ಬೀಜಿಂಗ್‌ ಬದಲಿಗೆ ಬೆಗ್ಗಿಂಗ್‌ ಶೀರ್ಷಿಕೆ: ಪಾಕ್‌ ಸರಕಾರಿ ಸುದ್ದಿ ಚಾನೆಲ್‌ ಮುಖ್ಯಸ್ಥ ತಲೆದಂಡ

ಹೊಸದಿಲ್ಲಿ: ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಚೀನಾ ಪ್ರವಾಸದ ಭಾಷಣದ ವೇಳೆ ಮಾಡಿದ ಎಡವಟ್ಟು ಪಾಕಿಸ್ತಾನದ ಸರಕಾರಿ ಚಾನೆಲ್‌ನ ಮುಖ್ಯಸ್ಥರ ತಲೆದಂಡವಾಗಿದೆ.

ಇಮ್ರಾನ್‌ ಖಾನ್‌ ಭಾಷಣದ ವೇಳೆ ಟಿವಿ ಪರದೆಯ ಮೇಲೆ ಬೀಜಿಂಗ್ ಎನ್ನುವ ಬದಲು ಬೆಗ್ಗಿಂಗ್‌ ಎಂದು ಬರೆಯಲಾಗಿತ್ತು.

ಇದು ಪಾಕಿಸ್ತಾನಕ್ಕೆ ಜಾಗತಿಕ ಮಟ್ಟದಲ್ಲಿ ತೀವ್ರ ಮುಖಭಂಗವಾಗಿದೆ.

ಏಕೆಂದರೆ ಪಾಕಿಸ್ತಾನ ದಿವಾಳಿಯಾಗುತ್ತಿರುವ ಬಗ್ಗೆ ಸ್ವತಃ ಪಾಕಿಸ್ತಾನದ ಪ್ರಧಾನಿಯೇ ಹೇಳಿಕೊಂಡಿದ್ದು ಅದಕ್ಕೆ ಪೂರಕ ಎಂಬಂತೆ ಟಿವಿ ಪರದೆಯ ಮೇಲೆ ಬೀಜಿಂಗ್‌ ಎನ್ನುವ ಬದಲು ಬೆಗ್ಗಿಂಗ್‌ ಎಂದು ಮೂಡಿದ್ದು ತೀವ್ರ ಮುಜುಗರಕ್ಕೀಡು ಮಾಡಿದೆ.



ಈ ಘಟನೆ ನಡೆದ ಬೆನ್ನಲ್ಲೇ ಸರಕಾರಿ ಸುದ್ದಿ ಚಾನೆಲ್‌ನ ಮುಖ್ಯಸ್ಥರನ್ನು ಅಮಾನತು ಮಾಡಲಾಗಿದೆ.

ಚಾನೆಲ್‌ ಪರವಾಗಿ ಈ ಕುರಿತು ವಿಷಾದವನ್ನು ವ್ಯಕ್ತಪಡಿಸಲಾಗಿದೆ.