲ್ಲಂಘನೆ ಸೇರಿದಂತೆ ಹಲವಾರು ಕ್ರಿಮಿನಲ್‌ ಪ್ರಕರಣಗಳು ದಾಖಲಾಗಿದ್ದವು.
* ರಾಜೀವ್‌ ಗಾಂಧಿ ಹತ್ಯೆ ಪ್ರಕರಣದಲ್ಲಿಯೂ ಚಂದ್ರಸ್ವಾಮಿ ವಿಚಾರಣೆ ನಡೆಸಲಾಗಿತ್ತು.
* 2017ರಲ್ಲಿ ಚಂದ್ರಸ್ವಾಮಿ ನಿಧನ.

------------

ಅಶುತೋಷ್‌ ಮಹಾರಾಜ್‌
ಮರಣ: ಜನವರಿ 2014
ಮೂಲಸ್ಥಾನ: ಪಂಜಾಬ್‌
ಸಂಸ್ಥಾಪಕ: ದಿವ್ಯಜ್ಯೋತಿ ಜಾಗೃತಿ ಸಂಸ್ಥಾನ
* ಉತ್ತರಾಧಿಕಾರಿ ಯಾರಾಗಬೇಕೆಂಬ ವಿವಾದ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು.
* ಬೆಂಬಲಿಗರು ಅಶುತೋಷ್‌ ಮಹಾರಾಜ್‌ ಪಾರ್ಥಿವ ಶರೀರವನ್ನು ಆಶ್ರಮದಲ್ಲಿಯೇ ಇಟ್ಟಿದ್ದರು. ಪಂಜಾಬ್‌ ಹರಿಯಾಣ ಹೈಕೋರ್ಟ್‌ ಆದೇಶ ನೀಡಿ ಗಾಜಿನ ಪೆಟ್ಟಿಗೆಯಲ್ಲಿ ಮೃತ ದೇಹ ಇಡಲು ಸೂಚಿಸಿತ್ತು.

---------

ಬಾಲಕ್‌ ಬ್ರಹ್ಮಚಾರಿ
ಮರಣ: 1993
ಮೂಲಸ್ಥಾನ: ಹೂಗ್ಲಿ, ಪಶ್ಚಿಮ ಬಂಗಾಳ
ಸಂಸ್ಥಾಪಕ: ಸಂತಾನ್‌ ದಾಲ್‌
ಹಲವಾರು ಕ್ರಿಮಿನಲ್‌ ಪ್ರಕರಣಗಳಲ್ಲಿ ಈತನ ಹೆಸರಿತ್ತು. ಈತನ ನಿಧನ ನಂತರ ಬೆಂಬಲಿಗರು 55 ದಿನಗಳ ಕಾಲ ಮೃತ ದೇಹವನ್ನು ಆಶ್ರಮದಲ್ಲಿಯೇ ಇಟ್ಟಿದ್ದರು.
* ಪೊಲೀಸರು ಆಶ್ರಮದೊಳಗೆ ನುಗ್ಗಿ ಮೃತದೇಹದ ಅವಶೇಷಗಳನ್ನು ಹೊರತಂದರು. ಈ ಸಂದರ್ಭದಲ್ಲಿ ಪೊಲೀಸರಿಗೆ ಭಾರಿ ಪ್ರಮಾಣ ಶಸ್ತ್ರಾಸ್ತ್ರ, ಬಾಂಬ್‌ಗಳು ಸಿಕ್ಕಿದ್ದವು.

-----------

ಆನಂದಮೂರ್ತಿ
ಸಂಸ್ಥಾಪಕ: ಆನಂದ ಮಾರ್ಗ
ಮರಣ: 1993
* ಕೊಲೆ ಪ್ರಕರಣದಲ್ಲಿ ಭಾಗಿಯಾಗಿದ್ದ ಪ್ರಭಾತ್‌ ರಂಜನ್‌ ಸರ್ಕಾರ್‌ ಎಂಬ ಮಾಜಿ ಪತ್ರಕರ್ತ ನಂತರ ಆನಂದ ಮಾರ್ಗ ಸ್ಥಾಪಿಸಿದ.
* ಸುಮಾರು 80ಕ್ಕೂ ಹೆಚ್ಚು ದೇಶಗಳಲ್ಲಿ 40 ಲಕ್ಷಕ್ಕೂ ಹೆಚ್ಚು ಅನುಯಾಯಿಗಳಿದ್ದರು.
ಪುರುಲಿಯಾ ಶಸ್ತ್ರಾಸ್ತ್ರ ಪೂರೈಕೆ ಪ್ರಕರಣದಲ್ಲಿ ಆನಂದ ಮಾರ್ಗದ ಹೆಸರು ಕೇಳಿಬಂದಿತ್ತು.

Babas behind bars: Godmen who fell foul of the law