ಕೇರಳದಲ್ಲಿ ಬಿಸಿ ಏರಿಸಿದ 'ಬೀಫ್‌ ಫ್ರೈ' ವಿವಾದ: 'ಶೋಭಾ' ಟೀಕೆಗೆ ಎಲ್‌ಡಿಎಫ್‌ ಉತ್ತರ ಏನು ಗೊತ್ತ?

ಹೊಸದಿಲ್ಲಿ: ಮಕರ ಸಂಕ್ರಾಂತಿ ಹಬ್ಬದಂದು ಕೇರಳ ಪ್ರವಾಸೋದ್ಯಮ ಸಚಿವಾಲಯ ಮಾಡಿದ 'ಬೀಫ್‌ ಫ್ರೈ' (ಗೋಮಾಂಸ) ಟ್ವೀಟ್‌ ಭಾರೀ ವಿವಾದಕ್ಕೆ ಕಾರಣವಾದ ಬೆನ್ನಲ್ಲೇ, ಕೇರಳ ಸರಕಾರ ಈ ಬಗ್ಗೆ ಶುಕ್ರವಾರ ಸ್ಪಷ್ಟನೆ ನೀಡಿದೆ.

''ಯಾವುದೇ ಧರ್ಮದವರ ಧಾರ್ಮಿಕ ಭಾವನೆಗಳಿಗೆ ಘಾಸಿ ಮಾಡುವುದು ಇದರ ಉದ್ದೇಶವಾಗಿರಲಿಲ್ಲ,'' ಎಂದು ಸಿಪಿಐ(ಎಂ) ನೇತೃತ್ವದ ಎಲ್‌ಡಿಎಫ್‌ ಸರಕಾರ ಪ್ರತಿಕ್ರಿಯೆ ನೀಡಿದೆ.



ಈ ಮಧ್ಯೆ, ''ಕೇರಳ ಕಮ್ಯುನಿಸ್ಟರು ರಾಜ್ಯದ ಹಿಂದೂಗಳ ವಿರುದ್ಧ ಸಮರ ಸಾರಿದ್ದಾರೆ,'' ಎಂದು ಸಂಸದೆ ಶೋಭಾ ಕರಂದ್ಲಾಜೆ ಟೀಕಿಸಿದ್ದರು. ಇದಕ್ಕೆ ತಿರುಗೇಟು ನೀಡಿರುವ ಕೇರಳ ಪ್ರವಾಸೋದ್ಯಮ ಸಚಿವ ಕಡಕಂಪಲ್ಲಿ ಸುಂರೇಂದ್ರನ್‌ ಅವರು, ಸಚಿವಾಲಯದ ಟ್ವೀಟ್‌ಗೆ ಬಿಜೆಪಿಯ ಕೆಲವರು ಕೋಮು ಬಣ್ಣ ಬಳಿದು ರಾಜಕೀಯ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಸಿ ಟಿ ರವಿಯಿಂದ ‘ಬೀಫ್’ ಟ್ವೀಟ್ ಎಡವಟ್ಟು ! ಅಪಾರ್ಥ ಮಾಡ್ಕೊಂಡ ನೆಟ್ಟಿಗರಿಂದ ಕ್ಲಾಸ್

ಕೇರಳದ ಪ್ರವಾಸೋದ್ಯಮ ಸಚಿವಾಲಯು ಪ್ರವಾಸಿಗರನ್ನು ಉತ್ತೇಜಿಸಲು ರಾಜ್ಯದ ಗೋಮಾಂಸದ ಬಗ್ಗೆ ರುಚಿಯ ಬಗ್ಗೆ ಪ್ರಸ್ತಾಪಿಸಿ ಟ್ವೀಟ್‌ ಮಾಡಿತ್ತು. ಸಂಕ್ರಾಂತಿ ಹಬ್ಬದಂದೇ ಈ ಟ್ವೀಟ್‌ ಮಾಡಿದ್ದರಿಂದ ಹಲವು ನೆಟ್ಟಿಗರು ಅಸಮಾಧಾನ ವ್ಯಕ್ತಪಡಿಸಿದ್ದರು. ಕೇರಳ ಸರಕಾರದ ವಿರುದ್ಧ ಬಿಜೆಪಿ ನಾಯಕರು ಕಿಡಿಕಾರಿದ್ದರು.