ನಿರ್ಲಕ್ಷ್ಯದ ಚಾಲನೆಗೆ ಬೀಳುತ್ತೆ ಭಾರಿ ದಂಡ

ಹೊಸದಿಲ್ಲಿ: ಭಾನುವಾರದಿಂದ ವಾಹನ ಚಲಾಯಿಸುವಾಗ ತುಂಬಾ ಜಾಗೃತೆ ವಹಿಸಿ, ಯಾಕೆಂದರೆ ವಾಹನ ಚಾಲನೆಯಲ್ಲಿನ ಸಣ್ಣ ಸಣ್ಣ ತಪ್ಪಿಗೂ ನೀವು ದುಬಾರಿ ದಂಡ ತೆರಬೇಕಾದೀತು. ಹೌದು, ಸಂಸತ್ತಿನಲ್ಲಿ ಇತ್ತೀಚೆಗೆ ಅಂಗೀಕಾರಗೊಂಡ ಮೋಟಾರು ವಾಹನ ಕಾಯಿದೆಯ ಹೊಸ ತಿದ್ದುಪಡಿಗಳು ಸೆಪ್ಟೆಂಬರ್‌ 1ರಿಂದ ಜಾರಿಗೆ ಬರಲಿದ್ದು ಭಾರಿ ದಂಡ ಕಾದಿದೆ.

ಅಪಘಾತಗಳನ್ನು ತಪ್ಪಿಸಲು ಮತ್ತು ಸುಗಮ, ಸುರಕ್ಷಿತ ಸಂಚಾರಕ್ಕೆ ಹಲವು ತಪ್ಪುಗಳನ್ನು ಹೊಸದಾಗಿ ದಂಡನೆಯ ವ್ಯಾಪ್ತಿಗೆ ತರಲಾಗಿದ್ದು, ಹಳೆ ದಂಡಗಳನ್ನು ಹತ್ತು ಪಟ್ಟಿನಷ್ಟೂ ಹೆಚ್ಚಿಸಲಾಗಿದೆ. ಅಪಾಯಕಾರಿಯಾಗಿ ಚಾಲನೆ ನಡೆಸಿದರೆ 2 ವರ್ಷ ಜೈಲಿಗೆ ಕಳುಹಿಸುವ ಅವಕಾಶವೂ ಇದೆ.



ಕೆಲವು ಪ್ರಮುಖ ದಂಡಗಳು

* ತಪ್ಪುಗಳು ಈಗಿನ ದಂಡ ಹೊಸದು
* ಕುಡಿದು ಚಾಲನೆ 2000 10 ಸಾವಿರ
* ಲೈಸೆನ್ಸ್‌ ಇಲ್ಲದಿದ್ದರೆ 500 5000
* ವಿಮೆ ಇಲ್ಲದಿದ್ದರೆ 1000 2000
* ಹೆಲ್ಮೆಟ್‌ ಇಲ್ಲದಿದ್ದರೆ 100 1000
* ಟಿಕೆಟ್‌ರಹಿತ ಯಾನ 200 500
* ಸುಗಮ ಸಂಚಾರಕ್ಕೆ ಅಡ್ಡಿ 50 500

ಬ್ಯಾಂಕಿಂಗ್‌, ತೆರಿಗೆಯಲ್ಲೂ ಬದಲಾವಣೆ
* ಆಧಾರ್‌ ಲಿಂಕ್‌ ಮಾಡದಿದ್ದರೆ ಇಂದಿನಿಂದ ಪ್ಯಾನ್‌ ಕಾರ್ಡ್‌ ನಿಷ್ಕ್ರಿಯ
* ಇಂದಿನಿಂದ 15 ದಿನದೊಳಗೆ ಬ್ಯಾಂಕ್‌ಗಳಲ್ಲಿ ಕಿಸಾನ್‌ ಕಾರ್ಡ್‌ ಲಭ್ಯ
* ಜೀವವಿಮೆ ಮೆಚೂರ್‌ ಆಗಿ ದೊರೆಯುವ ಮೊತ್ತಕ್ಕೆ 5% ಟಿಡಿಎಸ್‌
* ಇನ್‌ಕಂ ಟ್ಯಾಕ್ಸ್‌ ರಿಟರ್ನ್ಸ್‌ ಫೈಲ್‌ ಮಾಡದಿದ್ದರೆ ಬೀಳಲಿದೆ ದಂಡ
* ಎಸ್‌ಬಿಐನ ಗೃಹ, ವಾಹನ ಸಾಲದ ಬಡ್ಡಿ ದರ ಇಳಿಕೆ ಅನುಕೂಲ
* ಮನೆ ನವೀಕರಣ, ಮದುವೆ ಖರ್ಚು 50 ಲಕ್ಷ ದಾಟಿದರೆ 5% ಟಿಡಿಎಸ್‌