ಮುಂಬಯಿ, ಬೆಂಗಳೂರು ವಿಶ್ವದ ಅಗ್ಗದ ನಗರ

ಲಂಡನ್: ಬೆಂಗಳೂರು ಅತ್ಯಂತ ದುಬಾರಿ ಎಂದೇ ಹೆಸರಾಗಿದೆ. ಆದರೆ ಜಗತ್ತಿನಲ್ಲಿಯೇ ಮುಂಬಯಿ ಮತ್ತು ಬೆಂಗಳೂರು ಅತ್ಯಂತ ಅಗ್ಗದ ನಗರವಂತೆ. ಲಂಡನ್ ಮೂಲದ ಮುನ್ಸೂಚನೆಯ ಗುಂಪು ಈ ಅಂಶವನ್ನು ಬಹಿರಂಗ ಪಡಿಸಿದ್ದು, ಸಿಂಗಾಪುರವು ವಿಶ್ವದ ದುಬಾರಿ ನಗರ ಎಂದು ತಿಳಿಸಿದೆ.

ಎಕನಾಮಿಸ್ಟ್ ಇಂಟೆಲಿಜೆನ್ಸ್ ಯೂನಿಟ್ ಗುಂಪು ವಿಶ್ವದ ನಗರಗಳ ಬಗ್ಗೆ 17 ವರ್ಷಗಳ ಸಮೀಕ್ಷೆ ನಡೆಸಿದ್ದು ಸಿಂಗಾಪುರ, ಜ್ಯೂರಿಕ್, ಹಾಂಗ್ ಕಾಂಗ್, ಜಿನೇವಾ ಮತ್ತು ಪ್ಯಾರಿಸ್‌ಗಳು ದುಬಾರಿ ನಗರಗಳ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದೆ. ಭಾರತ ಮತ್ತು ಪಾಕಿಸ್ತಾನವು ಜಗತ್ತಿನ ಅಗ್ಗದ ನಗರದಲ್ಲಿ ಕನಿಷ್ಠ 5 ಸ್ಥಾನವನ್ನಾದರೂ ಪಡೆಯುತ್ತದೆ.

ವಿಶ್ವದ 133 ನಗರಗಳಿಗೆ ಹೋಲಿಸಿದರೆ ಸರಕುಗಳ ಬುಟ್ಟಿಯಲ್ಲಿ ಲಂಡನ್ 6ನೇ ಸ್ಥಾನವನ್ನು ಪಡೆದರೆ, ನ್ಯೂಯಾರ್ಕ್ 7 ನೇ ಸ್ಥಾನದಲ್ಲಿದೆ ಎಂದು ಬಿಬಿಸಿ ವರದಿ ಮಾಡಿದೆ.

ಅಗ್ಗದ ನಗರವೆಂದರೆ ಜಂಬಿಯಾದ ರಾಜಧಾನಿಯಾದ ಲುಸಾಕಾ, ಬೆಂಗಳೂರು, ಮುಂಬಯಿ ನಗರಗಳ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ. ವರ್ಷದ ಹಿಂದೆ ಸಿಂಗಾಪುರದಲ್ಲಿನ ಜೀವನವೆಚ್ಚವು ನ್ಯೂಯಾರ್ಕ್ ಗೆ ಹೋಲಿಸಿದರೆ ಶೇಕಡಾ 10ರಷ್ಟು ಕಡಿಮೆ ಇತ್ತು.

ನಗರಗಳು ಡಾಲರ್ ಮತ್ತು ಕರೆನ್ಸಿಯ ಅಪಮೌಲ್ವೀಕರಣವನ್ನು ನಿಭಾಯಿಸಿ ತೈಲ ಬೆಲೆ ಮತ್ತು ಸರಕು ಬೆಲೆಗಳಲ್ಲಿ ರಾಜಕೀಯ ಅನಿಶ್ಚಿತತೆಯಿಂದ ಹಿಡಿದು ಆರ್ಥಿಕ ಅಂಶಗಳ ಶ್ರೇಯಾಂಕಗಳಲ್ಲಿ ಗಣನೀಯ ಸಾಧನೆ ಮಾಡಿಲ್ಲ ಎಂದು ಸಂಶೋಧಕರು ತಿಳಿಸಿದ್ದಾರೆ.