ಬಾಂಗ್ಲಾ ಅಕ್ರಮ ನುಸುಳುಕೋರರ ಬಂಧನ

ಗಾಜಿಯಾಬಾದ್‌: ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಗಾಜಿಯಾಬಾದ್‌ನಲ್ಲಿ ವಾಸಿಸುತ್ತಿದ್ದ ಮೂವರು ಬಾಂಗ್ಲಾ ದೇಶದ ನಾಗರಿಕರನ್ನು ಪೊಲೀಸರು ಬಂಧಿಸಿದ್ದಾರೆ.

ಅಲಂ ಸೇಯಿಖ್‌, ನಾಜುರುಲ್ ಇಸ್ಕಾಂ, ಇಮಾನ್‌ ಹುಸೇನ್‌ ಬಂಧಿತರು.

ಅಲಂ ಸೇಯಿಖ್‌ ಅಮ್ರಪಲ್ಲಿ ಸೊಸೈಟಿಯ ಇಂದಿರಪುರಂನಲ್ಲಿ ವಾಸಿಸುತ್ತಿದ್ದು, ಕರ್ನಾಟಕದ ವಿಳಾಸ ಹೊಂದಿರುವ ಗುರುತು ಚೀಟಿ ಹೊಂದಿದ್ದಾನೆ. ಕಳೆ 17 ವರ್ಷದಿಂದ ದೇಶದಲ್ಲಿ ವಾಸವಿರುವ ಅಲಂ, ರಿಯಲ್‌ ಎಸ್ಟೇಟ್‌ ವ್ಯವಹಾರಗಳನ್ನು ನಡೆಸುತ್ತಿದ್ದ ಎಂದು ತಿಳಿದು ಬಂದಿದೆ. ಮೂವರು ಬಾಂಗ್ಲಾದಿಂದ ಬರುವ ಜನರಿಗೆ ನಕಲಿ ದಾಖಲೆಗಳನ್ನು ಸೃಷ್ಟಿಸಿ, ಅವರಿಗೆ ಭಾರತೀಯರನ್ನಾಗಿಸಿ, ಗುರುತು ಚೀಟಿಗಳನ್ನು ಕೊಡಿಸುತ್ತಿದ್ದರು. ಮೂವರು ಪಶ್ಚಿಮ ಬಂಗಾಳದ ಮೂಲಕ, ಶಿಕ್ಷಣ ಪಡೆಯುವ ನೆಪದಲ್ಲಿ ಭಾರತಕ್ಕೆ ನುಸುಳಿದ್ದಾರೆ ಎಂದು ವಿಚಾರಣೆ ವೇಳೆ ತಿಳಿದು ಬಂದಿದೆ.

ಆರ್‌ಟಿಒ ಬಳಿ ಅನುಮಾನಾಸ್ಪದವಾಗಿ ಕಂಡು ಬಂದ ಮೂವರ ಬಗ್ಗೆ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಬಂಧಿಸಿ ತನಿಖೆ ನಡೆಸಿದಾಗ ಸತ್ಯಾಂಶ ಗೊತ್ತಾಗಿದೆ.